Ɛzra 4:2 - Krio Fɔs Oli Baybul

² dɛn go mit Zɛrubabɛl ɛn di big wan dɛn na di famili edman ɛn tɛl dɛn se, dɛnsɛf want jɔyn dɛn fɔ bil PAPA GƆD in os, bikɔs dɛn de wɔship Izrɛl dɛn GƆD lɛkɛ aw dɛnsɛf we na Izrɛlayt de wɔship am. Dɛn se na di sem GƆD dɛn bin de mek sakrifays to frɔm di tɛm we Kiŋ Ɛsaadɔn na Asiria bin kɛr dɛn go.

Ɛzra 4:2 Referans Kwoze

2 Kiŋ 19:37

Wande we i de nain gɔd Nisrɔk in os de wɔship am, in bɔypikin dɛn dat na Adramɛlɛk ɛn Sharɛza go mit am de kil am wit sɔd, dɔn dɛn rɔnawe go na Ararat. In ɔda bɔypikin we nem Ɛzaadɔn tek in ples ɛn bi kiŋ.

2 Kiŋ 17:24

Di kiŋ na Asiria pul pipul dɛn kɔmɔt na Babilɔn, Kutha, Ava, Amath ɛn Sɛfavaim ɛn kɛr dɛn go na di difrɛn siti dɛn na Sameria fɔ go tek di Izrɛlayt dɛn ples de. Na dɛn bin tap na ɔl di siti dɛn na Sameria.

Sɛkɛn Lɛta To Timoti 3:8

Lɛkɛ aw Janiz ɛn Jambriz nɔ bin de fɔ Mozis, na semwe so, dɛn man ya nɔ de fɔ di tru tin dɛn na pipul we nɔ de tink rayt ɛn nɔto di rayt tin dɛn biliv bɔt Gɔd.

Lɛta Fɔ Galeshya 2:4

pan ɔl we sɔm pipul bin want am fɔ du dat. Dɛn sem pipul ya bin de mek lɛkɛ se dɛn biliv pan Jizɔs Krays, dɛn bin kam miks wit wi fɔ wach wi bikɔs wi fri fɔ du ɛnitin we Gɔd want we wi gɛt wanwɔd wit Jizɔs Krays. Dɛn bin want fɔ lɛ wi bi slev ɔnda di Ju Lɔ,

Ozie 14:3

Tɛl am se Asiria nɔ ebul pul una pan trɔbul ɛn una nɔ go sidɔm pantap ɔs de blɔf igen Una nɔ go kɔl tin dɛn we una tek an mek, PAPA GƆD. Tɛl am se una no se nain de sɔri fɔ udat nɔ gɛt papa.

Ayzaya 37:37

So Kiŋ Sɛnakarib na Asiria tɔn bak go na Ninivɛ ɛn tap de.

Di Sam Dɛm 73:8

Dɛn de mek blɔf ɛn tɔk bɔt dɛn bad; dɔn dɛn de trɛtin pipul.

Ɛzra 3:12

Bɔt bɔku pan dɛn man we de mek sakrifays fɔ pipul sin we na olpa, ɛn dɛn Livayt dɛnsɛf we na opla, wit dɛn bigman dɛn we bin dɔn si di fɔs os bɔs big big kray we dɛn si dɛn le fawndeshɔn bak, bɔt di ɔda pipul dɛn bin gladi ɛn na so dɛn bin de ala.

Ɛzra 3:2

Nain Jozadak in bɔypikin Jɛshwa wit in kɔmpin man dɛn we de mek sakrifays ɛn Shialtiɛl in bɔypikin Zɛrubabɛl ɛn in famili bigin fɔ bil Izrɛl dɛn PAPA GƆD in ɔlta fɔ lɛ dɛn go de bɔn animal as sakrifays to PAPA GƆD de, jɛs lɛkɛ aw di lɔ we PAPA GƆD gi Mozis bin se.

Ɛzra 2:2

Di edman dɛn na Zɛrubabɛl, Jɛshwa, Nɛimaya, Sɛraya, Rilaya, Mɔdikay, Bilshan, Mispa, Bigvay, Reum ɛn Baana. Dɛn wan yaso kɔmɔt Izrɛl.

Ɛzra 1:5

Dɛn PAPA GƆD tɔch di edman dɛn fɔ Juda ɛn Bɛnjamin fambul dɛn at, ɛn di man we de mek sakrifays fɔ pipul sin ɛn di Livayt dɛnsɛf yon at fɔ lɛ dɛn go go na Jerusɛlɛm fɔ go bil in os.

2 Kiŋ 17:41

Ivin we dɛn bin de wɔship PAPA GƆD, dɛn bin de wɔship lay lay gɔd bak. Te tide dɛn pikin dɛn ɛn grampikin dɛn stil de wɔship lay lay gɔd lɛkɛ dɛn fɔstɛm-papa dɛn.

Jɛnɛsis 10:11

Frɔm de, i go na Asiria ɛn bil Ninivɛ, Rɛobɔt Ir, Kala,

Nɛimaya 9:32

“PAPA GƆD, yu na big big GƆD ɛn yu du fɔ fred. Yu na GƆD we de kip yu Kɔvinant wit wi ɛn yu nɔ de chenj yu lɔv fɔ wi. Nɔ mek lɛkɛ se di sɔfa we wi de sɔfa so nɔ min natin to yu. Dis sɔfa ya we wi Kiŋ ɛn bigman dɛn, dɛn man we de mek sakrifays fɔ wi sin dɛn, di prɔfɛt dɛn we na wi midul man dɛn to yu, wi papa dɛn ɛn ɔl di pipul dɛn de sɔfa bin dɔn de frɔm dɛn Asiria Kiŋ dɛn tɛm te tide.

Ayzaya 37:38

Wande we i de nain gɔd we nem Nisrɔk in os de wɔship am, in bɔypikin dɛn, dat na Edramɛlɛk ɛn Sharɛza go mit am de kil am wit sɔd, dɔn dɛn rɔnawe go na Ararat. In ɔda bɔypikin we nem Izaadɔn tek in ples ɛn bi kiŋ.