Ɛzra 4:5 - Krio Fɔs Oli Baybul

⁵ Dɛn aya masinari fɔ ɔndamayn di wok ɛn diskɔrej dɛn. Ɔl dis bi we Kiŋ Sayrɔs bin de rul Pashia, ɛn sɛf we Kiŋ Dariɔs in tek ova as kiŋ na Pashia, di sem tin kɔntinyu.

Ɛzra 4:5 Referans Kwoze

Neum 1:11

Na frɔm una sɔmbɔdi kɔmɔt we plan bad fɔ PAPA GƆD.

Ɛzra 5:5

Bɔt bikɔs PAPA GƆD in yay bin de oba dɛn, dat nɔ bin tap di Ju lida dɛn fɔ kɛri ɔn wit di wok na PAPA GƆD in os. So di pipul dɛn go ripɔt to Kiŋ Dariɔs, ɛn Dariɔs insɛf sɛn in riplay.

Ɛzra 4:24

Di wok pan PAPA GƆD in os na Jerusɛlɛm bin tap fɔs, ɛn dɛn nɔ du nɔn wok pan am te di sɛkɛn ia we Dariɔs bi Kiŋ na Pashia.

2 Kronikuls 22:4

I du wetin bad na PAPA GƆD in yay lɛk aw Eab ɛn in pipul bin du, bikɔs wɛn in papa day, na dɛn bin de advays am so te i pwɛl.

Ɛzra 4:4

So di pipul dɛnsɛf bigin ambɔg di Juda pipul dɛn as dɛn de du dɛn wok.

Ɛzra 4:6

We Kiŋ Zaksis bigin fɔ rul, Juda dɛn ɛnimi rayt am lɛta ɛn tɔk bad tin bɔt di pipul dɛn na Juda ɛn Jerusɛlɛm.

Daniɛl 10:13

Di prins we de na di Pashian kindɔm bin de fɛt mi fɔ twɛnti wande, bɔt Maykɛl, wan pan di akenjɛl dɛn, bin kan ɛp mi, so a lɛf an de wit di prins we de na di Pashian kindɔm,