Ɛzra 4:1 - Krio Fɔs Oli Baybul

¹ We di pipul dɛn na Juda ɛn Bɛnjamin dɛn ɛnimi dɛn yɛri se dɛn wan we dɛn bin kapchɔ dɔn kam bak ɛn de bil Izrɛl dɛn GƆD we na PAPA GƆD in os bak,

Ɛzra 4:1 Referans Kwoze

Ɛzra 1:11

Ɔl ɛn ɔl na fayv tawzin, fo ɔndrɛd (5,400) gold ɛn silva tiŋs dɛn Shɛshbaza bin kɛr go na Jerusɛlɛm we i bin de go wit dɛn Ju we dɛn bin kech kɛr go na Babilɔn.

1 Kɔrint 16:9

Chans de na ya fɔ du big wok ɛn bɛtɛ wok fɔ Gɔd, pan ɔl we plɛnti pipul de we nɔ want mek di wok go bifo.

Daniɛl 9:25

A wan mek yu no ɛn ɔndastand se, frɔm di tɛm we dɛn tɔk se mek di pipul dɛn kam bak to PAPA GƆD ɛn bil Jerusɛlɛm, te di tɛm we di wan we dɛn dɔn anɔynt, we na prins, go kam, dat go bi sɛvin wik. Dɛn fɔ siksti tu wik dɛn go bil bak wit skwaya dɛn ɛn dip dip gɔta we go ful wit wata, bɔt i go bi tɛn we wahala go de.

Daniɛl 5:13

So dɛn briŋ Daniɛl kam bifo di kiŋ. Di kiŋ tɛl Daniɛl se, “Na yu na di Daniɛl we na wan pan di pipul, we di kiŋ, mi papa bin briŋ kɔmɔt Juda.”

Ɛzra 10:16

Ɛniwe, ɔlman bin gri to wetin dɛn ɔl se. So, Ɛzra di man we de mek sakrifays fɔ pipul sin, pik man dɛn frɔm di famili dɛn; i pik wan man frɔm ich famili ɛn rayt dɛn nem dɔŋ. Dɛn bigin du dɛn wok fɔ invɛstiget di mata di fɔs de insay di mɔnt we mek tɛn da ia de.

Ɛzra 10:7

Dɛn sɛn mɛsej ɔlɔbɔt na Juda ɛn Jerusɛlɛm se ɔl dɛn wan we na ritɔni we kɔmɔt Babilɔn fɔ go gɛda na Jerusɛlɛm;

Ɛzra 7:9

I lɛf Babilɔn di fɔs de insay di fɔs mɔnt ɛn rich Jerusɛlɛm di fɔs de na di mɔnt we mek fayv, ɛn PAPA GƆD bin de wit am.

Ɛzra 6:16

Dɔn di Izrɛlayt dɛn, di man we de mek sakrifays fɔ pipul sin dɛn, di Livayt dɛn, ɛn ɔl di ɔda pipul dɛn we bin dɔn tɔn bak we kɔmɔt na Babilɔn dɛdiket PAPA GƆD in os, ɛn na so dɛn bin gladi.

Ɛzra 3:13

Di nɔys bin so plɛnti dat pipul dɛn nɔ bin ebul fɔ tɛl udat de kray frɔm udat gladi. Dɛn wan dɛn we bin de fawe sɛf yɛri di nɔys.