Ɛzra 6:3 - Krio Fɔs Oli Baybul

³ “Di fɔs ia we Kiŋ Sayrɔs bigin fɔ rul as Kiŋ, i mek wan lɔ we tɔk bɔt PAPA GƆD in os na Jerusɛlɛm. I se lɛ dɛn bil PAPA GƆD in os bak fɔ lɛ pipul dɛn go de ɔfa dɛn sakrifays de, ɛn lɛ dɛn bil am na di say we PAPA GƆD in os bin de fɔs. I fɔ bi naynti fut ay, naynti fut wayd.

Ɛzra 6:3 Referans Kwoze

2 Kronikuls 36:22

Naw insay di fɔs ia we Sayrɔs bi kiŋ na Pashia mek PAPA GƆD in wɔd go bi we i tɔk wit Jɛrimaya in mɔt. I push di spirit pan Sayrɔs di Pashia kiŋ fɔ mek i mek anawnsmɛnt ɔlsay nain kindɔm ɛn rayt am se,

Rɛvɛleshɔn 21:16

Di enjɛl tek di tik, mɛnshɔ di tɔŋ. Nɔn say na di tɔŋ nɔ bin lɔŋ pas in kɔmpin. Wan say na bin wan tawzin fayv ɔndrɛd mayl, semwe so di tɔŋ in ayt na bin wan tawzin fayv ɔndrɛd mayl.

Di Sam Dɛm 122:4

Na so di Izrɛlayt fambul we de wɔship PAPA GƆD de jɔyn an fɔ prez am, lɛkɛ aw i bin tɛl pipul fɔ de tɛl am tɛnki.

2 Kronikuls 2:6

Bɔt udat go ebul bil os fɔ am, we ɛvin we na ɛvin we ay pas ɔl nɔ du fɔ am? Udat na mi fɔ bil os fɔ am, pas nɔmɔ ples fɔ de bɔn insɛns to am.

Ɛzra 1:1

Di fɔs ia we Kiŋ Sayrɔs bi kiŋ na Pashia, fɔ lɛ wetin PAPA GƆD bin mek Prɔfɛt Jɛrimaya bin tɔk bi, PAPA GƆD mek Kiŋ Sayrɔs mek lɔ, ɛn mek dɛn rayt am dɔŋ na pepa sɛn am go ɔlɔbɔt nain kindɔm.

Ɛzra 3:7

Di pipul dɛn aya mesna ɛn kapinta dɛn fɔ bil PAPA GƆD in os; ɛn dɛn pe di pipul dɛn we kɔmɔt Taya ɛn Saydɔn wit it, wayn ɛn ɔliv ɔyl fɔ kɔt sida timba na Libanɔn. Dɛn travul wit di timba we dɛn kɔt na di si te rich Jopa, ɛn na Kiŋ Sayrɔs na Pashia bin gi dɛn di ɔda fɔ du dat.

2 Kronikuls 2:3

Ɛn Sɔlɔmɔn sɛn wɔd to Uram di kiŋ na Taya, Lɛk aw yu du fɔ mi papa ɛn sɛn sida tik fɔ am fɔ bil os fɔ insɛf fɔ tap insay, du so to mi.”

Ɛzra 1:2

“Dis na wetin Kiŋ Sayrɔs na Pashia tɔk: ‘PAPA GƆD we na GƆD na ɛvin dɔn gi mi ɔl di kindɔm dɛn na di wɔl fɔ rul, ɛn i dɔn gi mi ɔda fɔ bil os fɔ am insay Jerusɛlɛm na Juda.

Ɛzra 6:14

Di Ju bigman dɛn kɔntinyu fɔ du di wok lɛkɛ aw prɔfɛt Agay ɛn prɔfɛt Zɛkaraya, Ido in bɔypikin dɛn advays dɛn. Dɛn bil PAPA GƆD in os dɔn jɛs lɛkɛ aw Izrɛl dɛn PAPA GƆD bin se fɔ bil am ɛn aw Kiŋ Sayrɔs, Kiŋ Dariɔs ɛn Kiŋ Atazaksis, di kiŋ dɛn na Pashia bin se.