Ɛzra 5:2 - Krio Fɔs Oli Baybul

² Zɛrubabɛl, dat na Shialtiɛl in bɔypikin ɛn Jɛshwa, dat na Jozadak in yon bɔypikin, bin lisin to wetin di prɔfɛt dɛn bin de se, so dɛn bigin fɔ bil PAPA GƆD in os bak na Jerusɛlɛm. PAPA GƆD in prɔfɛt dɛn bin de wit dɛn fɔ de ɛp dɛn.

Ɛzra 5:2 Referans Kwoze

Ɛzra 3:2

Nain Jozadak in bɔypikin Jɛshwa wit in kɔmpin man dɛn we de mek sakrifays ɛn Shialtiɛl in bɔypikin Zɛrubabɛl ɛn in famili bigin fɔ bil Izrɛl dɛn PAPA GƆD in ɔlta fɔ lɛ dɛn go de bɔn animal as sakrifays to PAPA GƆD de, jɛs lɛkɛ aw di lɔ we PAPA GƆD gi Mozis bin se.

Ɛzra 6:14

Di Ju bigman dɛn kɔntinyu fɔ du di wok lɛkɛ aw prɔfɛt Agay ɛn prɔfɛt Zɛkaraya, Ido in bɔypikin dɛn advays dɛn. Dɛn bil PAPA GƆD in os dɔn jɛs lɛkɛ aw Izrɛl dɛn PAPA GƆD bin se fɔ bil am ɛn aw Kiŋ Sayrɔs, Kiŋ Dariɔs ɛn Kiŋ Atazaksis, di kiŋ dɛn na Pashia bin se.

2 Kɔrint 1:24

Wi nɔ de tɛl una wetin una fɔ biliv, bikɔs una biliv pan Jizɔs traŋa wan. Wetin wi de du na fɔ ɛp una fɔ mek una gladi.

Zɛkaraya 6:11

I se, i fɔ kɔlɛkt silva ɛn gold frɔm dɛn we i fɔ tek mek krawn; dɔn i fɔ put di krawn na Jɔshwa we na Jɛozadak in bɔypikin in ed as di bigman fɔ dɛn man we de mek sakrifays fɔ pipul sin.

Ɛzra 10:18

Na dɛn man dɛn yaso bin mared fɔrina dɛn: Pan di man we de mek sakrifays fɔ pipul sin dɛn yon layn yu gɛt Jɛshwa, Jozadak in bɔypikin ɛn in brɔda dɛn: Maasɛya, Ɛliaza, Jarib ɛn Gɛdalaya.

Egay 2:18

I se frɔm da de de we na di twɛnti-fo de na di mɔnt we mek nayn, dɛn fɔ bigin de tink bɔt wetin gɛt fɔ apin. Frɔm di de we dɛn le fawndeshɔn fɔ PAPA GƆD in os, na fɔ de mɛmba dat.

Ɛzra 1:8

Di Kiŋ an ova ɔltin gi Mithrɛdath we na bin di trɛzhɔra, dɔn Mithrɛdath ol wetin dɛn gi am ɛn rayt am dɔŋ na pepa so dat Shɛshbaza, di man we fɔ bi gɔvna na Juda go si am.

Ɛzra 3:8

Dɛn bigin fɔ bil PAPA GƆD in os tu ia afta we dɛn bin dɔn tɔn bak na Jerusɛlɛm, ɛn nainsay di sɛkɛn mɔnt dɛn bigin fɔ bil am. Na Zɛrubabɛl, Shialtiɛl in bɔypikin, ɛn Jɛshwa, Jozadak in bɔypikin wit dɛn brɔda dɛn bigin fɔ bil PAPA GƆD in os. Di man we de mek sakrifays fɔ pipul sin ɛn di Livayt dɛnsɛf, ɛn ɔl dɛn wan we dɛn bin kapchɔ we tɔn bak na Jerusɛlɛm, dɛn ɔl put an fɔ bil PAPA GƆD in os. Dɛn mek ɔl dɛn Livayt we bin dɔn ol twɛnti ia ɛn dɛn wan we pas da ej de fɔ bi fɔman.

Zɛkaraya 4:4

Dɔn i aks di enjɛl we bin de tɔk to am se, wetin dɛnwande.

Zɛkaraya 4:14

Dɔn i se dɛn stand dɛn de fɔ di tu pipul we PAPA GƆD dɔn pik fɔ de wok na di wɔl fɔ am.

Zɛkaraya 8:9

PAPA GƆD se, lɛ dɛn nɔ givɔp. Dɛn fɔ pik zil as dɛn dɔn de yɛri ɔl wetin in prɔfɛt dɛn bin dɔn de tɔk frɔm di tɛm we dɛn li fawndeshɔn fɔ bil PAPA GƆD Ɔlmayti in os bak.