Lɛta Fɔ Galeshya 2:13 - Krio Fɔs Oli Baybul

¹³ Dɛn ɔda pipul we na bin Ju, dɛnsɛf fred lɛkɛ Pita ɛn dɛnsɛf lɛf fɔ it wit di pipul dɛn we nɔto bin Ju. Banabas insɛf mek lɛkɛ se insɛf nɔ bin de it wit dɛn.

Lɛta Fɔ Galeshya 2:13 Referans Kwoze

1 Kɔrint 15:33

Una nɔ mek ɛnibɔdi mek una ful. “Bad kɔmpin de pwɛl pɔsin.”

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

Di Ibru Pipul Dɛn 13:9

Una nɔ gri mek dɛn nyu tin we pipul de lan una, tɔn una at. Na di gud we Gɔd gud de mek una biliv am, fɔ tru, nɔto dɛn lɔ we tɔk bɔt tin fɔ it; dɛn nɔ min natin, ɛn dɛn nɔ de ɛp dɛn pipul we de fala dɛn.

1 Kɔrint 8:9

Bɔt una fɔ tek tɛm so dat di fri we una fri fɔ it bif nɔ go mek una kɔmpin, we nɔ shɔ yet bɔt wetin rayt, sin.

1 Kɔrint 5:6

Di prawd we una prawd nɔ rayt! Una no se dɛn kin se, “Na lili bit yist nɔmɔ de mek ɔl di bred rayz.”

Apɔsul Dɛn Wok 4:36

Na so Josɛf, da Livayt we kɔmɔt Sayprɔs, bin du. Di apɔsul dɛn bin de kɔl am Banabas, dat min “Pɔsin we de kɔrej ɔda pipul”.

Ɛkliziastis 10:1

Day flay de mek pafyum pul bad sɛnt; na semweso lili bigful kin pwɛl pɔsin in sɛns ɛn rɛspɛkt.

Lɛta Fɔ Galeshya 2:1

Afta fotin ia, mi ɛn Banabas go bak na Jerusɛlɛm, a mek Taytɔs fala mi go.

1 Kɔrint 12:2

Una no se di tɛm we una nɔ bin no Gɔd yet, una bin de pre to dɛn tin we nɔ gɛt layf we mɔtalman mek fɔ pre to, ɛn ɔltɛm dɛn kin de drɔ una fɔ kɔmɔt na di rayt rod go fala dɛn.

Ɛkliziastis 7:20

Na tru se nɔbɔdi nɔ de na wɔl we de du wetin PAPA GƆD want ɔltɛm ɛn nɔ de ɛva sin.

Jɛnɛsis 27:24

i aks bak se, “Yu na Isɔ fɔ tru, tru?” Jekɔb ansa se, “Yɛs, na mi sa.”

Job 15:12

Wetindu yu de mek yu at lay gi yu, ɛn wetindu yu de mek yu fes so,

Matyu 23:28

Na so una tan, wɛn ɛnibɔdi si una, i tan lɛkɛ se una de du wetin Gɔd in lɔ tɛl una fɔ du, bɔt una at ful wit ipokrit ɛn sin.

Lɛta Fɔ Galeshya 2:9

Jems, Pita ɛn Jɔn, we dɛn se na bin bakbon na di chɔch bin no se Gɔd gi mi dis wok ya fɔ du, dɛn shek mi ɛn Banabas an fɔ sho se wi ɔl dɔn bi wan we wi de wok fɔ Gɔd. Dɛn tɛl mi ɛn Banabas se, wi tu fɔ go wok to dɛn pipul we nɔto Ju, ɛn dɛn tri fɔ go wok to dɛn pipul we na Ju.

2 Samiɛl 16:19

Ɛn igen, in dɔn rɛdi fo wok fɔ di pikin jɛs lɛk aw i wok fɔ di dadi.