Lɛta Fɔ Galeshya 1:13 - Krio Fɔs Oli Baybul

¹³ Una dɔn yɛri bɔt di tɛm we a bin de pre lɛkɛ aw mi Ju pipul dɛn de pre, ɛn aw a bin de mek dɛn pipul we biliv Gɔd sɔfa bad. A bin de du ɔl wetin a ebul du fɔ mek di pipul dɛn sɔfa, so dat dɛn nɔ go de mit wan ples igen fɔ pre, ɛn dɛn nɔ go biliv dɛn tin ya.

Lɛta Fɔ Galeshya 1:13 Referans Kwoze

Apɔsul Dɛn Wok 8:3

Sɔl bigin fɔ mek dɛn pipul we bin biliv Jizɔs, sɔfa. I kin go frɔm os to os go fɛn dɛn, man ɛn uman, ɛn drɛg dɛn go na jel.

1 Kɔrint 15:9

Ɔl dɛn ɔda apɔsul bɛtɛ pas mi; a nɔ fit sɛf fɔ lɛ dɛn kɔl mi apɔsul, bikɔs a bin de mek dɛn pipul we de waka wit Gɔd sɔfa.

Apɔsul Dɛn Wok 9:26

Sɔl go na Jerusɛlɛm ɛn tray fɔ miks wit Jizɔs in lanin bɔy dɛn. Di lanin bɔy dɛn nɔ bin biliv se Sɔl insɛf bin dɔn bi Jizɔs in lanin bɔy. Dɛn bin stil de fred am.

Apɔsul Dɛn Wok 9:21

Ɔl dɛn pipul we bin yɛri wetin Sɔl de tɔk, wɔnda; dɛn se, “Nɔto dis man bin de kil dɛn pipul na Jerusɛlɛm we bin de kɔl Jizɔs in nem? I nɔ bin kam na ya fɔ ol dɛn pipul we de kɔl Jizɔs in nem ɛn kɛr dɛn go bak to dɛn bigman we de mek sakrifays fɔ pipul sin?”

Fɔs Lɛta To Timoti 1:13

pan ɔl we fɔstɛm a bin de tɔk bad bɔt am, a bin de fɛt in pipul dɛn ɛn a bin de kɔs am; bɔt Gɔd sɔri fɔ mi bikɔs a nɔ bin no wetin a de du di tɛm we a nɔ bin biliv pan Krays yet,

Lɛta Fɔ Filipay 3:6

A bin de fɛt fɔ mek ɔlman du ɔl wetin di Ju Lɔ tɛl wi fɔ du, so a bin de mek dɛn pipul we biliv pan Krays sɔfa. So if na we pɔsin de kip di Ju Lɔ de mek ɔltin rayt bitwin in ɛn Gɔd, wɛl, nɔbɔdi nɔ go pɔynt fiŋa pan mi.

Apɔsul Dɛn Wok 8:1

Sɔl gladi we dɛn kil Stivin. Frɔm di de we dɛn kil Stivin, nain dɛn Ju bigman dɛn bigin mek dɛn pipul we bin biliv Jizɔs Krays, sɔfa bad wan. Dɛn ɔl rɔnawe kɔmɔt Jerusɛlɛm. Sɔm go Judia, sɔm go Sameria. Na di apɔsul dɛn nɔmɔ bin lɛf na di tɔŋ.

1 Kɔrint 10:32

Una fɔ liv una layf so dat una nɔ go mek Ju pipul, ɔ pipul we nɔto Ju, ɔ pipul we na Kristiɛn tap fɔ biliv pan Gɔd.

Fɔs Lɛta To Timoti 1:14

ɛn Gɔd we na wi Masta bin so gud to mi we i mek a biliv Krays ɛn we i mek a lɛk mi kɔmpin mɔtalman bikɔs a gɛt wanwɔd wit Krays.