Lɛta Fɔ Galeshya 1:7 - Krio Fɔs Oli Baybul

⁷ Ɔda gud nyuz nɔ de, bɔt sɔm pipul want mek una lɛf fɔ biliv pan Krays, dɛn de tray fɔ chenj di Gud Nyuz we tɔk bɔt Krays.

Lɛta Fɔ Galeshya 1:7 Referans Kwoze

Apɔsul Dɛn Wok 15:24

Wi yɛri se sɔm pipul we kɔmɔt to wi na ya de mek tin traŋa fɔ una ɛn dɛn de kɔnfyus una wit di tin we dɛn de tɔk. Nɔto wi sɛn dɛn.

Lɛta Fɔ Galeshya 5:10

Bikɔs wi gɛt wanwɔd wit Krays, a biliv se una nɔ go tek wetin ɔda pipul de tɛl una, pas wetin a dɔn tɛl una, ɛn Gɔd go jɔj di pɔsin we de ambɔg una, ilɛk udat i bi.

2 Kɔrint 11:13

Dɛn apɔsul de nɔto tru apɔsul; na lay dɛn de lay bɔt dɛn wok, dɛn jɛs de mek lɛkɛ se dɛn na Krays in tru apɔsul dɛn.

Lɛta Fɔ Galeshya 5:12

A de abop se di pipul dɛn we de mek una at wam go kɔmɔt biɛn una, ɛn lɛf una to unasɛf.

2 Kɔrint 2:17

Wi nɔ tan lɛkɛ plɛnti pipul we de tɛl ɔda pipul Gɔd in mɛsej fɔ mek mɔni, bɔt bikɔs na Gɔd sɛn wi, wi de tɔk tret wɔd bifo am wit Krays in pawa.

Rɛvɛleshɔn 20:3

Dɛn di enjɛl tek am trowe am insay di ol we nɔ gɛt bɔtɔm, i lɔk am ɛn put waks we sil di lɔk, so dat i nɔ go kɔmɔt, ɛn i nɔ go mek dɛn pipul ɔlɔbɔt na wɔl ful igen, te di wan tawzin ia dɔn pas. Afta dat, dɛn fɔ lus am lili bit fɔs.

Jɔn In Sɛkɛn Lɛta 1:10

If ɛnibɔdi we nɔ biliv wetin Krays dɔn lan wi, kam to una fɔ lan una ɛnitin, una nɔ fɔ kip am na una os; una nɔ fɔ tɛl am adu sɛf.

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Rɛvɛleshɔn 13:14

I mek ɔl di pipul dɛn na wɔl ful wit di tin dɛn we dɛn gi am pawa fɔ du bifo di fɔs wayl bif; dɛn tin ya bin mek pipul wɔnda. Di sɛkɛn wayl bif tɛl ɔl di pipul dɛn na di wɔl se mek dɛn mek sɔntin we dɛn go tek mɛmba ɛn rɛspɛkt di fɔs wayl bif we dɛn bin wund wit sɔd, bɔt nɔ bin day.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Rɛvɛleshɔn 2:20

Bɔt na wan tin a de blem una fɔ, una de gri mek da uman we dɛn kɔl Jɛzibɛl sidɔm wit una. I de se na Gɔd in pawa in de tek tɔk di wɔd dɛn we i de tɔk, bɔt na lay i de lay gi mi pipul dɛn; i de mek dɛn ful ɛn dat go mek dɛn wan we dɔn mared, liv fri layf; ɛn mek pipul it it we dɛn bin dɔn gi dɛn tin we mɔtalman de pre to.

Rɛvɛleshɔn 2:6

bɔt na wan tin a prez una fɔ, una nɔ lɛk dɛn bad tin we dɛn pipul, we de fala Nikolas, de du, jɛs lɛkɛ aw misɛf nɔ lɛk dɛn.

Rɛvɛleshɔn 2:2

A no ɔl di tin dɛn we una dɔn du, a no se una dɔn wok traŋa ɛn a no aw una kin bia wɛn waala kam. A no se una nɔ de gri mek bad pipul de wit una; una dɔn luk dɛn pipul we se dɛn na apɔsul ɛn una dɔn si se na lay dɛn de lay.

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Jɔn In Sɛkɛn Lɛta 1:7

Plɛnti pipul we de mek dɛn kɔmpin ful de ɔlɔbɔt na wɔl, dɛn nɔ de tɔk se Jizɔs Krays kam na wɔl lɛkɛ mɔtalman; dɛn de lay ɛn dɛn nɔ lɛk Krays.

Jɔn In Fɔs Lɛta 2:26

A de rayt una fɔ tɛl una bɔt dɛn pipul we de tray fɔ mek una lɛf fɔ fala di tru we.

Sɛkɛn Lɛta To Timoti 2:18

Dɛn nɔ biliv wetin tru igen, dɛn de tɔk se di tɛm we pipul we dɔn day go rayz frɔm dɛn grev dɔn pas; dat de mek sɔm pipul we bin biliv, bigin dawt.

Lɛta Fɔ Galeshya 6:17

Bifo a dɔn wetin a de rayt una, a de tɛl una se: una nɔ mek ɛnibɔdi mek a sɔfa igen, bikɔs a gɛt di wip mak dɛn na mi bɔdi we sho se mi na Jizɔs in slev.

Lɛta Fɔ Galeshya 4:17

Dɛn ɔda pipul kia bɔt una, bɔt wetin dɛn want nɔ fayn. Dɛn want fɔ sɛtfaya, mek a nɔ go gɛt wanwɔd wit una, so dat una go de fɔ dɛn lɛkɛ aw dɛn de fɔ una.

Lɛta Fɔ Galeshya 2:4

pan ɔl we sɔm pipul bin want am fɔ du dat. Dɛn sem pipul ya bin de mek lɛkɛ se dɛn biliv pan Jizɔs Krays, dɛn bin kam miks wit wi fɔ wach wi bikɔs wi fri fɔ du ɛnitin we Gɔd want we wi gɛt wanwɔd wit Jizɔs Krays. Dɛn bin want fɔ lɛ wi bi slev ɔnda di Ju Lɔ,

2 Kɔrint 4:2

Wi dɔn lɛf fɔ du dɛn tin we wi bin de ayd fɔ du we bin de mek wi shem; wi de waka tret wit pipul, wi nɔ de twis Gɔd in wɔd; wi no se Gɔd de luk wi, so wi de tɔk ɔl wetin tru bɔt Gɔd, so dat ɔlman go satisfay se wetin wi de tɔk na di rayt tin.

Apɔsul Dɛn Wok 20:30

Tɛm de kam we sɔm pan unasɛf go de tɔk bad fɔ mek di Kristiɛn dɛn kɔmɔt na di chɔch ɛn fala una.

Apɔsul Dɛn Wok 13:10

ɛn tɛl am se, “Yu na Setan in pikin, yu nɔ lɛk ɛnitin we gud. Na bad ful yu at. Wetin mek yu want pul pipul dɛn kɔmɔt na di Masta in tret rod?

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Jɛrimaya 23:26

Aw lɔŋ lay lay go de insay dɛn prɔfɛt dɛn at, we de prɔfisay lay lay ɛn we de tɔk wetin dɛn at se fɔ de disiv pipul,

Jɛrimaya 23:36

Bɔt una nɔ fɔ tɔk di wɔd, PAPA GƆD in lod’ igen igen, bikɔs di lod na ɔlman wɔd, ɛn una de kɔrɔpt PAPA GƆD we de alayv, we na PAPA GƆD Ɔlmayti, we na wi Gɔd, in wɔd.

Lɛta Fɔ Galeshya 1:6

A wɔnda pan una we kwik kwik wan so una dɔn lɛf fɔ fala Gɔd we kɔl una bikɔs Krays gud to una. Una de tek ɔda mɛsej se na di Gud Nyuz.