Lɛta Fɔ Galeshya 3:5 - Krio Fɔs Oli Baybul

⁵ Una min se Gɔd gi unain Spirit ɛn du dɛn big wok ya, bikɔs una de du wetin di Ju Lɔ tɛl una fɔ du, ɔ bikɔs una yɛri di Gud Nyuz ɛn biliv am?

Lɛta Fɔ Galeshya 3:5 Referans Kwoze

Lɛta Fɔ Galeshya 3:2

Una ansa dis kwɛshɔn: na we una de du wetin di Ju Lɔ tɛl una fɔ du mek Gɔd gi unain Spirit, ɔ na we una yɛri di Gud Nyuz ɛn biliv am?

2 Kɔrint 13:3

Wɛn a de tɔk, a go pruv se na Krays de tɔk to una. Krays nɔ wik, in pawa big insay una.

Apɔsul Dɛn Wok 14:3

Di apɔsul dɛn bin de lɔŋ na Aykonyɔm. Di apɔsul dɛn nɔ bin de fred fɔ tɛl di pipul dɛn bɔt di Masta ɛn di Masta sho se na tru tin di apɔsul dɛn bin de tɔk wɛn dɛn se i gud, ɛn i gi dɛn pawa fɔ du plɛnti wɔndaful wok.

2 Kɔrint 12:12

Dɛn tin we sho se mi na apɔsul na ɔl wetin a du wɛn a de wit una, pan ɔl we pipul nɔ want biliv dɛn; dat na dɛn wɔndaful wok we sho Gɔd in pawa ɛn dɛn wɔndaful sayn we sho wetin gɛt fɔ bi.

2 Kɔrint 10:4

Di tin dɛn we wi de tek fɛt nɔ kɔmɔt na dis wɔl, dɛn kɔmɔt to Gɔd, we gɛt pawa; na dɛn wi de tek rut dɛn tin we tinap traŋa. Wi de yus dɛn fɔ sho se dɛn agyu we pipul de agyu bɔt Gɔd na nɔnsɛns;

Lɛta Fɔ Rom 15:19

di wɔndaful wok dɛn we sho se Gɔd gɛt pawa, ɛn di pawa we Gɔd in Spirit gɛt mek dɛn du wetin Gɔd bin want dɛn fɔ du. Ɛni say we a tap wɛn a bin kɔmɔt Jerusɛlɛm de go Ilirikum, a tɛl pipul di Gud Nyuz bɔt Krays.

2 Kɔrint 3:8

di wok we wi de du fɔ di Spirit go wɔndaful fawe pas dat!

1 Kɔrint 12:10

Di sem Spirit de gi wan pɔsin pawa fɔ du wɔndaful wok; i de gi ɔda wan pawa fɔ tɔk Gɔd in wɔd; i de mek ɔda wan ebul no if na Gɔd in Spirit ɔ na bad spirit de mek di pɔsin tɔk wetin i de tɔk; i de mek ɔda pɔsin ebul tɔk laŋwej we insɛf nɔ ɔndastand; ɛn i de mek ɔda pɔsin ebul fɔ ɛksplen wetin da pɔsin de de tɔk.

Lɛta Fɔ Rom 10:17

Na dat mek pipul dɛn mɔs yɛri di mɛsej bɔt Jizɔs Krays fɔs, bifo dɛn biliv am, ɛn pipul mɔs tɛl ɔda pipul bɔt Krays fɔ mek dɛn yɛri.

2 Kɔrint 9:10

Gɔd, we de gi fama sid fɔ plant, ɛn we de gi wi bred fɔ it, go gi una ɔl di sid we una fɔ gɛt, ɛn mek dɛn gro, so aw una gi plɛnti, na so i go mek una gɛt plɛnti ɛn mek una ebul du plɛnti gud mɔ ɛn mɔ.

Lɛta Fɔ Filipay 1:19

bikɔs a no se ɔl wetin dɛn de du go mek a fri wande, bikɔs una de pre ɛn Jizɔs Krays in Spirit de ɛp mi fɔ mek a fri.