Lɛta Fɔ Galeshya 3:23 - Krio Fɔs Oli Baybul

²³ Bifo di tɛm rich we pipul bigin biliv pan Jizɔs Krays, di Ju Lɔ we Mozis bin gi wi, bin de gyad wi lɛkɛ se wi na prizina ɛn i bin gɛt pawa oba wi, sote di tɛm we Gɔd rɛdi fɔ sho pipul se dɛn fɔ biliv pan Jizɔs.

Lɛta Fɔ Galeshya 3:23 Referans Kwoze

Lɛta Fɔ Galeshya 5:18

If una du wetin Gɔd in Spirit tɛl una, dat sho se di Ju Lɔ nɔ de rul una.

Lɛta Fɔ Galeshya 3:19

So wetin mek Gɔd gi wi di Ju Lɔ? Gɔd gi mɔtalman di Lɔ fɔ sho am se i de du bad, ɛn di Lɔ go de sote Ebraam in grampikin pikin, we Gɔd mek di prɔmis fɔ, kam. Gɔd bin sɛn sɔm enjɛl dɛn fɔ kam gi Mozis di Lɔ, so dat Mozis go pas am to di Ju pipul dɛn; nain na bin di midulman.

Lɛta Fɔ Rom 11:32

Bikɔs ɔlman nɔ bin gri fɔ du wetin i tɛl dɛn fɔ du, Gɔd mek dɛn ɔl nɔ ebul fɔ lɛf dɛn sin igen so dat i go sɔri fɔ dɛn.

Lɛta Fɔ Rom 3:19

Wi dɔn no naw se ɔltin we de na di Ju Lɔ na fɔ dɛn pipul we fil se dɛn mɔs kip am. Di Lɔ de so dat nɔbɔdi nɔ go se in nɔ no wetin rayt fɔ du, ɛn, pantap dat i go mek Gɔd jɔj ɔlman na wɔl.

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.

Di Ibru Pipul Dɛn 11:13

Ɔl dɛn lɔntɛm pipul ya, we a tɔk bɔt so, bin biliv Gɔd sote dɛn day. Dɛn nɔ bin gɛt ɔl dɛn tin we Gɔd prɔmis dɛn bifo dɛn day, bɔt dɛn bin dɔn si wetin Gɔd go gi dɛn, fawe, ɛn dɛn bin gladi fɔ wetin dɛn si. Dɛn bin no se dɛn na trenja na dis wɔl.

Lɛta Fɔ Galeshya 4:21

Mek a aks una we want mek di Ju Lɔ rul una, una nɔ sabi wetin di Ju Lɔ se?

Jɔn 3:34

Di wan we Gɔd dɔn sɛn de tɛl pipul di mɛsej we Gɔd gi am, bikɔs Gɔd mek ɔl di pawa we in Spirit gɛt de wit am.