Lɛta Fɔ Galeshya 2:8 - Krio Fɔs Oli Baybul

⁸ Gɔd pik mi ɛn sɛn mi fɔ tɛl dɛn pipul we nɔto Ju di Gud Nyuz, lɛkɛ aw i pik Pita ɛn sɛn am fɔ tɛl di Ju pipul dɛn di Gud Nyuz.

Lɛta Fɔ Galeshya 2:8 Referans Kwoze

Apɔsul Dɛn Wok 9:15

Di Masta tɛl Ananayas se, “Go, a dɔn pik Sɔl fɔ mek i wok fɔ mi. I go mek dɛn pipul we nɔto Ju ɛn dɛn kiŋ ɛn dɛn pipul na Izrɛl sabi mi.

Apɔsul Dɛn Wok 22:21

Bɔt di Masta tɛl mi se, ‘Go, bikɔs a go sɛn yu to dɛn pipul we nɔto Ju.’”

Apɔsul Dɛn Wok 21:19

Wɛn Pɔl dɔn tɛl dɛn adu, i tɛl dɛn se Gɔd pik am fɔ du in wok ɛn i fɔ wok wit dɛn pipul we nɔto Ju.

Apɔsul Dɛn Wok 15:12

Nɔbɔdi na di mitin nɔ se fiŋ wɛn dɛn yɛri wetin Banabas ɛn Pɔl de tɔk bɔt ɔl di wɔndaful wok dɛn we Gɔd mek dɛn du fɔ dɛn pipul we nɔto bin Ju.

1 Kɔrint 15:10

Bɔt we Gɔd gud nɔmɔ, tide mi na apɔsul, ɛn di gud we i du fɔ mi mek a du plɛnti tin fɔ am na mi layf. A dɔn wok pas ɔl dɛn ɔda apɔsul dɛn, bɔt nɔto bay misɛf a bin de wok; we Gɔd gud, in pawa bin de ɛp mi.

1 Kɔrint 9:2

If ɔda pipul dɛnsɛf nɔ tek mi lɛk apɔsul, a shɔ se na so una tek mi! Bikɔs unasɛf dɔn gi una layf to di Masta, una dɔn sho bay dat se mi na apɔsul.

Apɔsul Dɛn Wok 8:17

Pita ɛn Jɔn put dɛn an pan di pipul dɛn ed ɛn pre fɔ dɛn, ɛn Gɔd in Spirit kam pan dɛn.

Apɔsul Dɛn Wok 4:4

Plɛnti pipul we yɛri wetin Pita ɛn Jɔn bin de tɔk biliv wetin dɛn yɛri, ɛn ɔl di man dɛn bin rich bɔt fayv tawzin.

Apɔsul Dɛn Wok 1:25

fɔ du di wok we Judas dɔn lɛf. Judas dɔn go na di say we i fɔ go.”

Apɔsul Dɛn Wok 1:8

Wɛn Gɔd in Spirit kam pan una, i go gi una pawa fɔ mek una tɔk bɔt mi na Jerusɛlɛm, na Judia, na Sameria ɛn ɔlɔbɔt na wɔl.”

Lɛta Fɔ Kɔlɔse 1:29

Na di tin dis we a de swɛt fɔ du, ɛn a de yus di pawa we de insay mi, we Krays gi mi, we mek a ebul du wetin a de du so.

Lɛta Fɔ Galeshya 3:5

Una min se Gɔd gi unain Spirit ɛn du dɛn big wok ya, bikɔs una de du wetin di Ju Lɔ tɛl una fɔ du, ɔ bikɔs una yɛri di Gud Nyuz ɛn biliv am?

Apɔsul Dɛn Wok 19:26

Una dɔn si ɛn una dɔn yɛri fɔ unasɛf wetin bra Pɔl de du. I se dɛn gɔd we mɔtalman de mek, nɔto tru gɔd ɛn plɛnti pipul we de na Ɛfisɔs ɛn di pipul dɛn ɔlsay na Eshya dɔn biliv wetin i tɛl dɛn.

Fɔs Lɛta Fɔ Tɛsalonayka 2:13

Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.