Lɛta Fɔ Galeshya 1:10 - Krio Fɔs Oli Baybul

¹⁰ A nɔ de tɔk fɔ mek mɔtalman prez mi, na Gɔd in prez a want. Una min se a want fɔ mek mɔtalman lɛk mi, if na dat a bin want, afta ɔl dɛn ia ya, a nɔ go bi Krays in savant.

Lɛta Fɔ Galeshya 1:10 Referans Kwoze

Fɔs Lɛta Fɔ Tɛsalonayka 2:4

Bɔt wi de tɛl pipul wetin Gɔd want wi fɔ tɛl dɛn, bikɔs i gi wi dis wok we i si se in kin abop pan wi fɔ du am lɛkɛ aw i want wi fɔ du am. Wi nɔ de tray fɔ pliz mɔtalman, bɔt wi want fɔ pliz Gɔd we no wetin de na wi at.

Apɔsul Dɛn Wok 5:29

Pita ɛn in kɔmpin dɛn ansa dɛn se, “Wi fɔ du wetin Gɔd tɛl wi fɔ du, wi nɔ gɛt fɔ du wetin mɔtalman tɛl wi fɔ du.

Lɛta Fɔ Ɛfisɔs 6:6

Nɔto wɛn una masta de luk una nɔmɔ una fɔ du una wok gud, so dat dɛn go prez una; bɔt una fɔ de du una wok lɛkɛ se na Krays una de du am fɔ, ɛn una fɔ du wetin Gɔd want wit ɔl una at.

Jems 4:4

Una tan lɛkɛ uman we nɔ tret wit in man! Una nɔ no se wɛn una lɛk dɛn tin we de na wɔl, dat go mek una nɔ lɛk Gɔd? Ɛnibɔdi we want dɛn tin na wɔl dɔn bi pɔsin we nɔ lɛk Gɔd.

Matyu 22:16

Dɛn sɛn sɔm pan dɛn yon lanin bɔy dɛn, ɛn sɔm pan di Ju pipul dɛn we bin jɔyn Ɛrɔd in pati, fɔ go aks Jizɔs se, “Ticha, wi no se yu de tɔk tru ɛn yu de lan pipul wetin Gɔd want mɔtalman fɔ du, fɔ tru, ɛn yu nɔ bisin bɔt wetin dɛn de tink, yu nɔ kia if pɔsin po ɔ jɛntri.

Lɛta Fɔ Kɔlɔse 3:22

Una we de wok fɔ ɔda pipul, una fɔ de du ɔl wetin di pipul dɛn we una de wok fɔ tɛl una fɔ du, una nɔ fɔ wok nɔmɔ wɛn una masta de, bikɔs una want mek i prez una, bɔt una fɔ wok wit ɔl una at bikɔs una rɛspɛkt Jizɔs Krays we na wi Masta.

Lɛta Fɔ Rom 2:29

Di tru Ju na pɔsin we dɔn gi Gɔd in at, dat na pɔsin we in at sakɔmsayz, dat min se Gɔd dɔn put in mak pan am. Na Gɔd in Spirit de mek dat bi, nɔto di Lɔ we dɛn rayt. Na Gɔd de prez pɔsin lɛkɛ dat, nɔto mɔtalman.

Jɔn In Fɔs Lɛta 3:9

Ɛni bɔdi we kɔmɔt to Gɔd nɔto pɔsin we go jɛs de sin ɛn nɔ gri fɔ tap, bikɔs i gɛt Gɔd nain at, ɛn we Gɔd nain Papa, i nɔ go jɛs de sin, i nɔ gri fɔ tap.

2 Kɔrint 12:19

Sɔntɛm una dɔn de tink ɔl dis tɛm se wi de tray fɔ tɔk mek una go gladi fɔ wi. Nɔto dat wi want du, wi de tɔk bifo Gɔd wetin Krays want mek wi tɔk. Mi padi dɛn, ɔl wetin wi de du na fɔ ɛp una.

Lɛta Fɔ Rom 2:8

Bɔt ɔda pipul jɛs liv fɔ dɛnsɛf ɛn dɛn nɔ de gri fɔ du wetin dɛn fɔ du, dɛn de du wetin dɛn nɔ fɔ du; Gɔd go vɛks pan dɛn ɛn pɔnish dɛn.

Lɛta Fɔ Rom 1:1

Mi, Pɔl, we de wok fɔ Jizɔs Krays, ɛn we na apɔsul we Gɔd pik fɔ go tɛl pipul di Gud Nyuz we i gɛt fɔ dɛn, de rayt to una.

1 Kɔrint 10:33

Na so misɛf de du; ɛnitin we a de du, a de tray fɔ mek ɔlman satisfay, a nɔ de tray fɔ gen ɛnitin fɔ misɛf, a de wok fɔ ɛp mek plɛnti pipul sev.

Matyu 28:14

Ɛn if di gɔvna yɛri bɔt dat, wi go tɛl am se nɔto una fɔlt. Wi nɔ go mek trɔbul mit una.”

1 Samiɛl 21:7

Doɛg we na di bigman fɔ dɛn man dɛn we bin de mɛn Sɔl in ship dɛn, bin de de. Na bin Idɔmayt ɛn i bin de wet na PAPA GƆD in os fɔ sɔntin.

Apɔsul Dɛn Wok 12:20

Ɛrɔd bin vɛks bad pan dɛn pipul na Taya ɛn Saydɔn, so di pipul dɛn na dɛn tu tɔŋ de gɛda wan ples fɔ go tɔk to am. Di fɔs tin we dɛn du, dɛn mek wanwɔd wit di bigman we de luk ɔl di kiŋ in prɔpati. Dis man ya bin nem Blastɔs. Dɛn go to Ɛrɔd go beg am mek dɛn ɔl gɛt wanwɔd, bikɔs di it we dɛn bin de it bin de kɔmɔt na di kɔntri we Ɛrɔd bin de rul.

Matyu 6:24

“Nɔbɔdi nɔ go bi slev to tu masta di sem tɛm. If i bi so, i go lɛk wan masta, i nɔ go lɛk di ɔda wan. I go wok gud fɔ wan masta, bɔt i nɔ go wok gud fɔ di ɔda wan. Una nɔ go de du Gɔd wok ɛn bi slev to mɔni, di sem tɛm.

Lɛta Fɔ Filipay 1:1

Na wi, Pɔl ɛn Timoti, we de wok fɔ Krays Jizɔs, de sɛn dis lɛta to ɔl dɛn pipul we de na Fili pay we gɛt wanwɔd wit Krays Jizɔs. Semwe so, wi de sɛn am to dɛn chɔch ovasia ɛn dɛn pipul we de ɛp pan di chɔch wok.