Lɛta Fɔ Galeshya 3:16 - Krio Fɔs Oli Baybul

¹⁶ Una fɔ mɛmba se, Gɔd bin dɔn mek prɔmis to Ebraam ɛn in grampikin pikin plɛnti tɛm. Wɛn wi si “Ebraam in grampikin pikin” na Gɔd in Buk, dat min se Gɔd nɔ bin de tɔk bɔt plɛnti pipul, i bin de tɔk bɔt wan pɔsin, ɛn da pɔsin de na Krays.

Lɛta Fɔ Galeshya 3:16 Referans Kwoze

Lɛta Fɔ Rom 4:13

Gɔd prɔmis Ebraam se in ɛn in grampikin pikin dɛm go gɛt ɔl di wɔl; nɔto bikɔs i bin de du ɔl wetin rayt na di Lɔ, bɔt bikɔs i bin biliv Gɔd, ɛn fɔseka dat, Gɔd luk se na pɔsin we de waka tret.

Lyuk 1:55

Ebraam ɛn in granpikin-pikin dɛn se in go sɔri fɔ dɛn sote go!”

Lɛta Fɔ Rom 4:16

So na di biliv we Ebraam bin biliv Gɔd mek Gɔd gi am di tin we i bin dɔn prɔmis se in go gi am. Dat na fɔ sho wi se di tin we Gɔd prɔmis fɔ gi ɔl Ebraam in grampikin pikin dɛm na fri, ɛn nɔto fɔ dɛn wan nɔmɔ we de du wetin di Lɔ se, bɔt na fɔ dɛn wan sɛf we biliv Gɔd lɛkɛ aw Ebraam bin biliv am. Ebraam na di papa wɛn i kam pan Gɔd biznɛs fɔ wi ɔl we de na wɔl.

Jɛnɛsis 12:7

PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Lɛta Fɔ Galeshya 3:8

Bifo i apin, Gɔd in Buk dɔn tɔk se, Gɔd go mek dɛn pipul we nɔto Ju bi tret pipul bikɔs dɛn biliv am. So wetin dɛn rayt na Gɔd in Buk sho aw Ebraam bin dɔn yɛri di Gud Nyuz lɔntɛm, wɛn Gɔd tɛl am se, “Na yu a go tek fɔ blɛs ɔlman na wɔl.”

Jɛnɛsis 12:3

A go blɛs dɛn wan dɛn we go blɛs yu, ɛn swɛ udat go swɛ yu. Na yu go mek dɛn neshɔn na wɔl gɛt dɛn blɛsin.”

Apɔsul Dɛn Wok 3:25

Di tin we Gɔd prɔmis wi we dɛn prɔfɛt tɔk bɔt na fɔ wi ɔl, ɛn una gɛt pan da blɛsin we Gɔd bin prɔmis wi grampapa papa dɛn, wɛn i tɛl Ebraam se, ‘Na yu grampikin pikin dɛm a go tek fɔ blɛs ɔl di pipul dɛn na di wɔl.’

Jɛnɛsis 21:12

Bɔt PAPA GƆD tɛl Ebraam se, mek in nɔ wɔri bɔt di pikin ɛn in mama Ega. PAPA GƆD se mek i du ɛnitin we Sera se, bikɔs na frɔm Ayzak i go gɛt di jɛnareshɔn dɛn we in bin dɔn prɔmis.

Lɛta Fɔ Kɔlɔse 3:11

Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na trenja, dɛn pipul we nɔ sivilayz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am.

Jɛnɛsis 15:5

So PAPA GƆD kɛr Ebram go na do ɛn tɛl am se, “Luk ɔp di skay ɛn tray fɔ kɔnt di sta dɛn; lɛkɛ aw di sta dɛn bɔku so na so yu jɛnareshɔn dɛn go tan.”

1 Kɔrint 12:27

Una ɔl mek ɔp Krays in bɔdi, wan pɔsin na wan pat, ɔda pɔsin na ɔda pat.

1 Kɔrint 12:12

Krays na lɛkɛ bɔdi we gɛt plɛnti pat; pan ɔl we di pat dɛn plɛnti, di bɔdi insɛf na wangren bɔdi.

Lɛta Fɔ Rom 12:5

Semwe so, pan ɔl we wi plɛnti, wi jɛs tan lɛkɛ wan bɔdi bikɔs wi gɛt wanwɔd wit Krays, ɛn wi ɔl jɔyn lɛkɛ aw di difrɛn pat dɛn pan di bɔdi jɔyn.

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Lɛta Fɔ Kɔlɔse 2:19

Pipul lɛkɛ dɛn wan ya dɔn tap fɔ biliv pan Krays we na di ed fɔ di bɔdi, dat na di chɔch. Na Krays de kɔntrol di bɔdi. I de fid am fɔ mek i gro, i mek ɔl di difrɛn pat dɛn jɔyn to dɛn kɔmpin ɛn fasin gud, ɛn di bɔdi de gro lɛkɛ aw Gɔd want mek i gro.

Lɛta Fɔ Ɛfisɔs 5:32

Wetin a jɛs tɔk bɔt sho wi tru tin we at fɔ ɔndastand, bɔt a no se dis tru tin na bɔt Krays ɛn di chɔch.

Matyu 1:1

Na Jizɔs Krays in fambul dɛn, frɔm Ebraam in tɛm dɛn wan ya: Jizɔs Krays na wan pan Devid in grampikin pikin dɛm, ɛn Devid na wan pan Ebraam in grampikin pikin dɛm.

Lɛta Fɔ Rom 9:4

Di Ju pipul dɛn na di pipul we Gɔd dɔn pik; i dɔn mek dɛn bi in pikin dɛn ɛn mek dɛn waka na di wɔndaful layt we i de; i mek plɛnti agrimɛnt wit dɛn ɛn gi dɛn di Lɔ; Gɔd dɔn sho dɛn di rayt we we dɛn fɔ pre to am; dɛn dɔn gɛt ɔltin we Gɔd prɔmis dɛn.

2 Kɔrint 11:22

If dɛn na Ibru, misɛf na Ibru. If dɛn na Izrɛl pipul, misɛf na Izrɛl pɔsin. If dɛn na Ebraam in grampikin pikin dɛm, misɛf na Ebraam in grampikin pikin.

Lɛta Fɔ Galeshya 3:19

So wetin mek Gɔd gi wi di Ju Lɔ? Gɔd gi mɔtalman di Lɔ fɔ sho am se i de du bad, ɛn di Lɔ go de sote Ebraam in grampikin pikin, we Gɔd mek di prɔmis fɔ, kam. Gɔd bin sɛn sɔm enjɛl dɛn fɔ kam gi Mozis di Lɔ, so dat Mozis go pas am to di Ju pipul dɛn; nain na bin di midulman.