Lɛta Fɔ Galeshya 2:9 - Krio Fɔs Oli Baybul

⁹ Jems, Pita ɛn Jɔn, we dɛn se na bin bakbon na di chɔch bin no se Gɔd gi mi dis wok ya fɔ du, dɛn shek mi ɛn Banabas an fɔ sho se wi ɔl dɔn bi wan we wi de wok fɔ Gɔd. Dɛn tɛl mi ɛn Banabas se, wi tu fɔ go wok to dɛn pipul we nɔto Ju, ɛn dɛn tri fɔ go wok to dɛn pipul we na Ju.

Lɛta Fɔ Galeshya 2:9 Referans Kwoze

Lɛta Fɔ Rom 12:3

Ɛn fɔseka wetin Gɔd dɔn gi mi bikɔs i gud, a de tɛl una ɔl se: Una nɔ tink se una bɛtɛ pas aw una tan, bɔt una fɔ tink lɛkɛ aw soba pipul de tink bɔt dɛnsɛf, ɛn una ɔl fɔ jɔj unasɛf bay aw Gɔd mek una ebul biliv am.

Rɛvɛleshɔn 3:12

Ɛnibɔdi we go stil tinap traŋa afta Setan dɔn tray am, a go mek i bi lɛkɛ post we go mek Gɔd in Os tinap, i go tinap de sote go. A go rayt mi Gɔd in nem pan am, ɛn di tɔŋ we i bil, in sɛf yon nem pan am, dat na ‘di Nyu Jerusɛlɛm’, we go kɔmɔt to Gɔd na ɛvin kam dɔŋ. Ɛn a go rayt mi yon nyu nem pan am.

Lɛta Fɔ Galeshya 2:2

A go bak na Jerusɛlɛm, bikɔs Gɔd tɛl mi fɔ go de. A bin gɛt mitin wit di bigman dɛn na di chɔch nɔmɔ. Na de a tɛl dɛn di Gud Nyuz we a bin de tɛl dɛn pipul we nɔto Ju, bikɔs a nɔ bin want mek di wok we a bin dɔn du, ɛn di wok we a bin de du, go fɔ natin.

Lɛta Fɔ Rom 1:5

Tru Krays ɛn fɔseka am, Gɔd gi mi di chans ɛn blɛsin fɔ bi apɔsul, so dat a kin go ɛp pipul ɔlɔbɔt na wɔl fɔ biliv Gɔd ɛn du wetin i tɛl dɛn.

Jɔn In Fɔs Lɛta 1:3

Wi de tɛl una bɔt wetin wi dɔn si ɛn yɛri, so dat wi ɔl go jɔyn an togɛda. We wi jɔyn an togɛda na wit di Papa ɛn in Pikin, Jizɔs Krays.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Fɔs Lɛta To Timoti 3:15

if sɔntin sɛf mek a te fɔ kam, dis lɛta ya go mek yu no aw wi fɔ de du wɛn wi de wit Gɔd in pipul dɛn, dat na Gɔd we gɛt layf sote go, in chɔch, ɛn Gɔd in chɔch na di bakbon fɔ di tru tin we wi de tɛl pipul.

Lɛta Fɔ Kɔlɔse 1:29

Na di tin dis we a de swɛt fɔ du, ɛn a de yus di pawa we de insay mi, we Krays gi mi, we mek a ebul du wetin a de du so.

Lɛta Fɔ Ɛfisɔs 2:20

Na dɛn tin we dɛn apɔsul ɛn dɛn prɔfɛt bin tɛl una, ɛn di layf we dɛn bin liv, na dat na di fawndeshɔn we una layf sidɔm pan. Jizɔs Krays na di fɔs ston we dɛn bil pan.

2 Kɔrint 8:4

Na dɛnsɛf sɛf beg wi fɔ mek dɛn gi Gɔd in pipul dɛn na Judia plɛnti tiŋs, dɛn se paopa dɛnsɛf fɔ gɛt di chans fɔ ɛp fɔ gi dɛn sɔntin.

1 Kɔrint 15:10

Bɔt we Gɔd gud nɔmɔ, tide mi na apɔsul, ɛn di gud we i du fɔ mi mek a du plɛnti tin fɔ am na mi layf. A dɔn wok pas ɔl dɛn ɔda apɔsul dɛn, bɔt nɔto bay misɛf a bin de wok; we Gɔd gud, in pawa bin de ɛp mi.

Lɛta Fɔ Rom 15:15

A nɔ ayd natin na dis lɛta, a mɛmba una bɔt sɔm tin dɛn we a bin dɔn tɛl una bɔt. A nɔ ayd natin bikɔs na Gɔd gi mi dis wɔndaful wok fɔ du fɔ Jizɔs Krays fɔ ɛp dɛn pipul we nɔto Ju. Wɛn a de tɛl pipul di Gud Nyuz we Gɔd gi wi, a de du di sem wok we dɛn man we de mek sakrifays fɔ pipul sin de du, so dat dɛn pipul we nɔto Ju go tan lɛkɛ sakrifays we go mek Gɔd gladi; we Gɔd in Spirit dɔn mek dɛn klin we mek Gɔd luk se dɛn fit fɔ bi in yon.

Apɔsul Dɛn Wok 15:13

Wɛn Banabas ɛn Pɔl dɔn tɔk dɔn, nain Jems se, “Mi pipul dɛn, a want mek una lisin mi!

Apɔsul Dɛn Wok 15:7

Wɛn dɛn dɔn tɔk dɔn, nain Pita tinap fɔ tɔk. I se, “Mi pipul dɛn, una no se Gɔd bin dɔn pik mi lɔntɛm fɔ go tɛl dɛn pipul we nɔto Ju dis Gud Nyuz so dat dɛn go yɛri am ɛn biliv pan di Masta.

Apɔsul Dɛn Wok 4:36

Na so Josɛf, da Livayt we kɔmɔt Sayprɔs, bin du. Di apɔsul dɛn bin de kɔl am Banabas, dat min “Pɔsin we de kɔrej ɔda pipul”.

Matyu 16:18

Ɛn Pita, a de tɛl yu se: yu na rɔk, ɛn na pan dis rɔk ya a go bil mi chɔch, ɛn day sɛf nɔ go ebul am.

2 Kiŋ 10:15

Wɛn Jeu lɛf Bɛth Ɛkɛd, in ɛn Jɛonadab we na Rekab in bɔypikin mitɔp na rod; Jɛonadab bin de go fɔ go mit am. Jeu tɛl am adu ɛn aks am if i de wit am lɛkɛ aw insɛf de wit am. Jɛonadab ansa am se yɛs, na de Jeu tɛl am se if na so lɛ i gi am in an. Jɛonadab tret in an to Jeu so Jeu ɛp am fɔ klem ɔp in karej.

Lyuk 22:8

So Jizɔs kɔl Pita ɛn Jɔn, ɛn tɛl dɛn se, “Una go rɛdi di Pasova it fɔ wi, so dat wi kin it am.”

Jɔn 1:42

Andru kɛr Saymɔn go to Jizɔs. Jizɔs luk Saymɔn ɛn se, “Yu nem na Saymɔn ɛn yu na Jɔn in pikin, bɔt yu nem go bi Sifas.” (Sifas ɛn Pita gɛt di sem minin, dat na “Rɔk”.)

Apɔsul Dɛn Wok 12:17

Pita mek sayn wit in an to dɛn fɔ mek dɛn sɛt mɔt, dɔn i tɛl dɛn aw di Masta pul am kɔmɔt na sɛl. Bifo Pita go, i tɛl di Kristiɛn dɛn fɔ tɛl Jems ɛn di ɔda Kristiɛn dɛn we nɔ bin de, wetin bi.

2 Kɔrint 11:5

A nɔ tink se dɛn una spɛshal “apɔsul” ya du bɛtɛ wok pas mi atɔl!

2 Kɔrint 12:11

A de du lɛkɛ se mi na ful; bɔt na una mek a de du so. Na una bin fɔ tɔk gud bɔt mi, nɔto misɛf fɔ tɔk bɔt misɛf. Bikɔs dɛn una “apɔsul” dɛn nɔ bɛtɛ pas mi, pan ɔl we mi nɔto ɛnibɔdi.

Lɛta Fɔ Galeshya 1:16

fɔ mek a no in Pikin, so dat a go tɛl dɛn pipul we nɔto Ju bɔt di Gud Nyuz, a nɔ bin aks ɛnibɔdi fɔ tɛl mi wetin a fɔ du,

Lɛta Fɔ Galeshya 1:18

Wɛn a biliv pan Jizɔs Krays, i tek tri ia bifo a go Jerusɛlɛm fɔ tɔk to Pita, ɛn na tu wik nɔmɔ a lib de.

Lɛta Fɔ Galeshya 2:1

Afta fotin ia, mi ɛn Banabas go bak na Jerusɛlɛm, a mek Taytɔs fala mi go.

Lɛta Fɔ Galeshya 6:3

If pɔsin tink se in bɛtɛ pas in kɔmpin dɛn, ɛn nɔto so i bi, na ful i jɛs de mek insɛf.