Lɛta Fɔ Galeshya 4:3 - Krio Fɔs Oli Baybul

³ Na so wisɛf bin tan, wi na bin slev to dɛn dɛbul we bin de rul di wɔl, bifo wi no bɔt Gɔd gud gud.

Lɛta Fɔ Galeshya 4:3 Referans Kwoze

Lɛta Fɔ Kɔlɔse 2:20

I jɛs tan lɛkɛ se wɛn Krays day, unasɛf day, so dɛn spirit we de rul di wɔl nɔ de rul una igen. So wetin mek una de du lɛkɛ di pipul dɛn na wɔl? Wetin mek una de fala dɛn lɔ ya we se, “Nɔ tɔch dis it ya,” “Nɔ tes da wande,” “Nɔ tek da wande fɔ it am?”

Lɛta Fɔ Kɔlɔse 2:8

Una luk shap, mek nɔbɔdi nɔ mek una ful ɛn tɔn una lɛkɛ slev wit in yon mɔtalman sɛns we nɔ min natin; di tin dɛn we dɛn pipul ya de tɔk na wetin dɛn lɔntɛm pipul bin de lan pipul, ɛn na dɛn spirit we de rul dis wɔl mek dɛn no dɛn tin ya. Dɛn tin ya nɔ kɔmɔt to Krays.

Lɛta Fɔ Galeshya 4:9

Bɔt we una dɔn no Gɔd, ɔ a fɔ se, Gɔd dɔn no una; wetin mek una want tɔn bak go bi slev to di spirit dɛn we nɔ gɛt pawa ɛn we nɔ min natin? Wetin mek una want go bi dɛn slev bak?

Lɛta Fɔ Galeshya 2:4

pan ɔl we sɔm pipul bin want am fɔ du dat. Dɛn sem pipul ya bin de mek lɛkɛ se dɛn biliv pan Jizɔs Krays, dɛn bin kam miks wit wi fɔ wach wi bikɔs wi fri fɔ du ɛnitin we Gɔd want we wi gɛt wanwɔd wit Jizɔs Krays. Dɛn bin want fɔ lɛ wi bi slev ɔnda di Ju Lɔ,

Lɛta Fɔ Galeshya 4:31

So, mi kɔmpin Kristiɛn dɛn, lɛ wi du lɛkɛ se wi na di mared wɛf in pikin dɛn, we wi bi, lɛ wi nɔ du lɛkɛ se wi na di pikin dɛn we di uman we de wok fɔ Ebraam in wɛf bɔn.

Apɔsul Dɛn Wok 15:10

So wetin mek wi want du di tin we go mek Gɔd vɛks? Wetin mek wi de kam put lod pan dɛn pipul we dɔn biliv pan di Masta, da lod we wi grampapa papa dɛn nɔ bin ebul tot, da lod we wisɛf nɔ ebul tot?

Lɛta Fɔ Rom 8:15

Di Spirit we Gɔd gi una nɔ mek una bi slev ɛn i nɔ de mek una fred, bɔt i mek una bi Gɔd in pikin dɛn ɛn nain de mek wi se, “Papa, mi Papa,” we wi de kɔl Gɔd.

Jɔn 8:31

So Jizɔs tɛl di wan dɛn we biliv pan am se, “If una de du ɔl wetin a tɛl una fɔ du, una na mi lanin bɔy dɛn fɔ tru;

Di Ibru Pipul Dɛn 7:16

Nɔto fɔseka di lɔ ɛn wetin mɔtalman de du mek i bi man we de mek sakrifays fɔ pipul sin, na bikɔs i gɛt pawa fɔ de sote go.

Lɛta Fɔ Galeshya 4:25

Wɛn pɔsin de tɔk bɔt Ega, na Mawnt Saynay we de Are bia, i de tɔk bɔt. Ega jɛs tan lɛkɛ aw Jerusɛlɛm tan tide, ɔl di pipul dɛn we kɔmɔt de tan lɛkɛ slev, na so Ega ɛn in pikin dɛnsɛf tan lɛkɛ slev.

Lɛta Fɔ Galeshya 3:19

So wetin mek Gɔd gi wi di Ju Lɔ? Gɔd gi mɔtalman di Lɔ fɔ sho am se i de du bad, ɛn di Lɔ go de sote Ebraam in grampikin pikin, we Gɔd mek di prɔmis fɔ, kam. Gɔd bin sɛn sɔm enjɛl dɛn fɔ kam gi Mozis di Lɔ, so dat Mozis go pas am to di Ju pipul dɛn; nain na bin di midulman.

Matyu 11:28

“Una kam to mi, una ɔl we dɔn taya fɔ tot ebi lod, a go pul di lod kɔmɔt pan una ed, mek una go blo.

Lɛta Fɔ Rom 7:14

Wi no se di lɔ kɔmɔt to Gɔd, bɔt mi na mɔtalman, mi na sin in slev.

2 Kɔrint 11:20

Una de bia wit ɛni pɔsin we de mek lɛkɛ se in na una bɔs, we de tek advantej pan una, we de sɛt trap fɔ una, we nɔ gɛt rɛspɛkt fɔ una, ɛn we kin slap una sɛf.

Lɛta Fɔ Galeshya 4:2

Bikɔs wɛn pikin lili, na big pɔsin dɛn go sho am wetin fɔ du ɛn du ɔltin fɔ am sote in papa go se i dɔn rich tɛm fɔ mek insɛf bigin du ɔltin fɔ insɛf.

Lɛta Fɔ Galeshya 4:8

Fɔs tɛm, una nɔ bin no Gɔd, so una na bin slev to dɛn spirit we nɔ gɛt pawa lɛkɛ Gɔd.

Lɛta Fɔ Galeshya 4:24

Ebraam in tu wɛf dɛn min tu difrɛn tin: dɛn tu tan lɛkɛ tu difrɛn agrimɛnt. Di fɔs wan na di uman we kɔmɔt Mawnt Saynay we bɔn slev, dat na Ega.

Di Ibru Pipul Dɛn 5:12

I dɔn rich tɛm we unasɛf fɔ bigin lan ɔda pipul bikɔs i dɔn te we una de lan, bɔt pɔsin stil gɛt fɔ lan una di fɔs tin dɛn we una bin dɔn lan bɔt Gɔd in mɛsej. Una fɔ stil drink milk lɛkɛ pikin we de sɔk bɔbi, bikɔs una nɔ du yet fɔ it tin we fɔ cham lɛkɛ big pɔsin.