Lɛta Fɔ Galeshya 4:7 - Krio Fɔs Oli Baybul

⁷ So yu nɔto slev igen, yu na Gɔd pikin, ɛn bikɔs yu na Gɔd pikin, i dɔn gi yu ɔl wetin i bin dɔn prɔmis fɔ gi in pikin dɛn.

Lɛta Fɔ Galeshya 4:7 Referans Kwoze

Lɛta Fɔ Galeshya 3:29

If una ɔl na Krays yon pipul, dat min se una na Ebraam in grampikin pikin dɛm, ɛn una go gɛt wetin Gɔd dɔn prɔmis fɔ gi Ebraam in grampikin pikin dɛm.

Lɛta Fɔ Galeshya 3:26

Na we una ɔl biliv pan Jizɔs Krays ɛn una gɛt wanwɔd wit am, na dat mek una ɔl dɔn bi Gɔd in pikin dɛn.

Lɛta Fɔ Galeshya 4:31

So, mi kɔmpin Kristiɛn dɛn, lɛ wi du lɛkɛ se wi na di mared wɛf in pikin dɛn, we wi bi, lɛ wi nɔ du lɛkɛ se wi na di pikin dɛn we di uman we de wok fɔ Ebraam in wɛf bɔn.

Di Sam Dɛm 73:26

Mi at kin pwɛl, mi bɔdi sik, bɔt na PAPA GƆD de gi mi trɛnk; ɛn nain na mi yon sote go.

Lamɛnteshɔn 3:24

Mi sol se, “na PAPA GƆD a gɛt, so nain nɔmɔ a go abop pan.”

Jɛrimaya 10:16

Di wan we Jekob gɛt nɔ tan lɛkɛ dɛn wan ya, bikɔs nain mek ɔltin, ɛn Izrɛl na di pipul dɛn we i pik fɔ insɛf; na PAPA GƆD Ɔlmayti nain nem.

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Rɛvɛleshɔn 21:7

Ɛnibɔdi we stil tinap traŋa afta Gɔd dɔn tray am go gɛt ɔl dɛn tin ya, ɛn pantap dat, a go bi in Papa ɛn i go bi mi pikin.

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Di Sam Dɛm 16:5

PAPA GƆD, yu dɔn gi mi wetin a want ɛn mi layf de na yu an.

Matyu 6:24

“Nɔbɔdi nɔ go bi slev to tu masta di sem tɛm. If i bi so, i go lɛk wan masta, i nɔ go lɛk di ɔda wan. I go wok gud fɔ wan masta, bɔt i nɔ go wok gud fɔ di ɔda wan. Una nɔ go de du Gɔd wok ɛn bi slev to mɔni, di sem tɛm.