Lɛta Fɔ Galeshya 3:11 - Krio Fɔs Oli Baybul

¹¹ Na tru se nɔto we pɔsin du wetin di Ju Lɔ se, go mek ɔltin rayt bitwin in ɛn Gɔd, bikɔs wi rid na Gɔd in Buk se, “Na we pɔsin biliv Gɔd, na dat mek Gɔd go mek ɔltin rayt bitwin in ɛn insɛf ɛn na dat go mek i liv tru layf.”

Lɛta Fɔ Galeshya 3:11 Referans Kwoze

Abakɔk 2:4

I se udat de pan rikishi ɛn bad trik nɔ go ebul bia bɔt udat de du tin tret wan go ɔrayt bikɔs i biliv PAPA GƆD.

Lɛta Fɔ Rom 1:17

Di Gud Nyuz de sho wi aw Gɔd de mek ɔltin rayt bitwin insɛf ɛn mɔtalman, if dɛn biliv; natin pas dat nɔ go mek dɛn rayt wit Gɔd. Lɛkɛ aw Gɔd in Buk se, “Di pɔsin we Gɔd put rayt wit insɛf bikɔs i biliv pan am go gɛt layf.”

Di Ibru Pipul Dɛn 10:38

Dɛn pipul we de waka tret na layf go gɛt layf we go de sote go, bikɔs dɛn biliv dɛn wɔd ya; bɔt if ɛnibɔdi lɛf fɔ biliv mi bikɔs i de dawt mi, a nɔ go pliz wit am.”

Lɛta Fɔ Galeshya 2:16

Wi no se nɔto bikɔs pɔsin de du wetin di Ju Lɔ se go mek ɔltin rayt bitwin in ɛn Gɔd, bɔt na we i biliv pan Jizɔs Krays. Semwe so, we wisɛf biliv pan Jizɔs Krays, Gɔd go mek ɔltin rayt bitwin wi ɛn in. Nɔto bikɔs wi de du wetin di Ju Lɔ se, go mek ɔltin rayt bitwin wi ɛn Gɔd. Gɔd nɔ go mek ɔltin rayt bitwin ɛnibɔdi ɛn insɛf bikɔs di pɔsin de du wetin di Ju Lɔ se nɔmɔ.

Ɛkliziastis 7:20

Na tru se nɔbɔdi nɔ de na wɔl we de du wetin PAPA GƆD want ɔltɛm ɛn nɔ de ɛva sin.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Job 42:6

Dat mek a dɔn shem, so a de rɔb dɔst ɛn asis beg yu, lɛ yu sɔri fɔ mi.

Jems 3:2

Wi ɔl de du tin we nɔ rayt. Ɛnibɔdi we nɔba tɔk tin we nɔ rayt na pɔsin we nɔba du tin we nɔ rayt. I ebul kɔntrol ɔl pat pan in bɔdi.

Ayzaya 64:6

We ɔl dɔn tan lɛk pɔsin we nɔ klin na Gɔd yay, ɛn ɔl di tin dɛn we wi de du se wi de waka tret na PAPA GƆD in yay, tan lɛk smɛl dɔti klos. Wi ɔl de fed lɛk lif, ɛn wi sin dɛn de kɛr wi go lɛk briz.

Ayzaya 6:5

Naim a tɔk se, “trɔbul dɔn mit mi! A dɔn dɔn; bikɔs mi na man we mi mɔt nɔ klin na Gɔd yay, ɛn a tap midul pipul dɛn we dɛn mɔt nɔ klin na Gɔd yay; bikɔs a dɔn tek mi yay si di kiŋ, we na PAPA GƆD Ɔlmayti.”

Di Sam Dɛm 19:12

Wi mistek dɛn tan lɛk we pɔsin gɛt ɔmbak i nɔ de si in ɔmbak. Fɔgiv mi fɔ di sin we a de sin ɛn a nɔ no se na sin.

Job 40:4

“Mi na natin; wetin mi go ansa se? A nɔ go mistek se natin.

Job 9:3

If pɔsin se i wan agyu wit PAPA GƆD, PAPA GƆD go aks am wan tawzin kwɛshɔn we nɔbɔdi nɔ go ebul ansa.

1 Kiŋ 8:46

“Yu no se nɔbɔdi nɔ de we nɔ de kɔmit sin, so if dɛn sin ɛn dɛn mek yu vɛks pan dɛn, yu mek dɛn ɛnimi dɛn kapchɔ dɛn ɛn kɛr dɛn go as slev na ɔda kɔntri, i lɛk na fa fawe kɔntri sɛf;

Di Sam Dɛm 143:2

Nɔ mek a tinap bifo yu lɛk a de kot a nɔ go win, bikɔs nɔn mɔtalman nɔ de we de du ɔl wetin yu se.

Jems 1:27

Pɔsin we de fala Gɔd fɔ de ɛp dɛn pikin we nɔ gɛt mama ɛn papa ɛn dɛn uman we dɛn man dɔn day. I fɔ tek tɛm mek dɛn bad pipul na wɔl nɔ mek insɛf bigin du bad. Na so Gɔd we na di Papa want pɔsin we de fala am fɔ tan.