Ɛzra 3:2 - Krio Fɔs Oli Baybul

² Nain Jozadak in bɔypikin Jɛshwa wit in kɔmpin man dɛn we de mek sakrifays ɛn Shialtiɛl in bɔypikin Zɛrubabɛl ɛn in famili bigin fɔ bil Izrɛl dɛn PAPA GƆD in ɔlta fɔ lɛ dɛn go de bɔn animal as sakrifays to PAPA GƆD de, jɛs lɛkɛ aw di lɔ we PAPA GƆD gi Mozis bin se.

Ɛzra 3:2 Referans Kwoze

Lyuk 3:27

Joda in papa bin nem Joe nan, Joe nan in papa bin nem Resa, Resa in papa bin nem Zɛrubabɛl, Zɛrubabɛl in papa bin nem Shiɛltiɛl, Shiɛltiɛl in papa bin nem Niray,

Egay 1:1

Insay di mɔnt we mek siks, afta we Dariɔs bin dɔn bi kiŋ fɔ tu ia, PAPA GƆD tɔk to Egay na di fɔs de na da mɔnt de. I sɛn Egay to Zerubabɛl we na bin Shialtiɛl in bɔypikin ɛn na gɔvna na Juda. I sɛn am bak to Jɔshwa we na bin di bigman fɔ ɔl dɛn man we de mek sakrifays fɔ pipul sin ɛn na Jɛozedak in bɔypikin.

Ɛzra 2:2

Di edman dɛn na Zɛrubabɛl, Jɛshwa, Nɛimaya, Sɛraya, Rilaya, Mɔdikay, Bilshan, Mispa, Bigvay, Reum ɛn Baana. Dɛn wan yaso kɔmɔt Izrɛl.

1 Kronikuls 3:17

Jɛoiachin we dɛn kapchɔ in bɔypikin dɛm: In bɔypikin Shɛaltiɛl,

Zɛkaraya 6:11

I se, i fɔ kɔlɛkt silva ɛn gold frɔm dɛn we i fɔ tek mek krawn; dɔn i fɔ put di krawn na Jɔshwa we na Jɛozadak in bɔypikin in ed as di bigman fɔ dɛn man we de mek sakrifays fɔ pipul sin.

Zɛkaraya 3:8

I tɛl Jɔshwa we na di bigman fɔ dɛn man we de mek sakrifays fɔ pipul sin ɛn ɔl in padi dɛn we de wit am se, dɛn na gud man dɛn bɔt i go sɛn di pɔsin we go tɔk fɔ am we dɛn go kɔl di Branch.

Zɛkaraya 3:1

Dɛn i si Jɔshwa we na di bigman fɔ dɛn man we de mek sakrifays fɔ pipul sin tinap bifo di enjɛl, dɔn Setan in tinap nia am fɔ le in kɔmplen.

Egay 2:23

PAPA GƆD Ɔlmayti se fɔ tɛl Zɛrubabɛl we nain wokman ɛn we na Shialtiɛl in bɔypikin se, in PAPA GƆD se, na da de de i go mek i tan lɛk riŋ we dɛn de tek sayn, fɔ sho se i gɛt pawa, bikɔs nain PAPA GƆD Ɔlmayti dɔn pik am.

Egay 2:21

I tɛl Egeay fɔ tɛl Zɛrubabɛl we na gɔvna na Juda se, in, PAPA GƆD dɔn rɛdi fɔ shek ɛvin ɛn ath,

Egay 1:14

PAPA GƆD mek Zɛrubabɛl we na gɔvna ɛn na Shialtiɛl in bɔypikin, Jɔshwa we na di bigman fɔ ɔl dɛn man we de mek sakrifays fɔ pipul sin ɛn Jɛozedak in bɔypikin, pik zil, jɔyn am wit di zil we di balans pipul dɛnsɛf gɛt, ɛn bigin wok fɔ bil PAPA GƆD we na dɛn PAPA GƆD Ɔlmayti, in os bak.

Egay 1:12

Zɛrubabɛl we na Shialtiɛl in bɔypikin ɛn Jɔshwa we na Jɛozedak in bɔypikin ɛn di bigman fɔ ɔl dɛn man we de mek sakrifays pipul sin wit ɔl di balans pipul obe Papa GƆD we na dɛn PAPA GƆD ɛn du wetin Egay we i sɛn, se, bikɔs dɛn de fred ɛn rɛspɛkt PAPA GƆD.

Di Sam Dɛm 78:68

I chuz Juda in pipul ples, as na de Mawnt Zayɔn we i lɛk, de.

Nɛimaya 12:8

Di Livayt dɛn na Jɛshwa, Binyui, Kadmiɛl, Shɛrɛbaya, Juda ɛn Matanaya sɛf we in ɛn in yon pipul dɛn we bin de nia am, bin de inchaj ɔf di siŋ dɛn we dɛn de siŋ fɔ tɛl PAPA GƆD tɛnki.

Nɛimaya 12:1

Dis na di man dɛn we de mek sakrifays fɔ pipul sin ɛn dɛn Livayt we tɔn bak wit Zɛrubabɛl we na Oyialtiɛl in bɔypikin ɛn wit Jɛshwa: Seraya, Jɛrimaya, Ɛzra,

2 Kronikuls 6:6

bɔt a dɔn pik Jerusɛlɛm so dat mi nem go de de, ɛn na Devid a dɔn pik fɔ de oba Izrɛl, we na mi pipul dɛn.’

1 Kronikuls 3:19

Pɛdaya in yon bɔypikin dɛm: Zerubabɛl ɛn Shimɛi; ɛn Zerubabɛl in bɔypikin dɛm: Meshulam ɛn Ananaya, ɛn Shelomit na bin dɛn sista;

Ɛksodɔs 27:1

PAPA GƆD tɔk to Mozis bak. I se, “Tek akeshia bod bil ɔlta. I fɔ gɛt skwaya shep. I fɔ bi sɛvin ɛn af fut.

Ɛzra 3:8

Dɛn bigin fɔ bil PAPA GƆD in os tu ia afta we dɛn bin dɔn tɔn bak na Jerusɛlɛm, ɛn nainsay di sɛkɛn mɔnt dɛn bigin fɔ bil am. Na Zɛrubabɛl, Shialtiɛl in bɔypikin, ɛn Jɛshwa, Jozadak in bɔypikin wit dɛn brɔda dɛn bigin fɔ bil PAPA GƆD in os. Di man we de mek sakrifays fɔ pipul sin ɛn di Livayt dɛnsɛf, ɛn ɔl dɛn wan we dɛn bin kapchɔ we tɔn bak na Jerusɛlɛm, dɛn ɔl put an fɔ bil PAPA GƆD in os. Dɛn mek ɔl dɛn Livayt we bin dɔn ol twɛnti ia ɛn dɛn wan we pas da ej de fɔ bi fɔman.

Ɛzra 5:2

Zɛrubabɛl, dat na Shialtiɛl in bɔypikin ɛn Jɛshwa, dat na Jozadak in yon bɔypikin, bin lisin to wetin di prɔfɛt dɛn bin de se, so dɛn bigin fɔ bil PAPA GƆD in os bak na Jerusɛlɛm. PAPA GƆD in prɔfɛt dɛn bin de wit dɛn fɔ de ɛp dɛn.

Jɛnɛsis 12:7

PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Di Nɔmba Dɛm 28:2

“Gi di Izrɛlayt dɛn dis ɔda. Tɛl dɛn se dɛn fɔ mek shɔ se di tɛm we a dɔn se, nain dɛn fɔ bɔn it as sakrifays to mi we go pul fayn sɛnt we go mek a gladi.

Di Jɔj Dɛm 6:24

So Gidiɔn bil wan ɔlta de fɔ PAPA GƆD ɛn kɔl am, PAPA GƆD na pis. I de te tide na Ofrɔ we blant di Abieza famili.

1 Kronikuls 23:14

Bɔt dɛn bin put Mozis we na Man ɔf Gɔd, in bɔypikin dɛm dɛn nem wit di Livay fambul.

Ɛzra 10:18

Na dɛn man dɛn yaso bin mared fɔrina dɛn: Pan di man we de mek sakrifays fɔ pipul sin dɛn yon layn yu gɛt Jɛshwa, Jozadak in bɔypikin ɛn in brɔda dɛn: Maasɛya, Ɛliaza, Jarib ɛn Gɛdalaya.

Ɛzra 10:20

Pan Ima in yon famili layn yu gɛt Anani ɛn Zɛbadaya.

Ɛzra 10:21

Pan Arim in yon famili layn yu gɛt Maasɛya, Ilayja, Shɛmaya, Jeayɛl ɛn Uzaya.

Ɛzra 10:22

Pan Pashɔ in yon famili layn yu gɛt Ɛlionay, Maasɛya, Ishmɛl, Netanɛl, Jozabad, ɛn Ɛlasa.