Lɛta Fɔ Galeshya 2:4 - Krio Fɔs Oli Baybul

⁴ pan ɔl we sɔm pipul bin want am fɔ du dat. Dɛn sem pipul ya bin de mek lɛkɛ se dɛn biliv pan Jizɔs Krays, dɛn bin kam miks wit wi fɔ wach wi bikɔs wi fri fɔ du ɛnitin we Gɔd want we wi gɛt wanwɔd wit Jizɔs Krays. Dɛn bin want fɔ lɛ wi bi slev ɔnda di Ju Lɔ,

Lɛta Fɔ Galeshya 2:4 Referans Kwoze

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Lɛta Fɔ Galeshya 5:1

Wi fri bikɔs Krays dɔn mek wi fri; so lɛ wi tray fɔ sho se wi na pipul we fri we Krays dɔn sev. Una nɔ put unasɛf pan slev layf igen.

Lɛta Fɔ Galeshya 4:3

Na so wisɛf bin tan, wi na bin slev to dɛn dɛbul we bin de rul di wɔl, bifo wi no bɔt Gɔd gud gud.

2 Kɔrint 11:26

Wɛn wi de go ɔlɔbɔt, denja kin plɛnti na rod: dɛn big agbara we de kɛr pɔsin go, tifman, mi yon kɔmpin Ju dɛn ɛn dɛn wan we nɔto Ju we mekɔp bad fɔ mi; denja bin de na dɛn tɔŋ; denja bin de na dɛn bush; denja bin de wɛn a lɛf di sho go fawe na si; denja bin de kɔmɔt to dɛn padi we bin se dɛn na mi padi bɔt dɛn na bin mi ɛnimi.

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

Pita In Sɛkɛn Lɛta 2:19

Dɛn de tɛl di pipul dɛn we dɛn de drɔ fɔ fala dɛn, se dɛn go fri, bɔt dɛnsɛf nɔ fri yet, dɛnsɛf na lɛkɛ slev to dɛn bad tin we de pwɛl layf; bikɔs if pɔsin nɔ ebul lɛf fɔ du sɔntin, da pɔsin de dɔn bi slev to da tin de.

Sɛkɛn Lɛta To Timoti 3:6

Sɔm pan dɛn de go na pipul os, go tɔn dɛn uman dɛn at we nɔ no wetin dɛn de pan bikɔs dɛn sin de mɔna dɛn ɛn dɛn de du ɛnitin we dɛn at gi dɛn fɔ du;

Lɛta Fɔ Galeshya 5:10

Bikɔs wi gɛt wanwɔd wit Krays, a biliv se una nɔ go tek wetin ɔda pipul de tɛl una, pas wetin a dɔn tɛl una, ɛn Gɔd go jɔj di pɔsin we de ambɔg una, ilɛk udat i bi.

2 Kɔrint 11:20

Una de bia wit ɛni pɔsin we de mek lɛkɛ se in na una bɔs, we de tek advantej pan una, we de sɛt trap fɔ una, we nɔ gɛt rɛspɛkt fɔ una, ɛn we kin slap una sɛf.

2 Kɔrint 11:13

Dɛn apɔsul de nɔto tru apɔsul; na lay dɛn de lay bɔt dɛn wok, dɛn jɛs de mek lɛkɛ se dɛn na Krays in tru apɔsul dɛn.

2 Kɔrint 3:17

Di “Masta” we dɛn de tɔk bɔt na ya, na di Spirit; ɛni say we di Masta in Spirit de, pipul fri.

Apɔsul Dɛn Wok 20:30

Tɛm de kam we sɔm pan unasɛf go de tɔk bad fɔ mek di Kristiɛn dɛn kɔmɔt na di chɔch ɛn fala una.

Apɔsul Dɛn Wok 15:24

Wi yɛri se sɔm pipul we kɔmɔt to wi na ya de mek tin traŋa fɔ una ɛn dɛn de kɔnfyus una wit di tin we dɛn de tɔk. Nɔto wi sɛn dɛn.

Apɔsul Dɛn Wok 15:1

Sɔm pipul kɔmɔt Judia go Antiɔk. Dɛn go tɛl di pipul dɛn na Antiɔk se, Gɔd nɔ go sev dɛn pas dɛn sakɔmsayz bikɔs na dat di Lɔ we Gɔd gi Mozis se.

Ayzaya 51:23

ɛn A go put am na di wan dɛn we de tɔmɛnt una, dɛn an, di wan dɛn we dɔn tɛl una se, “Una lidɔm, lɛ wi mas una pas’; ɛn una dɔn mek una bak lɛk grɔn ɛn lɛk trit fɔ dɛn fɔ waka.”

Pita In Fɔs Lɛta 2:16

Una fɔ de lɛkɛ pipul we fri, bɔt nɔto dat mek una fri fɔ de du ɛni bad tin. Una fɔ de du lɛkɛ pipul we de wok fɔ Gɔd.

Lɛta Fɔ Galeshya 4:25

Wɛn pɔsin de tɔk bɔt Ega, na Mawnt Saynay we de Are bia, i de tɔk bɔt. Ega jɛs tan lɛkɛ aw Jerusɛlɛm tan tide, ɔl di pipul dɛn we kɔmɔt de tan lɛkɛ slev, na so Ega ɛn in pikin dɛnsɛf tan lɛkɛ slev.

2 Kɔrint 11:17

If a want bost naw, a nɔ de tɔk wetin di Masta tɛl mi fɔ tɔk, a de tɔk lɛkɛ fulman.

Lɛta Fɔ Rom 8:15

Di Spirit we Gɔd gi una nɔ mek una bi slev ɛn i nɔ de mek una fred, bɔt i mek una bi Gɔd in pikin dɛn ɛn nain de mek wi se, “Papa, mi Papa,” we wi de kɔl Gɔd.

Di Sam Dɛm 119:45

A fri, mi ɛnimi dɛn nɔ go blɔk mi we, wans na yu lɔ dɛn a de obe.

Di Sam Dɛm 51:12

Gi mi bak di jɔy we a fɔ gɛt we a no se yu go sev mi ɛn gi mi di kayn trɛnk we go mek a no se yu de wit mi.

Lɛta Fɔ Galeshya 1:7

Ɔda gud nyuz nɔ de, bɔt sɔm pipul want mek una lɛf fɔ biliv pan Krays, dɛn de tray fɔ chenj di Gud Nyuz we tɔk bɔt Krays.

Jems 1:25

Gɔd in wɔd na di rayt tin fɔ mɔtalman ɛn i de mek mɔtalman fri; ɛnibɔdi we put ɔl in at pan am, we nɔ jɛs lisin am nɔmɔ ɛn fɔgɛt, bɔt i de du wetin i se, Gɔd go blɛs ɔl wetin da pɔsin de put in an pan.

Lyuk 5:38

Dɛn fɔ put nyu wayn insay nyu bɔtul.