Lɛta Fɔ Galeshya 3:22 - Krio Fɔs Oli Baybul

²² Bɔt dɛn rayt na Gɔd in Buk se, na sin de rul di wɔl, so na we pipul biliv pan Krays go mek dɛn gɛt wetin Gɔd prɔmis fɔ gi dɛn.

Lɛta Fɔ Galeshya 3:22 Referans Kwoze

Lɛta Fɔ Rom 11:32

Bikɔs ɔlman nɔ bin gri fɔ du wetin i tɛl dɛn fɔ du, Gɔd mek dɛn ɔl nɔ ebul fɔ lɛf dɛn sin igen so dat i go sɔri fɔ dɛn.

Di Ibru Pipul Dɛn 9:15

Dis sho se na Krays tinap midul Gɔd ɛn mɔtalman, i mek nyu agrimɛnt, so dat dɛn pipul we Gɔd dɔn kɔl fɔ bi in pipul go gɛt dɛn gud tin we Gɔd prɔmis fɔ gi dɛn, ɛn dɛn gud tin de go blant dɛn sote go. Na bikɔs Krays day mek dat go bi, di day we i day mek Gɔd padin in pipul dɛn fɔ di bad we dɛn bin dɔn du, wɛn dɛn bin de ɔnda di fɔs agrimɛnt.

Lɛta Fɔ Galeshya 3:23

Bifo di tɛm rich we pipul bigin biliv pan Jizɔs Krays, di Ju Lɔ we Mozis bin gi wi, bin de gyad wi lɛkɛ se wi na prizina ɛn i bin gɛt pawa oba wi, sote di tɛm we Gɔd rɛdi fɔ sho pipul se dɛn fɔ biliv pan Jizɔs.

Jɔn In Fɔs Lɛta 2:25

Ɛn di tin we Krays insɛf dɔn prɔmis fɔ gi wi, na layf we go de sote go.

Jɔn 3:36

Ɛnibɔdi we biliv pan Gɔd in Pikin go gɛt layf we go de sote go; bɔt ɛnibɔdi we nɔ du wetin Gɔd in Pikin se, nɔ go gɛt di tru layf we de sote go, ɛn Gɔd go stil de pɔnish am.

Jɔn 12:46

A dɔn kam na di wɔl lɛkɛ layt, so dat ɛnibɔdi we biliv pan mi, nɔ go lɛf na dak.

Jɔn 5:24

“A de tɛl una se, ɛnibɔdi we yɛri mi wɔd ɛn biliv pan di wan we sɛn mi kam na wɔl, dɔn bigin liv di tru layf we go de sote go. Gɔd nɔ go jɔj am, i tan lɛkɛ pɔsin we bin dɔn day, bɔt i dɔn gɛt tru layf naw.

Di Sam Dɛm 143:2

Nɔ mek a tinap bifo yu lɛk a de kot a nɔ go win, bikɔs nɔn mɔtalman nɔ de we de du ɔl wetin yu se.

Pita In Sɛkɛn Lɛta 3:13

Bɔt wi de wet fɔ di nyu ɛvin ɛn di nyu wɔl we Gɔd dɔn tɔk se wi go gɛt; ɔlman go de du wetin rayt insay da wɔl de.

Pita In Sɛkɛn Lɛta 1:4

Na dat mek Gɔd dɔn gi wi dɛn wɔndaful blɛsin we mɔni nɔ kin bay, we i bin dɔn prɔmis, so dat we una gɛt dɛn tin ya, una nɔ go de fala una at fɔ du dɛn bad tin we dɔn pwɛl di wɔl, bɔt una go du dɛn tin we Gɔd insɛf kin du.

Sɛkɛn Lɛta To Timoti 1:1

Na mi Pɔl, we dɔn bi Krays Jizɔs in apɔsul bikɔs Gɔd want mi fɔ bi so, na mi Gɔd sɛn fɔ kam tɔk bɔt di layf we i prɔmis fɔ gi wi, ɛn we wi gɛt bikɔs wi gɛt wanwɔd wit Krays Jizɔs.

Lɛta Fɔ Galeshya 3:29

If una ɔl na Krays yon pipul, dat min se una na Ebraam in grampikin pikin dɛm, ɛn una go gɛt wetin Gɔd dɔn prɔmis fɔ gi Ebraam in grampikin pikin dɛm.

Lɛta Fɔ Rom 10:9

If unasɛf tɔk se, “Jizɔs na di Masta,” ɛn una biliv gud gud se Gɔd mek i rayz frɔm di grev, Gɔd go sev una.

Lɛta Fɔ Rom 5:12

Na wan man mek sin kam na wɔl ɛn sin mek day kam pan mɔtalman. So, bikɔs ɔlman dɔn sin, day de mit ɔlman.

Lɛta Fɔ Rom 3:23

Ɔlman dɔn sin, dɛn nɔ bi igen lɛkɛ aw dɛn bin fɔ bi, if dɛn bin stil de klos Gɔd.

Apɔsul Dɛn Wok 16:31

Dɛn ansa am se, “Biliv pan di Masta, Jizɔs, ɛn yu ɛn ɔl di pipul dɛn na yu os go sev.”

Jɔn 20:31

Dɛn rayt dɛn tin we de na dis buk fɔ mek una biliv se Jizɔs na di Mɛsaya, Gɔd in Pikin; ɛn if una biliv pan am, una go gɛt tru layf.

Jɔn 6:40

Wetin mi Papa want, na fɔ mek ɔlman we no in Pikin ɛn biliv pan am gɛt layf we go de sote go. Ɛn a go mek dɛn ɔl rayz frɔm di grev ɛn gi dɛn di tru layf, di de we Gɔd go jɔj ɔlman.”

Lɛta Fɔ Galeshya 3:17

A de tɛl una se Gɔd bin mek agrimɛnt wit Ebraam ɛn i bin prɔmis fɔ du wetin i tɛl Ebraam. Wɛn Gɔd dɔn mek dis agrimɛnt ya, i tek fo-ɔndrɛd ɛn tati ia bifo i gi di Ju neshɔn di Lɔ; ɛn dis Lɔ ya nɔ go pwɛl ɔ chenj wetin Gɔd dɔn prɔmis.

Lɛta Fɔ Galeshya 3:14

Krays du dat so dat wetin i dɔn du go mek Gɔd gi dɛn pipul we nɔto Ju di sem blɛsin we i bin prɔmis Ebraam ɛn dat go mek Gɔd gi dɛn pipul we biliv pan am, in Spirit we i bin dɔn prɔmis.

Mak 16:16

Ɛnibɔdi we biliv di Gud Nyuz ɛn gri fɔ mek dɛn baptayz am, Gɔd go sev am. Bɔt ɛnibɔdi we nɔ biliv di Gud Nyuz, Gɔd go kɔndɛm am.

Lɛta Fɔ Rom 3:22

Gɔd de mek ɔltin rayt bitwin in ɛn mɔtalman, if mɔtalman biliv pan Jizɔs Krays. Gɔd de du dat fɔ ɔlman we biliv pan Jizɔs Krays, fɔ dɛn Ju ɛn fɔ dɛn pipul we nɔto Ju, bikɔs i nɔ luk se wan sɛt difrɛn frɔm di ɔda wan.