Lɛta Fɔ Galeshya 2:6 - Krio Fɔs Oli Baybul

⁶ Dɛn pipul na Jerusɛlɛm we dɛn se na bigman na di chɔch nɔ bin tɛl wi fɔ chenj di Gud Nyuz we a bin de tɛl dɛn pipul we nɔto Ju. A nɔ bisin udat dɛn bi, bikɔs Gɔd nɔ de luk aw pɔsin tan ɔ udat i bi bifo i gri fɔ am.

Lɛta Fɔ Galeshya 2:6 Referans Kwoze

Lɛta Fɔ Galeshya 2:2

A go bak na Jerusɛlɛm, bikɔs Gɔd tɛl mi fɔ go de. A bin gɛt mitin wit di bigman dɛn na di chɔch nɔmɔ. Na de a tɛl dɛn di Gud Nyuz we a bin de tɛl dɛn pipul we nɔto Ju, bikɔs a nɔ bin want mek di wok we a bin dɔn du, ɛn di wok we a bin de du, go fɔ natin.

Apɔsul Dɛn Wok 10:34

Pita se, “Fɔ tru, Gɔd nɔ de luk ɛnibɔdi bɛtɛ pas in kɔmpin.

2 Kɔrint 12:11

A de du lɛkɛ se mi na ful; bɔt na una mek a de du so. Na una bin fɔ tɔk gud bɔt mi, nɔto misɛf fɔ tɔk bɔt misɛf. Bikɔs dɛn una “apɔsul” dɛn nɔ bɛtɛ pas mi, pan ɔl we mi nɔto ɛnibɔdi.

Lɛta Fɔ Galeshya 6:3

If pɔsin tink se in bɛtɛ pas in kɔmpin dɛn, ɛn nɔto so i bi, na ful i jɛs de mek insɛf.

2 Kɔrint 11:5

A nɔ tink se dɛn una spɛshal “apɔsul” ya du bɛtɛ wok pas mi atɔl!

Lɛta Fɔ Rom 2:11

Gɔd go jɔj ɔlman di sem we.

Pita In Fɔs Lɛta 1:17

Wɛn una de pre ɛn una se, “Papa,” una de kɔl Gɔd, we de jɔj ɔlman di sem we, bay di wok we ɔlman de du, so ɔl di tɛm we lɛf fɔ una na dis wɔl, una fɔ ɔna am, pan ɔl wetin una de du.

Di Ibru Pipul Dɛn 13:17

Una du wetin una lida dɛn tɛl una fɔ du ɛn put unasɛf ɔnda dɛn. Dɛn yay de pan una ɔltɛm ɛn dɛn gɛt fɔ tinap bifo Gɔd fɔ tɛl am bɔt dis wok we dɛn de du fɔ una. If una du wetin dɛn tɛl una fɔ du, dɛnsɛf go gladi fɔ du dɛn wok. Bɔt if una nɔ du am, dɛn nɔ go gladi fɔ du di wok, ɛn dat nɔ go ɛp una.

Di Ibru Pipul Dɛn 13:7

Una fɔ mɛmba dɛn fɔstɛm pipul we na bin una lida we tɛl una Gɔd in mɛsej. Una fɔ tink bɔt wetin bi na dɛn layf, ɛn unasɛf fɔ biliv Gɔd lɛkɛ aw dɛn bin biliv am.

2 Kɔrint 5:16

So wi nɔ fɔ luk ɛnibɔdi igen lɛkɛ aw mɔtalman de luk dɛn. If wi bin de luk Krays fɔstɛm lɛkɛ aw mɔtalman de luk pɔsin, wi nɔ fɔ du so igen.

Lyuk 20:21

Di pipul dɛn we go fɔ wach Jizɔs tɛl am se, “Ticha, wi no se ɔl wetin yu de tɔk ɛn lan wi na tru ɛn yu nɔ tek ɛnibɔdi pas in kɔmpin. Wetin Gɔd want mɔtalman fɔ du, nain yu de lan wi, fɔ tru.”

Mak 12:14

Dɛn go mit Jizɔs ɛn se, “Ticha, wi no se yu de tɔk tru ɛn yu nɔ tek ɛnibɔdi pas in kɔmpin, yu nɔ de luk if pɔsin jɛntri ɔ if i po. Yu de lan wi wetin Gɔd want mɔtalman fɔ du, fɔ tru, bɔt lɛ wi aks yu wan kwɛshɔn. I rayt fɔ mek wi pe taks to di kiŋ na Rom? Wi fɔ pe taks ɔ wi nɔ fɔ pe taks?”

Matyu 22:16

Dɛn sɛn sɔm pan dɛn yon lanin bɔy dɛn, ɛn sɔm pan di Ju pipul dɛn we bin jɔyn Ɛrɔd in pati, fɔ go aks Jizɔs se, “Ticha, wi no se yu de tɔk tru ɛn yu de lan pipul wetin Gɔd want mɔtalman fɔ du, fɔ tru, ɛn yu nɔ bisin bɔt wetin dɛn de tink, yu nɔ kia if pɔsin po ɔ jɛntri.

Job 34:19

pɔsin we nɔ de tek jɛntriman pat, ɛn de si jɛntriman ɛn poman di sem we, bikɔs nain mek dɛn ɔl?

Ditarɔnɔmi 10:17

PAPA GƆD we na dɛn PAPA GƆD, na di PAPA GƆD fɔ ɔl ɔda gɔd dɛn, ɛn Lɔd fɔ ɔl dɛn Lɔd dɛn. Na big ɛn wɔndaful PAPA GƆD. I nɔ de tek sayd ɛn nɔbɔdi nɔ ebul brayb am.

Apɔsul Dɛn Wok 5:36

Una mɛmba wan man we bin nem Tiudas we bin kam se in na bigman ɛn we bin gɛt lɛkɛ fo ɔndrɛd pipul we de ɛp am. Dɛn kil am, dɔn dɛn pipul we bin de fala am rɔnawe; so Tiudas in wok nɔ go bifo.