Lɛta Fɔ Galeshya 4:15 - Krio Fɔs Oli Baybul

¹⁵ Una bin gladi fɔ mi fɔs tɛm, bɔt wetin dɔn bi naw? Fɔ tru a no se una bin fɔ gi mi ɔl wetin una gɛt, ilɛk sɛf a bin aks una fɔ gi mi una bɔlyay.

Lɛta Fɔ Galeshya 4:15 Referans Kwoze

Lɛta Fɔ Rom 5:2

Bikɔs wi biliv pan Krays, i dɔn mek wi no aw Gɔd lɛk wi pan ɔl we wi nɔ fit fɔ mek i lɛk wi, ɛn Gɔd de sho wi aw i lɛk wi naw. So wi gladi, bikɔs wi no se Gɔd go mek wi bi jɛs lɛkɛ aw i want wi fɔ bi.

Lɛta Fɔ Kɔlɔse 4:13

A no se Ɛpafras dɔn wok traŋa fɔ ɛp una ɛn dɛn pipul na Laodisya ɛn Iarapolis.

Fɔs Lɛta Fɔ Tɛsalonayka 5:13

Una fɔ rɛspɛkt dɛn ɛn lɛk dɛn fɔ ɔl di wok we dɛn de du. Una nɔ fɔ mek plaba wit una kɔmpin.

Fɔs Lɛta Fɔ Tɛsalonayka 2:8

Bikɔs wi lɛk una bad, wi bin rɛdi fɔ tɛl una di Gud Nyuz we Gɔd tɛl wi fɔ tɛl una ɛn fɔ day sɛf fɔ una. Wi bin lɛk una bad bad!

Lɛta Fɔ Galeshya 6:4

Ɔlman fɔ tink bɔt wetin i de du ɛn jɔj insɛf if wetin i de du rayt; if i de du wetin rayt, dɛn i kin bost. I nɔ fɔ luk wetin ɔda pipul de du fɔ jɔj wetin in de du.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Lɛta Fɔ Galeshya 4:19

Mi pikin dɛn, mek a tɛl una igen se, di pen we a de fil fɔseka una jɛs tan lɛkɛ di pen we uman kin fil wɛn i want fɔ bɔn. A go fil dis pen ya sote una bi pipul we de fala Krays gud.

Lɛta Fɔ Galeshya 3:14

Krays du dat so dat wetin i dɔn du go mek Gɔd gi dɛn pipul we nɔto Ju di sem blɛsin we i bin prɔmis Ebraam ɛn dat go mek Gɔd gi dɛn pipul we biliv pan am, in Spirit we i bin dɔn prɔmis.

2 Kɔrint 8:3

A de tɛl una fɔ tru se, dɛn gi ɔmɔs dɛn ebul, ɛn pas dat sɛf.

Lɛta Fɔ Rom 15:13

Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ.

Lɛta Fɔ Rom 10:2

A kin tɔk fɔ dɛn se, dɛn want pliz Gɔd bad wan, bɔt dɛn nɔ no di rayt we.

Lɛta Fɔ Rom 9:3

a de tɔk bɔt dɛn pipul we wi ɔl na Ju. If a bin go ɛp dɛn, a bin fɔ wish mek Gɔd kɔndɛm misɛf ɛn mek a nɔ bi Krays yon pɔsin igen.

Lyuk 8:13

Dɛn sid we fɔdɔm pan ston ston na dɛn pipul we yɛri Gɔd in wɔd; dɛn gladi ɛn biliv am, bɔt dɛn tan lɛkɛ tin we fɔ gro bɔt we nɔ gɛt rut; dɛn kin biliv fɔs, bɔt wɛn Setan tray dɛn lili bit nɔmɔ, dɛn nɔba biliv igen.

Lɛta Fɔ Galeshya 4:14

We a bin sik bad, dat bin mek tin traŋa fɔ una, bɔt dat nɔ mek una du lɛkɛ se una nɔ no mi. Una bin tek mi lɛkɛ aw una go tek Gɔd in mɛsenja, ɔ Jizɔs Krays insɛf.

Lɛta Fɔ Galeshya 4:16

Una nɔ lɛk mi igen bikɔs a tɛl una tru wɔd?