Lɛta Fɔ Galeshya 2:5 - Krio Fɔs Oli Baybul

⁵ bɔt wi nɔ gri fɔ mek dɛn chenj di Gud Nyuz we na tru, bikɔs, we na tru, wi want mek i de wit una ɔltɛm.

Lɛta Fɔ Galeshya 2:5 Referans Kwoze

Lɛta Fɔ Galeshya 4:16

Una nɔ lɛk mi igen bikɔs a tɛl una tru wɔd?

Lɛta Fɔ Galeshya 2:14

Wɛn a si se dɛn nɔ de du di rayt tin we de na di Gud Nyuz, a tinap bifo ɔl di ɔda Kristiɛn dɛn ɛn tɛl Pita se, “Yu na Ju man, bɔt yu de du lɛkɛ se yu nɔto Ju. Wetin mek yu de pin naw se dɛn pipul we nɔto Ju fɔ de du lɛkɛ aw dɛn Ju de du?”

Lɛta Fɔ Kɔlɔse 1:5

Di fɔs tɛm we dɛn tɛl una di Gud Nyuz we na tru, una no se Gɔd kip gud tin fɔ una na ɛvin; ɛn we una de wet fɔ da gud tin de we una no fɔ shɔ se una go gɛt, dat mek una biliv pan Krays mɔ ɛn lɛk Gɔd in pipul dɛn.

Lɛta Fɔ Ɛfisɔs 1:13

Na di sem tin bi to unasɛf, wɛn una yɛri di Gud Nyuz we na di tru tin, nain sho una aw Gɔd go sev una. Wɛn una biliv Krays, Gɔd gi unain Spirit we i bin dɔn prɔmis wi, dat na di mak fɔ sho se wi na Gɔd yon pipul.

Jud In Lɛta 1:3

Mi padi dɛn we a lɛk, na bɔt di sev we Gɔd dɔn sev wi a bin want rayt una bad, bɔt a fil se a fɔ rayt beg una naw fɔ mek una fɛt fɔ stil biliv pan Jizɔs Krays lɛkɛ aw Gɔd dɔn mek in pipul dɛn biliv wan tɛm nɔmɔ, fɔ ɔltɛm.

Fɔs Lɛta Fɔ Tɛsalonayka 2:13

Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.

Apɔsul Dɛn Wok 15:2

Pɔl ɛn Banabas nɔ bin gri wit di tin we dɛn pipul ya bin de lan di pipul dɛn na Antiɔk, so dɛn bigin agyu traŋa wan wit di Judia pipul dɛn bɔt dat. Dɛn gri fɔ mek Pɔl ɛn Banabas ɛn sɔm ɔda Kristiɛn dɛn na Antiɔk go Jerusɛlɛm fɔ tɔk bɔt dat to di apɔsul dɛn ɛn dɛn bigman na di chɔch.

Lɛta Fɔ Galeshya 1:6

A wɔnda pan una we kwik kwik wan so una dɔn lɛf fɔ fala Gɔd we kɔl una bikɔs Krays gud to una. Una de tek ɔda mɛsej se na di Gud Nyuz.

Nɛimaya 6:4

Fɔ fo difrɛn tɛm, dɛn bin de sɛn di sem sem mɛsej to mi ɛn ɛnitɛm di mɛsej kam, na di sem ansa misɛf de sɛn bak.