Lɛta Fɔ Galeshya 3:8 - Krio Fɔs Oli Baybul

⁸ Bifo i apin, Gɔd in Buk dɔn tɔk se, Gɔd go mek dɛn pipul we nɔto Ju bi tret pipul bikɔs dɛn biliv am. So wetin dɛn rayt na Gɔd in Buk sho aw Ebraam bin dɔn yɛri di Gud Nyuz lɔntɛm, wɛn Gɔd tɛl am se, “Na yu a go tek fɔ blɛs ɔlman na wɔl.”

Lɛta Fɔ Galeshya 3:8 Referans Kwoze

Jɛnɛsis 12:3

A go blɛs dɛn wan dɛn we go blɛs yu, ɛn swɛ udat go swɛ yu. Na yu go mek dɛn neshɔn na wɔl gɛt dɛn blɛsin.”

Jɛnɛsis 22:18

Ɔl dɛn ɔda neshɔn dɛn go gɛt blɛsin tru yu jɛnareshɔn bikɔs yu obe am.”

Jɛnɛsis 28:14

Yu jɛnareshɔn dɛn go bɔku lɛkɛ dɔti na grɔn ɛn dɛn go de na di ist, wɛst, nɔth ɛn sawt. Na yu ɛn yu jɛnareshɔn go mek ɔl dɛn ɔda neshɔn gɛt dɛn blɛsin.

Jɛnɛsis 26:4

A go mek yu jɛnareshɔn dɛn bɔku lɛk di sta dɛn de na di skay, ɛn a go gi dɛn dis wanol ples. Na tru dɛn ɔl dɛn ɔda neshɔn go gɛt blɛsin.

Jɛnɛsis 18:18

nain gɛt fɔ bi di papa fɔ big, big neshɔn dɛn ɛn nain go mek ɔl dɛn neshɔn na wɔl gɛt dɛn blɛsin.

Di Ibru Pipul Dɛn 4:2

Pipul dɔn tɛl wi di Gud Nyuz bɔt Gɔd, lɛkɛ aw dɛn bin dɔn tɛl dɛn lɔntɛm pipul we bin de na di dɛzat; bɔt pan ɔl dat wi si se di Gud Nyuz we dɛn yɛri, nɔ bin ɛp dɛn, bikɔs dɛn nɔ bin biliv am.

Lɛta Fɔ Galeshya 3:22

Bɔt dɛn rayt na Gɔd in Buk se, na sin de rul di wɔl, so na we pipul biliv pan Krays go mek dɛn gɛt wetin Gɔd prɔmis fɔ gi dɛn.

Lɛta Fɔ Galeshya 3:16

Una fɔ mɛmba se, Gɔd bin dɔn mek prɔmis to Ebraam ɛn in grampikin pikin plɛnti tɛm. Wɛn wi si “Ebraam in grampikin pikin” na Gɔd in Buk, dat min se Gɔd nɔ bin de tɔk bɔt plɛnti pipul, i bin de tɔk bɔt wan pɔsin, ɛn da pɔsin de na Krays.

Jɔn 7:38

Dɛn rayt na Gɔd in Buk se, ‘If ɛnibɔdi biliv pan mi, plɛnti plɛnti wata we de gi layf go de kɔmɔt insay in at, ɛn i nɔ go tap.’”

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Lɛta Fɔ Rom 9:30

So, wetin wi go se? Dɛn pipul we nɔto Ju, we nɔ bin de tray fɔ mek ɔltin rayt bitwin dɛn ɛn Gɔd, Gɔd dɔn mek ɔltin rayt bitwin in ɛn dɛn, bikɔs dɛn dɔn biliv am;

Lɛta Fɔ Rom 9:17

Di tin we rayt na Gɔd in Buk we Gɔd tɛl di kiŋ na Ijipt, nain dis: “A mek yu bi kiŋ, so dat a go yus yu fɔ mek ɔlman si mi pawa, ɛn mek ɔlman na wɔl no bɔt mi.”

Ayzaya 65:9

A go briŋ Jekɔb in pikin pikin dɛm ɛn di wan dɛn na di Juda fambul we go gɛt mi mawnten, kam na di wan dɛn we pik go gɛt am, ɛn na mi wokman dɛn go tap de.

Lɛta Fɔ Galeshya 4:30

Bɔt na wetin dɛn rayt na Gɔd in Buk? Dɛn rayt se, “Drɛb di uman we de wok fɔ Ebraam in wɛf ɛn di pikin we i bɔn, bikɔs dɛn nɔ go gɛt natin pan Ebraam in prɔpati; na Ebraam in wɛf ɛn in pikin fɔ gɛt di prɔpati.”

Apɔsul Dɛn Wok 2:35

wet sote a mek dɛn pipul we nɔ lɛk yu kam ɔnda yu fut mek yu go mas dɛn.’

Jɔn 7:42

Dɛn rayt na Gɔd in Buk se, di Mɛsaya go bi wan pan Kiŋ Devid in grampikin pikin dɛm ɛn na Bɛtliɛm, da tɔŋ we Kiŋ Devid bin de, i go bɔn.”

Ayzaya 6:13

Ɔlwe na tɛn pasɛnt go stil tap de, dɛn go bɔn am bak, lɛk dɛn tɛrɛbin tik ɔ kɔtintri, we di af kin stil tinap de we dɛn kɔt di tik.” Na di oli sid nain stɔmp.

Di Sam Dɛm 72:7

We di Kiŋ de rul, lɛ di land ful wit yu gudnɛs ɛn lɛ di pipul gɛt kol at te di mun lɛf fɔ shayn;

Jɔn 19:37

Ɛn dɛn rayt ɔda say na Gɔd in Buk se, “Pipul go luk di pɔsin we dɛn chuk wit lɔŋ nɛf.”

Jɛrimaya 4:2

ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”