Ɛzra 5:3 - Krio Fɔs Oli Baybul

³ Da tɛm de, Gɔvna Tatɛnay we na gɔvna fɔ di wɛst pat na Riva Yufretis ɛn Shɛta-bozɛnay ɛn di ɔda ɔfisa dɛn rich na Jɛrusɛlɛm ɛn aks udat gi dɛn pamishɔn fɔ bil PAPA GƆD in os,

Ɛzra 5:3 Referans Kwoze

Ɛzra 6:6

“Tatɛnay, yu we na, gɔvna fɔ di wɛst pat na Riva Yufretis, ɛn Shɛta-bozɛnay ɛn di ɔda ɔfisa dɛn na Riva Yufretis eria. Una nɔ fɔ ambɔg di wok.

Ɛzra 6:13

Gɔvna Tatɛnay, gɔvna fɔ di wɛst pat na Riva Yufretis, ɛn Shɛta-bozɛnay wit di ɔda ɔfisa dɛn du wetin Kiŋ Dariɔs se.

Ɛzra 5:9

We wi aks di bigman dɛn udat gi dɛn pamishɔn fɔ bil PAPA GƆD in os,

Ɛzra 1:3

Mek PAPA GƆD de wit una we nain pipul dɛn; una fɔ go na Jerusɛlɛm fɔ go bil PAPA GƆD in os, PAPA GƆD we na Izrɛl dɛn GƆD we de na Jerusɛlɛm.

Apɔsul Dɛn Wok 4:7

Dɛn pul Pita ɛn Jɔn kɔmɔt na jel, kɛr dɛn go bifo ɔl di man dɛn we bin dɔn gɛda de. Di man dɛn aks Pita ɛn Jɔn se, “Usay una gɛt di pawa fɔ mek dis man ya waka? Udat gi una?”

Matyu 21:23

Jizɔs go bak insay Gɔd in Os. Wɛn i bin de lan di pipul dɛn we bin lib de, nain di bigman dɛn we de mek sakrifays fɔ pipul sin ɛn di ɔda Ju bigman dɛn go aks am se, “Us rayt yu gɛt fɔ du dɛn tin ya, ɛn udat gi yu di rayt?”

Ɛzra 7:21

Mi, Kiŋ Atazaksis de gi ɔda to ɔl di trɛzhɔra dɛn na di wɛst pat na Riva Yufretis fɔ sɔplay ɛnitin we Ɛzra di man we de mek sakrifays fɔ pipul sin ɛn bukman, we no PAPA GƆD na ɛvin in Lɔ, want witawt dile.

Ɛzra 5:6

Dis na di lɛta we Gɔvna Tatɛnay, Shɛta-bozɛnay ɛn di ɔda ɔfisa dɛn na di wɛst pat na Riva Yufretis rayt to Kiŋ Dariɔs:

Ɛzra 4:12

Wi want di kiŋ fɔ no se di Ju dɛn we kɔmɔt Babilɔn we kam tap ya na Jerusɛlɛm dɔn bigin fɔ bil di siti. Mɛmba se dɛn pipul ya de biev lɛkɛ rebɛl ɛn na soso bad tin dɛn de du. Infakt dɛn bin dɔn le fawndeshɔn fɔ bil di siti wɔl ɛn i lɛf smɔl mɔ fɔ bil an dɔn.

Egay 1:1

Insay di mɔnt we mek siks, afta we Dariɔs bin dɔn bi kiŋ fɔ tu ia, PAPA GƆD tɔk to Egay na di fɔs de na da mɔnt de. I sɛn Egay to Zerubabɛl we na bin Shialtiɛl in bɔypikin ɛn na gɔvna na Juda. I sɛn am bak to Jɔshwa we na bin di bigman fɔ ɔl dɛn man we de mek sakrifays fɔ pipul sin ɛn na Jɛozedak in bɔypikin.

Ɛzra 4:9

“Frɔm Reum di gɔvna ɛn Shimshay, di sɛktri ɛn dɛn ɔfisa dɛn; frɔm di jɔj dɛn ɛn ɔl di ɔda bigman dɛn na Irɛk, Babilɔn ɛn Susa na Ilam,