Lɛta Fɔ Galeshya 2:21 - Krio Fɔs Oli Baybul

²¹ A nɔ go tek di gud we Gɔd gud to mi ɛn di lɛk we Gɔd lɛk mɔtalman, mek natin. If na di Ju Lɔ we pɔsin de kip de mek ɔltin rayt bitwin in ɛn Gɔd, dat min se di day we Krays day nɔ min natin!

Lɛta Fɔ Galeshya 2:21 Referans Kwoze

Lɛta Fɔ Rom 11:6

Gɔd pik dɛn pipul de bikɔs i sɔri fɔ dɛn, nɔto fɔseka ɛnitin we dɛn du. If na wetin mɔtalman de du bin de mek Gɔd pik dɛn, dat nɔto tru sɔri Gɔd bin fɔ de sɔri fɔ dɛn.

Lɛta Fɔ Galeshya 3:21

Bikɔs di Ju Lɔ de, so wetin Gɔd dɔn prɔmis nɔ min natin? Mek Gɔd nɔ gri! Bikɔs if na we pɔsin de kip di Ju Lɔ de mek di pɔsin gɛt layf, dat min se, di Ju Lɔ fɔ mek ɔltin rayt bitwin pɔsin we de kip am ɛn Gɔd.

Di Ibru Pipul Dɛn 7:11

Lɔntɛm Gɔd bin put di Lɔ na Mozis in an fɔ gi di Izrɛl pipul dɛn, da tɛm de sɔm pan Livay in fambul dɛn na bin man dɛn we de mek sakrifays fɔ pipul sin na Izrɛl. If dɛn man lɛkɛ Erɔn we bin de mek sakrifays fɔ pipul sin, bin ebul wok fɔ mek ɔl wetin Gɔd want bi, natin nɔ bin fɔ mek ɛni ɔda man we de mek sakrifays fɔ pipul sin kam, we go du di sem kayn wok we Mɛlkizidɛk insɛf bin du.

1 Kɔrint 15:14

ɛn if Krays nɔ bin rayz frɔm di grev, dɛn di Gud Nyuz we wi de tɛl pipul nɔ min natin, ɛn di biliv we una biliv pan Krays nɔ min natin.

Lɛta Fɔ Galeshya 2:16

Wi no se nɔto bikɔs pɔsin de du wetin di Ju Lɔ se go mek ɔltin rayt bitwin in ɛn Gɔd, bɔt na we i biliv pan Jizɔs Krays. Semwe so, we wisɛf biliv pan Jizɔs Krays, Gɔd go mek ɔltin rayt bitwin wi ɛn in. Nɔto bikɔs wi de du wetin di Ju Lɔ se, go mek ɔltin rayt bitwin wi ɛn Gɔd. Gɔd nɔ go mek ɔltin rayt bitwin ɛnibɔdi ɛn insɛf bikɔs di pɔsin de du wetin di Ju Lɔ se nɔmɔ.

Lɛta Fɔ Rom 10:3

Dɛn nɔ bin ɔndastand aw Gɔd de mek ɔltin rayt bitwin in ɛn pipul, ɛn dɛn bin de tray fɔ fɛn dɛn yon we fɔ mek ɔltin rayt bitwin dɛn ɛn Gɔd; so dɛn nɔ bin gri fala Gɔd in yon we fɔ mek ɔltin rayt bitwin in ɛn dɛn.

Ayzaya 49:4

Bɔt a se, “A dɔn lebɔ fɔ natin, Mi trɛnk ɔl dɔn wes ɛn go fɔ natin; bɔt a shɔ se mi rayt de wit PAPA GƆD, ɛn mi riwɔd de wit mi Gɔd.”

1 Kɔrint 15:2

Di wɔd we a bin tɛl una, na di Gud Nyuz. Dis Gud Nyuz ya go mek una sev if una nɔ mek ɛnitin pul una at kɔmɔt pan am. If una mek ɛnitin pul una at kɔmɔt pan am na fɔ natin una bin biliv di Gud Nyuz.

Lɛta Fɔ Galeshya 2:18

If a bigin du ɔl wetin a bin dɔn se a nɔ go du, dat min se a dɔn brok di Lɔ ɛn a de sin fɔ tru.

Lɛta Fɔ Rom 8:31

Wɛn wi luk ɔl dɛn tin ya, wetin wi go se? If Gɔd de fɔ wi, nɔbɔdi nɔ go ebul wi.

Mak 7:9

I tɔk igen se, “Una tink se una gɛt sɛns we una nɔ tek wetin Gɔd tɛl una fɔ du mek natin ɛn una jɛs de du wetin una grampapa papa dɛn bin tɛl una yon Ju pipul dɛn fɔ du!

Di Sam Dɛm 33:10

PAPA GƆD nɔ de mek wetin pipul plan bi wans nɔto wetin in want dɛn fɔ du.

1 Kɔrint 15:17

Ɛn if Gɔd nɔ bin mek Krays rayz frɔm di grev, una de mek unasɛf ful fɔ biliv pan Krays ɛn una sin de pan una te naw.

Jɛrimaya 8:8

‘Aw una go se, ‘wi gɛt sɛns, ɛn PAPA GƆD in lɔ de to wi?’ A de tɛl una, dɛn sɛktri dɛn lay lay pɛn dɛn dɔn mek i dɔn tɔn to lay lay.

Lɛta Fɔ Rom 4:25

Gɔd bin gri fɔ mek Jizɔs day fɔseka wi sin dɛn, ɛn i mek Jizɔs rayz frɔm di grev so dat i kin mek ɔltin rayt bitwin wi ɛn Gɔd.