Ɛzra 9:3 - Krio Fɔs Oli Baybul

³ We a yɛri dis kayn tin, a chɛr chɛr mi klos na mi bɔdi ɛn drɔ mi ia na mi ed ɛn mi biabia wit shem ɛn pwɛl at.

Ɛzra 9:3 Referans Kwoze

Nɛimaya 1:4

We a yɛri dis, a sidɔm ɛn kray. Infakt sɛf fɔ sɔntɛm mi at nɔ swit. A fast ɛn pre to PAPA GƆD.

Jɔshwa 7:6

Jɔshwa ɛn di bigman dɛn na Izrɛl go bifo di Kɔvinant bɔks, chɛr dɛn klos, put dɔti na dɛn ed fɔ sho se tin dɔn apin we mek dɛn sɔri, ib dɛnsɛf na grɔn, butu dɛn ed ɛn lidɔm de te ivintɛm.

Mayka 1:16

I se di pipul dɛn na Juda fɔ krep dɛn ed fɔ sho aw dɛn fil am we dɛn tek dɛn pikin dɛn na dɛn an kɛr dɛn go. Dɛn fɔ fiba yuba we nɔ gɛt ia.

Daniɛl 8:27

Mi Daniɛl, bin fil wik ɛn sik lidɔm fɔ tu tri de; dɔn a bin grap ɛn bigin du di kiŋ in wok bak; bɔt di vishɔn bin shɔk mi ɛn a nɔ bin ɔndastand am atɔl.

Daniɛl 4:19

Daniɛl we nem Bɛlshaza, bin wɔri fɔ sɔn tɛm, bikɔs wetin bin de kam nain maynd bin de mek i fred. Nain di kiŋ se, “Bɛlshaza, nɔ lɛ di drim ɔ in minin mek yu fred.” Bɛlshaza ansa se, “Kiŋ, mek dis drim ya bi fɔ di wan dɛn we nɔ wan si yu ɛn lɛ in minin bi fɔ di wan dɛn we nɔ lɛk yu!

Izikɛl 7:18

Dɛn tay rɛsbag rawnd dɛn wes, ɛn bad bad fred fred kɔba dɛm; shem de pan dɛn ɔl fes ɛn dɛn ɔl gɛt bɔl ed.

Izikɛl 3:15

so a kam to di wan dɛn we de ɛgzayl na Tɛlabib, we de nia Riva Chɛba. A sidɔm wit dɛm sɔprayz wan fɔ sɛvin de.

Jɛrimaya 36:24

Stil, di kiŋ ɔ ɛni ɔf in wokman dɛm we bin yɛri ɔl wetin rayt na di skrol, nɔ bin fred natin, ɛn dɛn nɔ bin chɛr dɛn klos.

Jɛrimaya 7:29

Una kɔt una ia trowe; una kray na dɛn ɛmti mawnten dɛn bikɔs PAPA GƆD dɔn se i nɔ want ɛn pul an pan di jɛnareshɔn we kin mek i vɛks bad bad wan.’

Ayzaya 15:2

Daybɔn in gyal pikin dɔn go ɔp na di ay ples dɛn fɔ go kray; Moab de kray fɔ Nibo ɛn Mɛdiba. Ɔlman krep in ed, ɛn ɔlman shev in bia bia;

Di Sam Dɛm 143:4

Mi bɔdi ɔl dɔn dɔn wit fred; mi at ɔl dɔn pwɛl.

Di Sam Dɛm 66:3

Tɛl PAPA GƆD se “Di tin dɛn we yu de du, so wɔndaful dat yu ɛnimi dɛn ɔl de fred yu.

Job 1:20

Wɛn Job dɔn lisin to ɔl wetin dɛn gɛt fɔ se, i grap, chɛr in klos, krep in ed, nildɔŋ wit in ed na grɔn ɛn wɔship PAPA GƆD.

Nɛimaya 13:25

A tɔk pan dɛn ɛn swɛ dɛn. A bit sɔm pan di man dɛn ɛn rut dɛn ia. A mek dɛn fɔ swɛ na PAPA GƆD in nem se, dɛn nɔ go mek dɛn gyal pikin dɛn mared fɔrina ɛn dɛnsɛf ɔ dɛn bɔypikin dɛn, nɔ go mared fɔrina. A aks dɛn se,

2 Kiŋ 18:37

Ilkaya in bɔypikin we na di administretɔ na di kiŋ in os in bɔypikin we na Ilayakim wit Shɛbna we na sɛktri ɛn Joa we na Esaf we de rayt in bɔypikin go to Kiŋ Ɛzikaya wit chɛr-chɛr klos ɛn tɛl am ɔl wetin di fil kɔmanda na Asiria se.

Lɛvitikɔs 21:5

I se dɛn nɔn nɔ fɔ krep wan pat pan dɛn ed fɔ mek bɔled, nɔ fɔ skrep pan di ia we de na dɛn dɛn fes in sayd ɔ shep dɛn biabia lɛk got ɔ mak mak idɛn bɔdi.

2 Samiɛl 1:11

Dɛn Devid ɛn ɔl di man dɛn we de wit am chɛr dɛn klos fɔ sho se dɛn sɔri fɔ yɛri da kayn nyuz de.

Di Sam Dɛm 119:53

A kin vɛks we a yɛri bɔt pɔsin we nɔ bisin bɔt wetin yu se.