Ɛzra 2:2 - Krio Fɔs Oli Baybul

² Di edman dɛn na Zɛrubabɛl, Jɛshwa, Nɛimaya, Sɛraya, Rilaya, Mɔdikay, Bilshan, Mispa, Bigvay, Reum ɛn Baana. Dɛn wan yaso kɔmɔt Izrɛl.

Ɛzra 2:2 Referans Kwoze

Egay 2:4

I se PAPA GƆD se Zɛrubabɛl nɔ fɔ pwɛlat, Jɔshwa, we na Jɛozedak in bɔypikin ɛn na di bigman fɔ dɛn man we de mek sakrifays fɔ pipul sin, insɛf nɔ fɔ pwɛlat wit ɔl di ɔda pipul na di land. PAPA GƆD se dɛn fɔ jɛs du di wok bikɔs in PAPA GƆD de wit dɛn,

Egay 1:14

PAPA GƆD mek Zɛrubabɛl we na gɔvna ɛn na Shialtiɛl in bɔypikin, Jɔshwa we na di bigman fɔ ɔl dɛn man we de mek sakrifays fɔ pipul sin ɛn Jɛozedak in bɔypikin, pik zil, jɔyn am wit di zil we di balans pipul dɛnsɛf gɛt, ɛn bigin wok fɔ bil PAPA GƆD we na dɛn PAPA GƆD Ɔlmayti, in os bak.

Egay 1:12

Zɛrubabɛl we na Shialtiɛl in bɔypikin ɛn Jɔshwa we na Jɛozedak in bɔypikin ɛn di bigman fɔ ɔl dɛn man we de mek sakrifays pipul sin wit ɔl di balans pipul obe Papa GƆD we na dɛn PAPA GƆD ɛn du wetin Egay we i sɛn, se, bikɔs dɛn de fred ɛn rɛspɛkt PAPA GƆD.

Nɛimaya 7:7

Di edman dɛn na Zɛrubabɛl, Jɛshwa, Nɛimaya, Azaraya, Raamaya, Naamani, Mɔdikay, Bilshan, Mispɛrɛth, Bigvay, Neɔm ɛn Baana. Na dɛnwanyaso kɔmɔt Izrɛl:

Zɛkaraya 3:3

Da tɛm de, Jɔshwa bin wɛr dɔti klos tinap bifo di enjɛl.

Zɛkaraya 3:1

Dɛn i si Jɔshwa we na di bigman fɔ dɛn man we de mek sakrifays fɔ pipul sin tinap bifo di enjɛl, dɔn Setan in tinap nia am fɔ le in kɔmplen.

Egay 2:21

I tɛl Egeay fɔ tɛl Zɛrubabɛl we na gɔvna na Juda se, in, PAPA GƆD dɔn rɛdi fɔ shek ɛvin ɛn ath,

Egay 2:2

I tɛl Egeay fɔ aks Zɛrubabɛl we na Shialtiɛl in bɔypikin ɛn na di gɔvna na Juda, Jɔshwa we na Jɛozedak in yon bɔypikin ɛn na di bigman fɔ dɛn man we de mek sakrifays fɔ pipul sin, ɛn ɔl di balans pipul se,

Egay 1:1

Insay di mɔnt we mek siks, afta we Dariɔs bin dɔn bi kiŋ fɔ tu ia, PAPA GƆD tɔk to Egay na di fɔs de na da mɔnt de. I sɛn Egay to Zerubabɛl we na bin Shialtiɛl in bɔypikin ɛn na gɔvna na Juda. I sɛn am bak to Jɔshwa we na bin di bigman fɔ ɔl dɛn man we de mek sakrifays fɔ pipul sin ɛn na Jɛozedak in bɔypikin.

Ɛzra 5:2

Zɛrubabɛl, dat na Shialtiɛl in bɔypikin ɛn Jɛshwa, dat na Jozadak in yon bɔypikin, bin lisin to wetin di prɔfɛt dɛn bin de se, so dɛn bigin fɔ bil PAPA GƆD in os bak na Jerusɛlɛm. PAPA GƆD in prɔfɛt dɛn bin de wit dɛn fɔ de ɛp dɛn.

Ɛzra 4:8

Gɔvna Reum ɛn di sɛktri Shimshay dɛnsɛf rayt bad lɛta bɔt Jerusɛlɛm to Kiŋ Atazaksis. Dɛn rayt se,

Ɛzra 4:3

Bɔt Zɛrubabɛl, Jɛshwa ɛn di big wan dɛn na di famili ansa dɛn se dɛn nɔ gɛt natin fɔ du pan di wok. Dɛn se dɛn nɔ gɛt nɔn say we dɛn go mitɔp. Dɛn tɛl dɛn se na dɛn nɔmɔ go bil os fɔ PAPA GƆD, Izrɛl dɛn GƆD, jɛs lɛkɛ aw nɔmɔ Kiŋ Sayrɔs na Pashia bin tɛl dɛn fɔ du.

Ɛzra 1:11

Ɔl ɛn ɔl na fayv tawzin, fo ɔndrɛd (5,400) gold ɛn silva tiŋs dɛn Shɛshbaza bin kɛr go na Jerusɛlɛm we i bin de go wit dɛn Ju we dɛn bin kech kɛr go na Babilɔn.

Ɛzra 2:1

Na dɛn wan ya na di pipul dɛn we bin de na Babilɔn usay Kiŋ Nɛbyukadnɛza bin kech dɛn ɛn kɛr dɛn go we kam bak na Jerusɛlɛm ɛn Juda. Bɔt ɔlman go nain yon siti usay i bin kɔmɔt.

Ɛzra 2:3

2,172 Kɔmɔt na Parɔsh in famili layn

Ɛzra 3:2

Nain Jozadak in bɔypikin Jɛshwa wit in kɔmpin man dɛn we de mek sakrifays ɛn Shialtiɛl in bɔypikin Zɛrubabɛl ɛn in famili bigin fɔ bil Izrɛl dɛn PAPA GƆD in ɔlta fɔ lɛ dɛn go de bɔn animal as sakrifays to PAPA GƆD de, jɛs lɛkɛ aw di lɔ we PAPA GƆD gi Mozis bin se.

Ɛzra 1:8

Di Kiŋ an ova ɔltin gi Mithrɛdath we na bin di trɛzhɔra, dɔn Mithrɛdath ol wetin dɛn gi am ɛn rayt am dɔŋ na pepa so dat Shɛshbaza, di man we fɔ bi gɔvna na Juda go si am.

Ɛzra 8:1

Dɛn pipul yaso na di big wan dɛn na dɛn famili ɛn di wan dɛn we rɛjista wit dɛn, we lɛf Babilɔn wit mi, di tɛm we Atazaksis na bin Kiŋ:

Nɛimaya 10:15

Buni, Azgad, Bibay,

Nɛimaya 12:47

So, naw, we Zɛrubabɛl ɛn Nɛimaya de, ɔlman na Izrɛl de kɔntribyut fɔ lɛ di wan dɛn we de siŋ ɛn di getman dɛn gɛt wetin dɛn de it ɛvride. Dɛn kin kip sɔm fɔ di Livayt dɛn, na kɔna, dɔn di Livayt dɛn kin kip Erɔn in jɛnareshɔn dɛn yon na kɔna.