Ɛzra 3:1 - Krio Fɔs Oli Baybul

¹ Insay di mɔnt we mek sɛvin na di ia, ɔl di Izrɛlayt dɛn bin dɔn sɛtul dɔŋ. Dɛn ɔl go gɛda lɛkɛ wan pɔsin na Jerusɛlɛm.

Ɛzra 3:1 Referans Kwoze

1 Kɔrint 1:10

Mi Kristiɛn brɔda dɛn, a tek Jizɔs Krays, wi Masta, in nem, beg una mek una ɔl gɛt wanwɔd, mek una nɔ sheb sheb; una ɔl fɔ biliv di sem tin ɛn mekɔp fɔ du di sem tin.

Apɔsul Dɛn Wok 4:32

Ɔl dɛn wan we bin biliv Jizɔs bin gɛt wanwɔd ɛn wan at. Nɔbɔdi nɔ bin de se, “Na mi wangren gɛt mi prɔpati”, bɔt ɔlman bin de sheb wetin i gɛt wit di ɔda pipul dɛn.

Lɛvitikɔs 23:24

mek i tɛl di Izrɛlayt dɛn se, na di fɔs de na di mɔnt we mek sɛvin, fɔ blo pan ɔltin, fɔ blo trɔmpɛt dɛn we go kɔl ɔlman fɔ gɛda fɔ wɔship PAPA GƆD.

Apɔsul Dɛn Wok 2:46

Di pipul dɛn kin mit na Gɔd in Os ɔltɛm fɔ pre ɛn wɛn dɛn dɔn, dɛn kin go na dɛn kɔmpin os fɔ it, ɛn ɔlman kin gladi fɔ sheb in it wit in kɔmpin.

Zɛfinaya 3:9

Dat tɛm de dɛn ɔl go de tɔk wan laŋwej, dat na fɔ de pre to PAPA GƆD nɔmɔ wit ɔl dɛn at ɛn du wetin i want.

Nɛimaya 8:14

Dɛn fɛnɔt se, dɛn rayt na di lɔ we PAPA GƆD gi Mozis se, di tɛm fɔ da fɛstival we dɛn kin de mek na di mɔnt we mek sɛvin, ɔl di Izrɛlayt dɛn fɔ go tap na kamp,

Nɛimaya 7:73

Di man dɛn we de mek sakrifays fɔ pipul sin, di Livayt dɛn, di get kipa dɛn, dɛn wan we de siŋ, wokman dɛn na PAPA GƆD in os wit sɔm ɔda pipul ɛn di balans Izrɛlayt dɛn sɛtul dɔŋ na dɛn yon siti dɛn.”

Di Jɔj Dɛm 20:1

Ɔl di pipul dɛn na Izrɛl, dat na frɔm Dan to Biashiba ɛn Giliad, gɛda wit wanwɔd bifo PAPA GƆD na Mizpa.

Lɛvitikɔs 16:29

PAPA GƆD se dat fɔ bi lɔ na ɔl in jɛnareshɔn dɛn, dat na di nɔmba tɛn de na di mɔnt we mek sɛvin, dɛn fɔ fast ɛn nɔ du ɛni wok, wɛda na de dɛn bɔn ɔ dɛn na trenja;

Nɛimaya 8:1

Bay di tɛm we di mɔnt we mek sɛvin de kam ɔl di Izrɛlayt dɔn sɛtul na dɛn difrɛn siti dɛn, ɔl di pipul dɛn gɛda wan ples, lɛkɛ wan pɔsin, na di bare we de bifo di Wata Get. Dɛn tɛl Ɛzra, di Ju Lɔ ticha fɔ pul di buk we dɛn rayt di lɔ we PAPA GƆD gi Mɔzis fɔ Izrɛl kɔmɔt na do.

Ditarɔnɔmi 16:16

Mozis ɛksplen tɛl di pipul dɛn se ɔl di man dɛn na Izrɛl fɔ go tri tɛm fɔ ia na di ples we PAPA GƆD go pik fɔ wɔship ɛn mek sakrifays to am; di fɔs wan na di tɛm fɔ di Pasova Fɛstival, di sɛkɛn wan na di tɛm fɔ di Avɛst Fɛstival ɛn di tɔd wan na di tɛm fɔ mɛmba we dɛn bin tap na bafa. Ɔlman fɔ kɛr sɔntin go fɔ go gi PAPA GƆD.

Nɛimaya 7:72

Di total we di balans pipul dɛn gi na 20,000 gold kɔpɔ, 2,000 silva kɔpɔ ɛn 67 klos fɔ dɛn man we de mek sakrifays fɔ pipul sin.