Ɛzra 4:3 - Krio Fɔs Oli Baybul

³ Bɔt Zɛrubabɛl, Jɛshwa ɛn di big wan dɛn na di famili ansa dɛn se dɛn nɔ gɛt natin fɔ du pan di wok. Dɛn se dɛn nɔ gɛt nɔn say we dɛn go mitɔp. Dɛn tɛl dɛn se na dɛn nɔmɔ go bil os fɔ PAPA GƆD, Izrɛl dɛn GƆD, jɛs lɛkɛ aw nɔmɔ Kiŋ Sayrɔs na Pashia bin tɛl dɛn fɔ du.

Ɛzra 4:3 Referans Kwoze

Nɛimaya 2:20

Nain a tɛl dɛn se, “Di GƆD we de ɔp na ɛvin go gi wi viktri. Wi, we nain pikin dɛn go bigin bil bak, una nɔ gɛt biznɛs de bikɔs i nɔ gɛt fɔ bɛnifit una as una nɔ gɛt natin fɔ du wit wetin bi na Jerusɛlɛm.”

Apɔsul Dɛn Wok 8:21

Yu nɔto wan pan wi ɛn Gɔd si se yu at nɔ de fɔ am.

Matyu 10:16

“Una lisin, a de sɛn una go lɛkɛ ship midul wulf; una fɔ go kɛlɛkɛlɛ lɛkɛ aw snek de go kɛlɛkɛlɛ, una nɔ du ɛnibɔdi bad lɛkɛ aw dɔv nɔ de du ɛnibɔdi bad.

Ayzaya 45:4

Fɔseka Jekɔb we na mi wokman ɛn Izrɛl we a pik, A kɔl yu bay yu nem, a gi yu sɔn nem, ɔlwe yu nɔ no mi.

Ayzaya 44:28

we tɔk bɔt Sayrɔs se, ‘In na mi shɛpad, ɛn i go du ɔl wetin a plan’; I tɔk bɔt Jerusɛlɛm se, “Dɛn go bil am,’ ɛn bɔt di tɛmpul se, ‘Dɛn go le yu fawndeshɔn.’”

2 Kronikuls 36:22

Naw insay di fɔs ia we Sayrɔs bi kiŋ na Pashia mek PAPA GƆD in wɔd go bi we i tɔk wit Jɛrimaya in mɔt. I push di spirit pan Sayrɔs di Pashia kiŋ fɔ mek i mek anawnsmɛnt ɔlsay nain kindɔm ɛn rayt am se,

Jɔn 4:9

Di Sameria uman aks Jizɔs se, “Yu na Ju ɛn mi na uman we kɔmɔt Sameria. Wetin du yu de aks mi fɔ gi yu wata?” Di uman tɔk dat bikɔs di Ju ɛn di Sameria pipul dɛn nɔ gɛt natin fɔ du wit dɛn kɔmpin.

Ɛzra 1:1

Di fɔs ia we Kiŋ Sayrɔs bi kiŋ na Pashia, fɔ lɛ wetin PAPA GƆD bin mek Prɔfɛt Jɛrimaya bin tɔk bi, PAPA GƆD mek Kiŋ Sayrɔs mek lɔ, ɛn mek dɛn rayt am dɔŋ na pepa sɛn am go ɔlɔbɔt nain kindɔm.

Ɛzra 1:2

“Dis na wetin Kiŋ Sayrɔs na Pashia tɔk: ‘PAPA GƆD we na GƆD na ɛvin dɔn gi mi ɔl di kindɔm dɛn na di wɔl fɔ rul, ɛn i dɔn gi mi ɔda fɔ bil os fɔ am insay Jerusɛlɛm na Juda.

Ɛzra 3:8

Dɛn bigin fɔ bil PAPA GƆD in os tu ia afta we dɛn bin dɔn tɔn bak na Jerusɛlɛm, ɛn nainsay di sɛkɛn mɔnt dɛn bigin fɔ bil am. Na Zɛrubabɛl, Shialtiɛl in bɔypikin, ɛn Jɛshwa, Jozadak in bɔypikin wit dɛn brɔda dɛn bigin fɔ bil PAPA GƆD in os. Di man we de mek sakrifays fɔ pipul sin ɛn di Livayt dɛnsɛf, ɛn ɔl dɛn wan we dɛn bin kapchɔ we tɔn bak na Jerusɛlɛm, dɛn ɔl put an fɔ bil PAPA GƆD in os. Dɛn mek ɔl dɛn Livayt we bin dɔn ol twɛnti ia ɛn dɛn wan we pas da ej de fɔ bi fɔman.

Ɛzra 1:3

Mek PAPA GƆD de wit una we nain pipul dɛn; una fɔ go na Jerusɛlɛm fɔ go bil PAPA GƆD in os, PAPA GƆD we na Izrɛl dɛn GƆD we de na Jerusɛlɛm.