Lɛta Fɔ Galeshya 4:5 - Krio Fɔs Oli Baybul

⁵ fɔ sev dɛn pipul we de ɔnda di Ju Lɔ, so dat i go mek wi bi Gɔd pikin dɛn.

Lɛta Fɔ Galeshya 4:5 Referans Kwoze

Di Ibru Pipul Dɛn 9:15

Dis sho se na Krays tinap midul Gɔd ɛn mɔtalman, i mek nyu agrimɛnt, so dat dɛn pipul we Gɔd dɔn kɔl fɔ bi in pipul go gɛt dɛn gud tin we Gɔd prɔmis fɔ gi dɛn, ɛn dɛn gud tin de go blant dɛn sote go. Na bikɔs Krays day mek dat go bi, di day we i day mek Gɔd padin in pipul dɛn fɔ di bad we dɛn bin dɔn du, wɛn dɛn bin de ɔnda di fɔs agrimɛnt.

Lɛta Fɔ Ɛfisɔs 1:5

We Gɔd lɛk wi, i dɔn mek Jizɔs Krays briŋ wi kam bak to insɛf; so dat wi go bi in pikin dɛn, bikɔs na dat i lɛk fɔ du ɛn na dat i mekɔp fɔ du.

Lɛta Fɔ Ɛfisɔs 1:7

Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Di Ibru Pipul Dɛn 9:12

Wɛn Krays bin go insay di ples we Gɔd de, na wan tɛm nɔmɔ i go insay de. Nɔto got ɛn man kaw blɔd i bin sakrifays de, nain yon blɔd. Na da blɔd de i tek gi wi layf we go de sote go.

Lɛta Fɔ Galeshya 3:13

Jizɔs Krays dɔn mek di Lɔ tap fɔ kɔndɛm wi lɛkɛ aw i bin de kɔndɛm wi bifo, bikɔs i gri mek dɛn kɔndɛm am fɔ day na di krɔs fɔseka wi; lɛkɛ aw dɛn rayt na Gɔd in Buk we dɛn se, “Gɔd go kɔndɛm ɛnibɔdi we dɛn ɛŋ pan tik.”

Lɛta Fɔ Rom 8:23

Nɔto dɛn tin ya we Gɔd mek nɔmɔ de pini; bɔt wi we gɛt Gɔd in Spirit, ɛn nain Spirit i gi wi fɔs, wisɛf de pini na wi at as wi de wet fɔ di tɛm we Gɔd go mek wi bi in pikin dɛn ɛn fri wi bɔdi, wɛn i gi wi nyu bɔdi.

Lɛta Fɔ Galeshya 4:7

So yu nɔto slev igen, yu na Gɔd pikin, ɛn bikɔs yu na Gɔd pikin, i dɔn gi yu ɔl wetin i bin dɔn prɔmis fɔ gi in pikin dɛn.

Lɛta Fɔ Galeshya 3:26

Na we una ɔl biliv pan Jizɔs Krays ɛn una gɛt wanwɔd wit am, na dat mek una ɔl dɔn bi Gɔd in pikin dɛn.

Lɛta Fɔ Rom 9:4

Di Ju pipul dɛn na di pipul we Gɔd dɔn pik; i dɔn mek dɛn bi in pikin dɛn ɛn mek dɛn waka na di wɔndaful layt we i de; i mek plɛnti agrimɛnt wit dɛn ɛn gi dɛn di Lɔ; Gɔd dɔn sho dɛn di rayt we we dɛn fɔ pre to am; dɛn dɔn gɛt ɔltin we Gɔd prɔmis dɛn.

Jɔn 1:12

Bɔt ɛnibɔdi we gladi fɔ mek i kam na dɛn layf ɛn biliv pan am, i gi dɛn di rayt fɔ bi Gɔd in pikin dɛn.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Lɛta Fɔ Rom 8:19

Ɔltin we Gɔd mek de wet ɛn dɛn want bad bad mek Gɔd sho dɛn in pikin dɛn.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Lɛta Fɔ Galeshya 4:21

Mek a aks una we want mek di Ju Lɔ rul una, una nɔ sabi wetin di Ju Lɔ se?

Lyuk 1:68

I se: “Lɛ wi prez wi Masta we na di Izrɛl pipul dɛn Gɔd, bikɔs i dɔn kam to in pipul dɛn fɔ fri dɛn.

Di Ibru Pipul Dɛn 1:3

I de sho pipul Gɔd in wɔndaful pawa. Wɛn una si di Pikin, una dɔn si Gɔd, ɛn na di Pikin in wɔd we gɛt pawa de mek ɔltin na di wɔl de aw dɛn fɔ de. Afta di Pikin dɔn pul mɔtalman sin kɔmɔt pan dɛn, so dat dɛn go klin na Gɔd yay, i go na ɛvin ɛn sidɔm na Gɔd we de rul ɔltin, in raytan.

Matyu 20:28

una fɔ tan lɛkɛ Mɔtalman Pikin, we nɔ kam fɔ mek mɔtalman bi in savant, bɔt i kam fɔ bi dɛn savant ɛn fɔ gi in layf fɔ sev plɛnti plɛnti pipul.”

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Pita In Fɔs Lɛta 3:18

Na fɔseka dat mek Krays we nɔ sin wande, day wan tɛm nɔmɔ fɔ ɔl wi sin, in we gud day fɔ wi ɔl we bad, so dat i kin mek una kam klos Gɔd. Dɛn bin kil Krays wɛn Krays na bin mɔtalman, bɔt naw we Krays na Spirit, Gɔd dɔn mek i rayz frɔm di grev.

Rɛvɛleshɔn 14:3

Di wan ɔndrɛd ɛn fɔti-fo tawzin pipul dɛn tinap bifo di ay chia we Gɔd sidɔm pan, bifo di fo tin dɛn we gɛt layf, ɛn bifo di bigman dɛn. Dɛn bin de siŋ wan nyu siŋ we na dɛn wan nɔmɔ, we Krays bin dɔn pe fɔ na wɔl wit in blɔd, bin ebul lan ɛn siŋ am.

Lɛta Fɔ Rom 8:14

Dɛn pipul we de du wetin Gɔd in Spirit tɛl dɛn fɔ du, na Gɔd in pikin dɛn.

Lɛta Fɔ Rom 8:15

Di Spirit we Gɔd gi una nɔ mek una bi slev ɛn i nɔ de mek una fred, bɔt i mek una bi Gɔd in pikin dɛn ɛn nain de mek wi se, “Papa, mi Papa,” we wi de kɔl Gɔd.

Lɛta Fɔ Rom 10:4

Krays dɔn kam, di Lɔ nɔ gɛt pawa igen, so Gɔd de mek ɔltin rayt bitwin in ɛn ɛnibɔdi we biliv pan Krays.