Lɛta Fɔ Galeshya 3:10 - Krio Fɔs Oli Baybul

¹⁰ Ɛnibɔdi we tink se na we i de du wetin di Ju Lɔ se go mek ɔltin rayt bitwin in ɛn Gɔd, da pɔsin de fɔ no se Gɔd go kɔndɛm am; bikɔs dɛn rayt na Gɔd in Buk se, “Gɔd de kɔndɛm ɛnibɔdi we nɔ de du ɔl wetin di Ju Lɔ se, ɔltɛm.”

Lɛta Fɔ Galeshya 3:10 Referans Kwoze

Ditarɔnɔmi 27:26

“ ‘Ɛnibɔdi we nɔ du ɔl wetin PAPA GƆD in lɔ dɛn se, lɛ PAPA GƆD mek bad bad tin mit am. “Ɔlman fɔ ansa se, ‘Emɛn!’

Lɛta Fɔ Rom 8:7

So, if mɔtalman jɛs de mɛmba wetin in at want nɔmɔ, dat go mek i nɔ lɛk Gɔd; i nɔ go de du wetin Gɔd in lɔ se, ɛn i nɔ go ebul du am sɛf.

Jɛrimaya 11:3

Yu go tɛl dɛm se, Na dis PAPA GƆD we na Izrɛl dɛn Gɔd se: Na alaki go mit di pɔsin we nɔ du wetin di Kɔvinant se,

Lɛta Fɔ Rom 6:23

Day na sin in pe, bɔt layf we go de sote go, nain Gɔd gi wi fri. Wi gɛt di layf we go de sote go bikɔs wi gɛt wanwɔd wit Jizɔs Krays we na wi Masta.

Lɛta Fɔ Rom 4:15

Di Lɔ de mek Gɔd jɔj mɔtalman if i brok di Lɔ. Bɔt if di Lɔ nɔ de, mɔtalman nɔ go brok di Lɔ so Gɔd nɔ go jɔj am.

Lɛta Fɔ Galeshya 2:16

Wi no se nɔto bikɔs pɔsin de du wetin di Ju Lɔ se go mek ɔltin rayt bitwin in ɛn Gɔd, bɔt na we i biliv pan Jizɔs Krays. Semwe so, we wisɛf biliv pan Jizɔs Krays, Gɔd go mek ɔltin rayt bitwin wi ɛn in. Nɔto bikɔs wi de du wetin di Ju Lɔ se, go mek ɔltin rayt bitwin wi ɛn Gɔd. Gɔd nɔ go mek ɔltin rayt bitwin ɛnibɔdi ɛn insɛf bikɔs di pɔsin de du wetin di Ju Lɔ se nɔmɔ.

Izikɛl 18:4

Una lisin, ɔl dɛn sol na mi yon; di dadi in sol ɛn di bɔypikin in sol sɛf na mi yon; di sol we de kɔmit sin go day.

Ditarɔnɔmi 29:20

PAPA GƆD nɔ go fɔgiv da pɔsin de. Bifo dat, PAPA GƆD go put in vɛksteshɔn ɛn in jɛlɔs pan am, ɛn go put ɔl di swɛ dɛn we rayt na dis buk pan am, ɛn PAPA GƆD go mek i day ɛn nɔn pan in pikin dɛn nɔ go de fɔ tek mɛmba am.

Matyu 25:41

“Di Kiŋ go tɛl di wan dɛn nain lɛfan se, ‘Una kɔmɔt to mi, Gɔd dɔn kɔndɛm una, una go na da faya we de sote go, Gɔd bin dɔn rɛdi da faya de fɔ Setan ɛn in enjɛl dɛn.

Ayzaya 43:28

Fɔseka dat, a nɔ bin rɛspɛkt di bigman dɛn we bin de na di oli ples, A bin mek dɛn nyakanyaka Jekob ɛn mek dɛn fityay Izrɛl.

Jɛnɛsis 4:11

Swɛ de pan yu ɛn yu nɔ go ebul fɔ mek fam igen. Di grɔn dɔn sɔk yu brɔda in blɔd, lɛkɛ se i bin opin in mɔt de wet fɔ am.

2 Kɔrint 3:7

Bɔt if di Lɔ we rayt pan ston we briŋ day so wɔndaful, dat di Izrɛl pipul dɛn nɔ bin ebul luk Mozis in fes we bin de shayn brayt brayt wan, pan ɔl we da layt de bin de fed,

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.