Lɛta Fɔ Galeshya 4:12 - Krio Fɔs Oli Baybul

¹² Mi Kristiɛn pipul dɛn, a de beg una, mek una nɔ tink se di Ju Lɔ go mek ɔltin rayt bitwin una ɛn Gɔd. Misɛf nɔ tink so, lɛkɛ aw unasɛf nɔ bin tink so fɔstɛm. Una nɔ bin du mi bad.

Lɛta Fɔ Galeshya 4:12 Referans Kwoze

2 Kɔrint 2:5

If ɛnibɔdi dɔn du tin we mek in kɔmpin fil bad, nɔto mi i mek fil bad, na una; ɔ mek a se, na sɔm pan una i mek fil bad, bikɔs a nɔ want mek di pɔsin fil bad tumɔs.

1 Kiŋ 22:4

Na de i aks Jɛoshafat if i go jɔyn am fɔ go fɛt Ramɔt Giliad. Jɛoshafat ansa di kiŋ fɔ Izrɛl se, “Bo, mi ɛn yu na wan, mi pipul dɛn na yu yon pipul dɛn, mi ɔs dɛn na yu yon ɔs dɛn.

Jɛnɛsis 34:15

Dɛn se dɛn go gri if ɔl di man dɛn gri fɔ sakɔmsayz lɛkɛ dɛn.

Lɛta Fɔ Galeshya 6:14

Fɔ mi yon pat, a go bost nɔmɔ bɔt di day we Masta Jizɔs Krays day na di krɔs. Na di day we Jizɔs day na di krɔs mek natin nɔ ful mi yay na dis wɔl, ɛn a jɛs tan lɛkɛ dayman; dis wɔl nɔ gɛt natin fɔ du wit mi.

Lɛta Fɔ Galeshya 2:14

Wɛn a si se dɛn nɔ de du di rayt tin we de na di Gud Nyuz, a tinap bifo ɔl di ɔda Kristiɛn dɛn ɛn tɛl Pita se, “Yu na Ju man, bɔt yu de du lɛkɛ se yu nɔto Ju. Wetin mek yu de pin naw se dɛn pipul we nɔto Ju fɔ de du lɛkɛ aw dɛn Ju de du?”

2 Kɔrint 6:13

A de tɔk to una naw lɛkɛ se una na mi pikin dɛn: una fɔ sho se una at opin fɔ wi, lɛkɛ aw wisɛf yon at opin fɔ una!

Apɔsul Dɛn Wok 21:21

Dɛn bin dɔn tɛl dɛn bɔt yu, dɛn se yu de lan ɔl dɛn Ju pipul we de na dɛn ɔda kɔntri se dɛn nɔ fɔ de du wetin di Ju Lɔ se; dɛn nɔ fɔ sakɔmsayz dɛn pikin ɛn dɛn nɔ fɔ de du dɛn tin we di Ju dɛn de du we dɛn grampapa papa dɛn lan dɛn fɔ du.

Lɛta Fɔ Galeshya 6:18

Mi Kristiɛn pipul dɛn, a de pre mek wi Masta Jizɔs Krays sho una aw i gud. Emɛn.

2 Kɔrint 6:11

Mi padi dɛn we de na Kɔrint, wi at opin fɔ una, wi dɔn tɛl una ɔl wetin de na wi at, wi nɔ ayd natin.

Lɛta Fɔ Galeshya 4:11

Mi at de wɔri fɔ una, na fɔ natin a dɔn lebɔ pan una?

Lɛta Fɔ Galeshya 4:13

Una no se, di fɔs tɛm we a kam to una, na di sik we a bin sik bin mek a gɛt di chans fɔ tɛl una di Gud Nyuz bɔt Jizɔs Krays.