Lɛta Fɔ Galeshya 4:16 - Krio Fɔs Oli Baybul

¹⁶ Una nɔ lɛk mi igen bikɔs a tɛl una tru wɔd?

Lɛta Fɔ Galeshya 4:16 Referans Kwoze

Emɔs 5:10

Una et dɛn wan we de tɛl una na kot se una rɔŋ ɛn nɔ lɛk udat de tɔk tru.

Prɔvabs 9:8

Nɔ kɔrɛkt pɔsin we nɔ de tek natin mek natin; if yu du dat i go et yu; bɔt if yu kɔrɛkt yu gɛt sɛns, i go rɛspɛkt yu.

Lɛta Fɔ Galeshya 5:7

Una bin de du wɛl we una bin de biliv pan Krays mɔ ɛn mɔ; udat mek una lɛf fɔ du dɛn tru tin we Gɔd tɛl una fɔ du? Wetin di pɔsin du fɔ chenj una at?

Jɔn 8:45

Bɔt a de tɔk tru, na dat mek una nɔ biliv mi.

Di Sam Dɛm 141:5

We pɔsin we de du wetin rayt, tɔk pan mi, na gud i de du. If i ala pan mi, i go tan lɛk se dɛn trowe wata na mi ed, a nɔ go vɛks. Bɔt a go de pre bɔt di wikɛdnɛs we di bad man de du ɔltɛm.

1 Kiŋ 22:8

Di kiŋ fɔ Izrɛl ansa Jɛoshafat se wan mɔ prɔfɛt stil de we kin aks PAPA GƆD, we nem Maykaya we na Imla in bɔypikin; i se bɔt in et Maykaya bikɔs wande i nɔ de tɛl am gud tin, pas bad tin. Jɛoshafat tɛl di kiŋ se lɛ i nɔ tɔk so.

Lɛta Fɔ Galeshya 2:5

bɔt wi nɔ gri fɔ mek dɛn chenj di Gud Nyuz we na tru, bikɔs, we na tru, wi want mek i de wit una ɔltɛm.

Jɔn 7:7

Di pipul dɛn na wɔl jɛs gɛt fɔ lɛk una, bɔt dɛn nɔ lɛk mi bikɔs a kin de tɛl dɛn se, dɛn de du bad.

1 Kiŋ 21:20

Wɛn Eab si Ilayja, i tɛl am se “E bo mi ɛnimi! Yu kam fɛn mi na yaso bak!?” Ilayja ansa am se yɛs, in go fɛn am bikɔs i jɛs mekɔp in maynd fɔ de du bad bifo PAPA GƆD in yay.

Lɛta Fɔ Galeshya 2:14

Wɛn a si se dɛn nɔ de du di rayt tin we de na di Gud Nyuz, a tinap bifo ɔl di ɔda Kristiɛn dɛn ɛn tɛl Pita se, “Yu na Ju man, bɔt yu de du lɛkɛ se yu nɔto Ju. Wetin mek yu de pin naw se dɛn pipul we nɔto Ju fɔ de du lɛkɛ aw dɛn Ju de du?”

2 Kronikuls 25:16

As i bin de tɔk, nain di kiŋ aks am se, “Udat mek yu advaysa fɔ di kiŋ? Tap an de! Wetin mek yu fɔ fɛn day?” So di prɔfɛt tap, bɔt tɔk se, “A no se PAPA GƆD dɔn mek ɔp fɔ nyakanyaka yu traŋa wan bikɔs yu dɔn biev bad, ɛn nɔ lisin to mi advays.”

1 Kiŋ 22:27

di kiŋ se dɛn fɔ put am na jel ɛn fid am wit ɛmti bred ɛn wata te i kam bak.

Lɛta Fɔ Galeshya 4:15

Una bin gladi fɔ mi fɔs tɛm, bɔt wetin dɔn bi naw? Fɔ tru a no se una bin fɔ gi mi ɔl wetin una gɛt, ilɛk sɛf a bin aks una fɔ gi mi una bɔlyay.

Lɛta Fɔ Galeshya 4:17

Dɛn ɔda pipul kia bɔt una, bɔt wetin dɛn want nɔ fayn. Dɛn want fɔ sɛtfaya, mek a nɔ go gɛt wanwɔd wit una, so dat una go de fɔ dɛn lɛkɛ aw dɛn de fɔ una.