Lɛta Fɔ Galeshya 2:2 - Krio Fɔs Oli Baybul

² A go bak na Jerusɛlɛm, bikɔs Gɔd tɛl mi fɔ go de. A bin gɛt mitin wit di bigman dɛn na di chɔch nɔmɔ. Na de a tɛl dɛn di Gud Nyuz we a bin de tɛl dɛn pipul we nɔto Ju, bikɔs a nɔ bin want mek di wok we a bin dɔn du, ɛn di wok we a bin de du, go fɔ natin.

Lɛta Fɔ Galeshya 2:2 Referans Kwoze

Lɛta Fɔ Galeshya 2:6

Dɛn pipul na Jerusɛlɛm we dɛn se na bigman na di chɔch nɔ bin tɛl wi fɔ chenj di Gud Nyuz we a bin de tɛl dɛn pipul we nɔto Ju. A nɔ bisin udat dɛn bi, bikɔs Gɔd nɔ de luk aw pɔsin tan ɔ udat i bi bifo i gri fɔ am.

Lɛta Fɔ Filipay 2:16

Una fɔ de tɛl dɛn Krays in wɔd we de gi layf, so dat di de we Krays go kam a go fil prawd, bikɔs ɔl di wok we a dɔn wok wit una nɔ go fɔ natin.

Fɔs Lɛta Fɔ Tɛsalonayka 3:5

Na dat mek a sɛn Timoti fɔ fɛnɔt if una stil biliv pan Krays. A nɔ bin ebul bia igen we a nɔ yɛri ɛnitin frɔm una. A bin de wɔri se sɔntɛm Setan dɔn gɛt una ɛn ɔl wi lebɔ dɔn go fɔ natin.

Lɛta Fɔ Galeshya 2:9

Jems, Pita ɛn Jɔn, we dɛn se na bin bakbon na di chɔch bin no se Gɔd gi mi dis wok ya fɔ du, dɛn shek mi ɛn Banabas an fɔ sho se wi ɔl dɔn bi wan we wi de wok fɔ Gɔd. Dɛn tɛl mi ɛn Banabas se, wi tu fɔ go wok to dɛn pipul we nɔto Ju, ɛn dɛn tri fɔ go wok to dɛn pipul we na Ju.

1 Kɔrint 9:26

Na dat mek, a de du lɛkɛ pɔsin we de put ɔl in at pan di res we i de rɔn, mek i go win, a nɔ de du lɛkɛ pɔsin we de traybon.

1 Kɔrint 1:23

Bɔt wi de tɛl pipul se Krays day na di krɔs, dat de mek di Ju pipul dɛn vɛks ɛn di pipul dɛn we nɔto Ju dɛn se na nɔnsɛns.

1 Kɔrint 9:24

Una nɔ no se pan ɔl dɛn pipul we de rɔnres na wangren pɔsin kin win? So unasɛf fɔ rɔn mek una go win.

1 Kɔrint 2:2

Ɔl di tɛm we a bin de wit una, a bin mekɔp fɔ jɛs de tɔk nɔmɔ bɔt Jizɔs Krays we dɛn kil na di krɔs.

Apɔsul Dɛn Wok 15:12

Nɔbɔdi na di mitin nɔ se fiŋ wɛn dɛn yɛri wetin Banabas ɛn Pɔl de tɔk bɔt ɔl di wɔndaful wok dɛn we Gɔd mek dɛn du fɔ dɛn pipul we nɔto bin Ju.

Apɔsul Dɛn Wok 15:4

Wɛn Pɔl ɛn Banabas rich Jerusɛlɛm, di chɔch pipul dɛn, di apɔsul dɛn ɛn di chɔch bigman dɛn gladi fɔ si dɛn, ɛn Pɔl ɛn Banabas tɛl dɛn ɔl wetin Gɔd ɛp dɛn fɔ du.

Lɛta Fɔ Filipay 2:29

Una fɔ gladi fɔ am wɛn i go to una bikɔs na una Kristiɛn brɔda; una fɔ rɛspɛkt pipul lɛkɛ dɛn wande.

Lɛta Fɔ Galeshya 1:16

fɔ mek a no in Pikin, so dat a go tɛl dɛn pipul we nɔto Ju bɔt di Gud Nyuz, a nɔ bin aks ɛnibɔdi fɔ tɛl mi wetin a fɔ du,

Apɔsul Dɛn Wok 23:11

Wɛn nɛt kam, di Masta kam tinap klos Pɔl ɛn se, “Pɔl, nɔ mek yu at pwɛl; lɛkɛ aw yu bin tɛl di pipul dɛn na Jerusɛlɛm wetin yu no bɔt mi, yu go du di sem tin na Rom.”

Apɔsul Dɛn Wok 18:9

Wan nɛt, Gɔd sho Pɔl sɔntin; i tɛl am se, “Nɔ fred, yu nɔ fɔ taya fɔ tɔk di mɛsej we a tɛl yu fɔ tɔk,

Apɔsul Dɛn Wok 5:34

Gameliɛl, wan Faresi we bin de lan pipul di Ju Lɔ, na bin bigman na di Ju gran kot ɛn pipul bin rɛspɛkt am. I tinap na di kot ɛn tɛl di ɔda bigman dɛn mek dɛn pul di apɔsul dɛn na sɛl fɔs.

Matyu 10:16

“Una lisin, a de sɛn una go lɛkɛ ship midul wulf; una fɔ go kɛlɛkɛlɛ lɛkɛ aw snek de go kɛlɛkɛlɛ, una nɔ du ɛnibɔdi bad lɛkɛ aw dɔv nɔ de du ɛnibɔdi bad.

Ɛkliziastis 10:1

Day flay de mek pafyum pul bad sɛnt; na semweso lili bigful kin pwɛl pɔsin in sɛns ɛn rɛspɛkt.

Apɔsul Dɛn Wok 15:2

Pɔl ɛn Banabas nɔ bin gri wit di tin we dɛn pipul ya bin de lan di pipul dɛn na Antiɔk, so dɛn bigin agyu traŋa wan wit di Judia pipul dɛn bɔt dat. Dɛn gri fɔ mek Pɔl ɛn Banabas ɛn sɔm ɔda Kristiɛn dɛn na Antiɔk go Jerusɛlɛm fɔ tɔk bɔt dat to di apɔsul dɛn ɛn dɛn bigman na di chɔch.

Lɛta Fɔ Rom 9:16

So nɔto wetin mɔtalman want ɔ wetin i de du go mek Gɔd pik am, bɔt na we Gɔd sɔri fɔ am nɔmɔ.

2 Kɔrint 12:1

A go bost pan ɔl we a nɔ gɛt ɛnitin fɔ gen pan dat. Bɔt naw a de kam tɔk bɔt dɛn tin we Gɔd sho mi ɛn mek a no.

Lɛta Fɔ Galeshya 1:6

A wɔnda pan una we kwik kwik wan so una dɔn lɛf fɔ fala Gɔd we kɔl una bikɔs Krays gud to una. Una de tek ɔda mɛsej se na di Gud Nyuz.

Lɛta Fɔ Galeshya 1:12

Nɔto pɔsin tɛl mi di Gud Nyuz ɛn nɔto pɔsin lan mi bɔt di Gud Nyuz. Na Jizɔs Krays insɛf sɛf mek a ɔndastand di Gud Nyuz.

Lɛta Fɔ Galeshya 5:7

Una bin de du wɛl we una bin de biliv pan Krays mɔ ɛn mɔ; udat mek una lɛf fɔ du dɛn tru tin we Gɔd tɛl una fɔ du? Wetin di pɔsin du fɔ chenj una at?

Sɛkɛn Lɛta To Timoti 4:7

Di rɔn we a bin de rɔn fɔ mi Masta dɔn dɔn, a dɔn rich di say we fɔ tap, a nɔ lɛf fɔ biliv pan Gɔd, a nɔ lɛf fɔ lan pipul dɛn tin we wi biliv bɔt Gɔd.

Di Ibru Pipul Dɛn 12:1

Fɔ wi yon pat, ɔl dɛn pipul ya we a jɛs tɔk bɔt de rawnd wi. Dɛn dɔn sho klia wan wetin fɔ biliv Gɔd, min. Na dat mek wi fɔ lɛf ɔl dɛn tin we de mek wi tap fɔ biliv Gɔd; wi fɔ lɛf fɔ du ɛni bad tin we wi de du, we dɔn grip wi tayt; wi fɔ stil rɔn di res we de bifo wi, ɛn wi nɔ fɔ taya na rod.