Lɛta Fɔ Galeshya 4:22 - Krio Fɔs Oli Baybul

²² Pɔsin kin rid na di Ju Lɔ se Ebraam bin gɛt tu pikin, in wɛf bɔn wan, ɛn di uman we de wok fɔ in wɛf, bɔn di ɔda wan.

Lɛta Fɔ Galeshya 4:22 Referans Kwoze

Jɛnɛsis 16:15

Ega bɔn bɔypikin fɔ Ebram, ɛn Ebram gi am nem Ishmɛl.

Jɛnɛsis 21:10

So i tɛl Ebraam fɔ drɛb di slev gyal ɛn in pikin kɔmɔt nain os. I se, “Dis uman in pikin nɔ fɔ gɛt ɛnitin pan yu prɔpati, na mi bɔypikin Ayzak fɔ gɛt ɔltin.”

Lɛta Fɔ Galeshya 4:23

Di uman we bin de wok fɔ Ebraam in wɛf bin gɛt bɛlɛ ɛn bɔn bɔy pikin lɛkɛ aw uman kin bɔn pikin, bɔt di pikin we Ebraam in wɛf bɔn, i bɔn am bikɔs Gɔd bin dɔn prɔmis Ebraam da pikin de.

Lɛta Fɔ Galeshya 4:30

Bɔt na wetin dɛn rayt na Gɔd in Buk? Dɛn rayt se, “Drɛb di uman we de wok fɔ Ebraam in wɛf ɛn di pikin we i bɔn, bikɔs dɛn nɔ go gɛt natin pan Ebraam in prɔpati; na Ebraam in wɛf ɛn in pikin fɔ gɛt di prɔpati.”

Lɛta Fɔ Galeshya 4:31

So, mi kɔmpin Kristiɛn dɛn, lɛ wi du lɛkɛ se wi na di mared wɛf in pikin dɛn, we wi bi, lɛ wi nɔ du lɛkɛ se wi na di pikin dɛn we di uman we de wok fɔ Ebraam in wɛf bɔn.