Lɛta Fɔ Galeshya 3:15 - Krio Fɔs Oli Baybul

¹⁵ Mi kɔmpin Kristiɛn dɛn, a de tɔk bɔt tin we wi ɔl no: if tu pipul gri fɔ sɔntin ɛn sayn pepa, nɔbɔdi nɔ go pwɛl ɔ chenj wetin di tu pipul dɛn bin gri fɔ du.

Lɛta Fɔ Galeshya 3:15 Referans Kwoze

Di Ibru Pipul Dɛn 9:17

Di pepa nɔ min natin if di pɔsin nɔ day yet. Wɛn di pɔsin day, nain di pepa gɛt pawa.

Lɛta Fɔ Rom 6:19

Na dɛn tin we mɔtalman ɔndastand, a de tek fɔ ɛksplen to una fɔ mek una go ɔndastand. Tɛm bin de we una na bin slev fɔ du ɔl kayn wikɛd ɛn dɔti tin we bin de na una at. Bɔt naw una fɔ givɔp ɔl una layf fɔ bi lɛkɛ Gɔd in slev dɛn fɔ du wetin rayt, so dat una go bi Gɔd in pipul dɛn, fɔ tru.

Lɛta Fɔ Rom 3:5

Na rayt tin sɔm pipul de tɔk we dɛn de agyu se di bad we wi de du de sho se Gɔd de du rayt? Wetin wi go se bɔt dat? Na bad Gɔd de du we i de pɔnish wi fɔ di bad we wi de du? (A de tɔk na ya lɛkɛ aw mɔtalman kin tɔk.)

1 Kɔrint 15:32

If na Ɛfisɔs ya a dɔn fɛt wit dɛn pipul we tan lɛkɛ wayl bif na bush fɔ satisfay misɛf nɔmɔ, wetin a go gen? If Gɔd nɔ de mek dɛn wan we dɔn day rayz frɔm dɛn grev, “Mek wi it ɛn drink ɛn ɛnjɔy wisɛf naw, bikɔs wi go day jisnɔ,” lɛkɛ aw dɛn kin se.

Apɔsul Dɛn Wok 1:15

Wande, dɛn wan we biliv pan Jizɔs bin gɛt mitin; na bɔt wan ɔndrɛd ɛn twɛnti pipul bin go di mitin. Pita tinap midul di pipul dɛn

Lɛta Fɔ Rom 1:13

Mi kɔmpin Kristiɛn dɛn, una fɔ mɛmba se, plɛnti tɛm a kin dɔn mekɔp fɔ go fɛn una, bɔt ɔltɛm sɔntin kin mek a nɔ go. A want fɔ wok fɔ mek una yon pipul dɛn biliv pan Jizɔs Krays lɛkɛ aw a dɔn mek sɔm pan dɛn ɔda pipul we nɔto Ju biliv pan Jizɔs Krays.

Lɛta Fɔ Galeshya 6:18

Mi Kristiɛn pipul dɛn, a de pre mek wi Masta Jizɔs Krays sho una aw i gud. Emɛn.

Di Ibru Pipul Dɛn 6:13

Lɔntɛm, wɛn Gɔd bin prɔmis Ebraam, nainsɛf yon nem i bin tek oth se in go du wetin i bin prɔmis Ebraam, bikɔs nɔbɔdi nɔ pas am.

Di Ibru Pipul Dɛn 6:16

Wɛn pipul de mek prɔmis, dɛn kin tek pɔsin we pas dɛn fɔ swɛ, so di swɛ kin mek pipul nɔ agyu igen.

1 Kronikuls 16:16

Di Kɔvinant we i mek wit Ebraam; di swɛ we i swɛ to Ayzak,