Lɛta Fɔ Galeshya 4:18 - Krio Fɔs Oli Baybul

¹⁸ Na fayn tin fɔ mek pipul sho se dɛn kia bɔt dɛn kɔmpin, if na gud dɛn want du. Una fɔ de lɛkɛ dat ɔltɛm, ivin we a nɔ de wit una.

Lɛta Fɔ Galeshya 4:18 Referans Kwoze

Lɛta Fɔ Filipay 2:12

Mi padi dɛn we a lɛk bad, jɛs lɛkɛ aw ɔltɛm una kin du wetin a se, di tɛm we a bin de wit una, naw we a nɔ de wit una, i gud fɔ mek una du ɔl wetin a se pas wɛn a bin de wit una; ɛn una fɔ fred Gɔd, dat go mek una du ɔl wetin Gɔd want una fɔ du.

Rɛvɛleshɔn 3:19

Dɛn pipul we a lɛk na dɛn a kin tɛl se dɛn de du rɔŋ tin ɛn a kin pɔnish dɛn mek dɛn go gɛt sɛns fɔ du wetin rayt. So una kechɔp unasɛf, ɛn lɛf fɔ sin.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Lɛta Fɔ Filipay 1:27

Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

Lɛta Fɔ Galeshya 4:13

Una no se, di fɔs tɛm we a kam to una, na di sik we a bin sik bin mek a gɛt di chans fɔ tɛl una di Gud Nyuz bɔt Jizɔs Krays.

1 Kɔrint 15:58

So, mi kɔmpin Kristiɛn dɛn, una tinap traŋa, una nɔ gri mek ɛnitin mek una dawt. Una fɔ de du Gɔd in wok ɔltɛm, una no se ɛnitin we una de du fɔ Gɔd nɔ go go fɔ natin.

Di Sam Dɛm 119:139

A kin brok zil, bikɔs mi ɛnimi dɛn nɔ bisin bɔt di lɔ.

Jɔn 2:17

Di lanin bɔy dɛn mɛmba wetin Gɔd in Buk se, “O Gɔd, a de day wit di lɛk we a lɛk yu os, i dɔn so grip mi dat i nɔ go lɛf mi igen.”

Ayzaya 59:17

I wɛr raychɔsnɛs fɔ brɛsplet, ɛn wan ɛlmɛt ɔf salveshɔn, nain ed; I wɛr gamɛnt ɔf vɛnjɛns, fɔ in klos, ɛn rap insɛf insay bad bad vɛksteshɔn, fɔ ovakot.

Di Sam Dɛm 69:9

Di lɛk we a lɛk yu os dɔn tɔn bon na mi trot ɛn ɔl di kɔs we dɛn de kɔs yu de tɔn pan mi.

Lɛta Fɔ Galeshya 4:20

A jɛs want fɔ go to una naw, so dat a nɔ go tɔk to una traŋa wan lɛkɛ aw a de tɔk to una so. A nɔ no wetin fɔ du wit una igen.

Lɛta Fɔ Galeshya 4:17

Dɛn ɔda pipul kia bɔt una, bɔt wetin dɛn want nɔ fayn. Dɛn want fɔ sɛtfaya, mek a nɔ go gɛt wanwɔd wit una, so dat una go de fɔ dɛn lɛkɛ aw dɛn de fɔ una.