Ɛzra 4:4 - Krio Fɔs Oli Baybul

⁴ So di pipul dɛnsɛf bigin ambɔg di Juda pipul dɛn as dɛn de du dɛn wok.

Ɛzra 4:4 Referans Kwoze

Ɛzra 3:3

Ivin we di Izrɛlayt dɛn bin de fred di ɔda pipul dɛn we bin dɔn de na di eria, dat nɔ tap dɛn fɔ bil di ɔlta na di say we i bin de fɔs. As dɛn bil di ɔlta dɔn so, dɛn bigin fɔ mek dɛn sakrifays to PAPA GƆD mɔnin ɛn ivin.

Jɛrimaya 38:4

Nain di bigman dɛn tɛl di kiŋ se, “Lɛ wi kil dis man, bikɔs i de pwɛl di soja man dɛn we lɛf na di siti, ɛn ɔl di pipul dɛn at wit da kayn wɔd de we i de tɛl dɛm. Bikɔs dis man nɔ de mɛmba fɔ di pipul dɛn sefti o, na dɛn day wan i want.”

Nɛimaya 6:9

Dɛn bin de tray fɔ skyad wi. Dɛn bin tink se dɛn go ebul fɔ mek wi fɛdɔp ɛn nɔ dɔn di wok we wi bin de du. So a pre mek PAPA GƆD gi mi kɔrej ɛn mɔ trɛnk.

Nɛimaya 4:11

Wi ɛnimi dɛnsɛf se, bifo wi de mekɔp, dɛn go dɔn dil wit wi dɔn kil wi ɛn tap di wok

2 Samiɛl 4:1

Wɛn Ishboshɛth we na Sɔl in bɔypikin yɛri se Abna dɔn day na Ɛbrɔn, i pwɛl at ɛn di Izrɛlayt dɛn shɔk.

Ɛzra 4:5

Dɛn aya masinari fɔ ɔndamayn di wok ɛn diskɔrej dɛn. Ɔl dis bi we Kiŋ Sayrɔs bin de rul Pashia, ɛn sɛf we Kiŋ Dariɔs in tek ova as kiŋ na Pashia, di sem tin kɔntinyu.

Nɛimaya 4:2

Usay ɔl in kɔmpin ɛn di sojaman dɛn we kɔmɔt Sameria de, nain i se “Wetin dɛn daydo Ju man tink se dɛn de du? Dɛn go ebul bil di wɔl bak? Dɛn go ebul mek sakrifays? Dɛn go tek wangren de fɔ dɔn di wok? Dɛn ston de we dɔn bɔn ɛn nyamanyama, wetin dɛn go ebul du wit dɛn?”

Daniɛl 10:13

Di prins we de na di Pashian kindɔm bin de fɛt mi fɔ twɛnti wande, bɔt Maykɛl, wan pan di akenjɛl dɛn, bin kan ɛp mi, so a lɛf an de wit di prins we de na di Pashian kindɔm,

Daniɛl 10:20

Nain i se, “Yu no wetin mek a kam to yu? Naw, a go go bak ɛn go fɛt di prins na Pashia. Wɛn a go dɔn dɔn wit am, datɛnde, di prins na Gris go kam.