Lɛta Fɔ Galeshya 4:4 - Krio Fɔs Oli Baybul

⁴ Bɔt wɛn di rayt tɛm rich, Gɔd sɛn in Pikin, we na Jizɔs Krays, kam na wɔl. Gɔd mek uman bɔn Jizɔs Krays ɛn Jizɔs Krays du ɔl wetin di Ju lɔ se,

Lɛta Fɔ Galeshya 4:4 Referans Kwoze

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

Lɛta Fɔ Rom 1:3

Dis Gud Nyuz ya tɔk bɔt Gɔd in Pikin we na wi Masta Jizɔs Krays. Wɛn di Pikin na bin mɔtalman na bin wan pan Devid in grampikin pikin dɛm;

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Mak 1:15

I bin de se, “Di tɛm dɔn rich. Di tɛm we Gɔd go rul wi, dɔn kam klos. Una tap fɔ du dɛn bad tin we una de du ɛn biliv di Gud Nyuz.”

Jɔn 3:16

Gɔd so lɛk mɔtalman dat i gi in wangren Pikin we i lɛk; so dat ɛnibɔdi we biliv pan am nɔ go day, bɔt i go gɛt layf we go de sote go.

Matyu 1:23

“Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Jɔn In Fɔs Lɛta 4:14

Wisɛf dɔn si in Pikin ɛn wi dɔn tɛl pipul se i sɛn in Pikin fɔ kam sev di wɔl.

Lɛta Fɔ Ɛfisɔs 1:10

Gɔd bin dɔn plan se: Wɛn di tɛm rich, i go briŋ ɔltin we gɛt layf wan ples: ɔltin we de na di klawd ɛn ɔl dɛn wan we de na di wɔl, Krays go bi edman fɔ dɛn ɔl.

Lyuk 2:7

Meri bɔn in fɔs pikin we na bin bɔbɔ. I rap di pikin wit plɛnti pisis, ɛn le am pan di gras we dɛn bin kɔt fɔ dɛn ship ɛn dɛn got fɔ it, bikɔs ples nɔ bin de fɔ am insay di os we dɛn bin tap.

Lɛta Fɔ Rom 8:3

Gɔd dɔn du wetin di Lɔ nɔ ebul du bikɔs mɔtalman nɔ ebul ɛp insɛf. Gɔd kɔndɛm di sin we de wok insay mɔtalman in at wɛn i sɛn in yon Pikin lɛkɛ mɔtalman kam na wɔl fɔ pul sin kɔmɔt na mɔtalman in at.

Lyuk 1:35

Di enjɛl ansa am se, “Gɔd in Spirit go kam pan yu, Gɔd we pas ɔl in pawa go kɔba yu. Na dat mek pipul go kɔl di pikin we Gɔd go sɛn we yu go bɔn, Gɔd in Pikin.

Jɔn 6:38

bikɔs a nɔ kɔmɔt na ɛvin kam fɔ du wetin a want, a kam fɔ du wetin di wan we sɛn mi want mi fɔ du.

Jɛrimaya 31:22

Aw lɔŋ yu go de dawt, Yu gyal pikin we nɔ gɛt feth? Bikɔs PAPA GƆD dɔn mek nyu tin na di wɔl: uman de gyad man.”

Di Ibru Pipul Dɛn 2:14

We dɛn pikin ya na mɔtalman, na dat mek Jizɔs insɛf kam na wɔl lɛkɛ mɔtalman, so dat di day we i day go pwɛl Setan, we gɛt pawa fɔ kil, ɔltogɛda.

Jɔn 10:36

Fɔ mi yon pat, mi Papa pik mi ɛn sɛn mi kam na wɔl, so wetin mek una se a fityay Gɔd wɛn a se, mi na Gɔd in Pikin?

Zɛkaraya 6:12

I se fɔ tɛl am se in PAPA GƆD se, sɔmbɔdi gɛt fɔ kam, we dɛn go kɔl Branch. I se nain go bi di wan we go kam bil PAPA GƆD in os.

Ayzaya 48:16

Kam nia mi, yɛri dis: frɔm tɛm, a nɔ de tɔk sikrit, frɔm di tɛm we i bi, a bin dɔn de de.” Ɛn naw PAPA GƆD dɔn sɛn mi ɛn in Spirit

Jɛnɛsis 3:15

A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Lɛta Fɔ Rom 15:8

A de tɛl una se Krays kam fɔ ɛp di Ju pipul dɛn fɔ sho se Gɔd go du wetin i bin dɔn prɔmis Ebraam, Ayzak ɛn Jekɔb,

Apɔsul Dɛn Wok 1:7

Jizɔs ansa dɛn se, “Na mi Papa nɔmɔ gɛt rayt fɔ tɔk ustɛm ɔl dɛn tin de go bi, nɔto una.

Lyuk 1:31

Yu go gɛt bɛlɛ ɛn yu go bɔn bɔy pikin, ɛn yu fɔ kɔl di pikin, Jizɔs.

Matyu 3:15

Jizɔs se, “Du wetin a tɛl yu fɔ du dis tɛm ya. If yu du dat, wi go dɔn du ɔl wetin Gɔd want wi fɔ du fɔ mek pipul sev.” So Jɔn du wetin Jizɔs se.

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Jɔn In Fɔs Lɛta 4:2

Una lisin aw una go no if na to Gɔd di Spirit kɔmɔt. If ɛni bɔdi tɔk se Jizɔs Krays bin kam lɛkɛ mɔtalman, Gɔd in Spirit de insay am.

Di Ibru Pipul Dɛn 9:10

Ɔl dɛn tin ya na lɔ we tɔk bɔt tin fɔ it ɛn drink ɛn aw fɔ was dɛn tin we go mek pipul klin na Gɔd yay. Ɔl dɛn lɔ ya jɛs de fɔ dis wɔl, ɛn dɛn pawa go jɛs de sote di tɛm rich we Gɔd go chenj ɔltin.

Lɛta Fɔ Kɔlɔse 2:14

Gɔd dɔn ires dɛn dɛt we wi bin gɛt fɔ pe, ɛn dɛn lɔ we bin mek wi tan lɛkɛ slev fɔseka di dɛt dɛn. Gɔd pwɛl dɛn we i nel dɛn pan Krays in krɔs.

Lɛta Fɔ Rom 9:5

Dɛn fɔs Ju pipul we bin de klos Gɔd na dɛn grampapa papa dɛn, ɛn wɛn Krays na bin mɔtalman, na bin Ju. Mek wi prez Gɔd, we de rul di wɔl, sote go! Emɛn.

Jɔn 8:42

Jizɔs se, “If Gɔd na bin una Papa fɔ tru, una bin fɔ lɛk mi, bikɔs na Gɔd a kɔmɔt to kam na ya. A nɔ jɛs kam bay misɛf, na mi Papa sɛn mi.

Matyu 5:17

“Una nɔ fɔ fil se a kam fɔ pwɛl di Lɔ we Gɔd gi Mozis ɛn wetin dɛn prɔfɛt dɛn bin lan pipul. A nɔ kam fɔ pwɛl dɛn, a kam fɔ mek wetin dɛn bin tɔk, bi.

Malakay 3:1

PAPA GƆD Ɔlmayti se in de sɛn wan mɛsenja we go mek shɔ se ɔltin ɔrayt fɔ am dɔn dɛn go si PAPA GƆD lɛk aw dɛn de luk fɔ am as i go kam nain os; nain na di mɛsenja we dɛn wan fɔ si bikɔs we in kam i go mek shɔ se dɛn kip in Kɔvinant.

Di Nɔmba Dɛm 28:22

Dɛn fɔ mek shɔ se dɛn put wan man got we fɔ bi sin sakrifays fɔ yuz fɔ beg padin fɔ dɛn sin.

Lɛta Fɔ Rom 5:6

Di tɛm we sin bin plɛnti na wi layf, wi nɔ bin ebul ɛp wisɛf; Krays day fɔ wi we nɔ bin de du wetin Gɔd want, di rayt tɛm we Gɔd pik.

Fɔs Lɛta To Timoti 2:6

i sakrifays in layf fɔ tek bay mɔtalman bak. Na di tin dat we, wɛn di rayt tɛm rich, Gɔd sho mɔtalman fɔ mek dɛn no se in want sev dɛn.

Lyuk 20:44

If Devid kɔl am Masta, aw i go bi wan pan in granpikin pikin dɛn?”