Ɛzra 2:1 - Krio Fɔs Oli Baybul

¹ Na dɛn wan ya na di pipul dɛn we bin de na Babilɔn usay Kiŋ Nɛbyukadnɛza bin kech dɛn ɛn kɛr dɛn go we kam bak na Jerusɛlɛm ɛn Juda. Bɔt ɔlman go nain yon siti usay i bin kɔmɔt.

Ɛzra 2:1 Referans Kwoze

2 Kiŋ 25:11

dɔn i kech ɔl di pipul dɛn we bin lɛf kɛr dɛn go Babilɔn. I kɛr ɔl dɛn ɔda wan dɛn we bin dɔn krɔs go fɔs oba to usay di kiŋ bin de.

Apɔsul Dɛn Wok 23:34

Di gɔvna rid di lɛta, i aks uspat na di kɔntri Pɔl kɔmɔt. Wɛn i no se na Silishia i kɔmɔt,

Zɛfinaya 2:7

Na nia di watasay de di wan dɛn we nɔ day na Juda in fambul layn go tap, ɛn na de dɛn go go fɔ mɛn dɛn ship ɛn got dɛn. Dɔn na di os dɛn na Ashkɛlɔn, dɛn go de slip ivintɛm. PAPA GƆD, dɛn PAPA GƆD go mɛmba dɛn ɛn gi dɛn ɔl wetin dɛn bin dɔn lɔs bak.

Lamɛnteshɔn 4:22

Zayɔn in gyal pikin, di pɔnishmɛnt we una fɔ gɛt fɔ di bad tin dɛn we una du, una dɔn gɛt am dɔn, i nɔ go mek una de ɛgzayl igen; bɔt yu Idɔn in gyal pikin, i go pɔnish una fɔ di bad tin dɛn we una de du i nɔ go ayd una sin dɛn.

Lamɛnteshɔn 1:5

In ɛnimi dɛn dɔn bi in masta, in ɛnimi dɛn de go bifo, bikɔs PAPA GƆD dɔn mek i de sɔfa fɔ di bɔku sin dɛn we i dɔn kɔmit; dɛn dɔn kapchɔ ɛn kɛr in pikin dɛn go, as prizina dɛn na wa to dɛn ɛnimi.

Lamɛnteshɔn 1:3

Juda dɔn go ɛgzayl bikɔs dɛn trit am bad ɛn gi am traŋa traŋa wok; naw i tap wit fɔrin pipul dɛn, bɔt nɔ gɛt blo blo; ɛnimi dɛn de ɔlsay ɔl we i de sɔfa so.

Ɛsta 8:9

Dɛn kɔl di kiŋ in sɛktri dɛn insay di twɛnti-tri de na di tɔd mɔnt we nem Sivan ɛn dɛn rayt di mɛsej we Mɔdikay se bɔt di Ju dɛn, fɔ di gɔvna ɛn ɔda bigman dɛn frɔm India te rich Ithiopia dat na wan ɔndrɛd ɛn twɛnti-sɛvin prɔvins. Ɔl di prɔvins dɛn gɛt dɛn yon lɛta na di laŋwej we di pipul go ɔndastand ɛn di Ju dɛnsɛf gɛt dɛn yon lɛta na dɛn laŋwej.

Ɛsta 1:11

fɔ kɔl Kwin Vashti ɛn i fɔ wɛr in krawn so dat i kin sho ɔlman aw i fayn, bikɔs na uman we fayn fɔ luk.

Ɛsta 1:8

Lɔ nɔ bin de pan di rɔm; di kiŋ tɛl in wokman dɛn na di kiŋ os se ɔlman fri fɔ drink ɔmɔs i ebul.

Ɛsta 1:3

Na bin di tɛm we i bin dɔn bi kiŋ fɔ tri ia, i mek pati fɔ in bigman dɛn, wokman dɛn ɛn di ami chif dɛn we de na Pashia ɛn Mɛdia, wit di aristo dɛn ɛn di gɔvna dɛn we de usay i de rul.

Ɛsta 1:1

Di tɛm we Kiŋ Zaksis we dɛn kin kɔl Aesuerɔs, bin de rul frɔm India te rich Ithiopia, i bin gɛt wan ɔndrɛd ɛn twɛnti-sɛvin prɔvins ɔnda am,

Ɛzra 6:2

Na Ɛkbatana we de na di Mɛdia Prɔvins na de dɛn go fɛn wan skrol we dɛn bin rayt pan, we se: Mɛmorandɔm:

Ɛzra 5:8

“Wi de ripɔt to yu se we wi go na Juda, wi mit di pipul dɛn de bil di Gret PAPA GƆD in os wit big big ston dɛn ɛn na timba dɛn dɛn bin de put insay di wɔl. Dis wok yaso sa, de go ɔn fast ɛn di pipul dɛn de du am wit ɔl dɛn trɛnk ɛn sabi.

Ɛzra 1:11

Ɔl ɛn ɔl na fayv tawzin, fo ɔndrɛd (5,400) gold ɛn silva tiŋs dɛn Shɛshbaza bin kɛr go na Jerusɛlɛm we i bin de go wit dɛn Ju we dɛn bin kech kɛr go na Babilɔn.

Ɛzra 2:2

Di edman dɛn na Zɛrubabɛl, Jɛshwa, Nɛimaya, Sɛraya, Rilaya, Mɔdikay, Bilshan, Mispa, Bigvay, Reum ɛn Baana. Dɛn wan yaso kɔmɔt Izrɛl.

Ɛzra 8:35

Di pipul dɛn we tɔn bak mek bɔn animal dɛn as sakrifays to Izrɛl dɛn GƆD. Dɛn kil twɛlv man kaw fɔ di wanol kɔntri Izrɛl, naynti-siks bigman ship ɛn sɛvinti-sɛvin yɔŋ man ship, ɛn twɛlv man got fɔ bɔn as sakrifays fɔ dɛn sin.

Nɛimaya 12:1

Dis na di man dɛn we de mek sakrifays fɔ pipul sin ɛn dɛn Livayt we tɔn bak wit Zɛrubabɛl we na Oyialtiɛl in bɔypikin ɛn wit Jɛshwa: Seraya, Jɛrimaya, Ɛzra,

1 Kronikuls 9:1

Dɛn bin rayt ɔlman na Izrɛl dɛn nem bay aw dɛn bɔn ɛn udat bɔn dɛm; dɛn rayt dɛn na di buk we dɛn rayt bɔt di kiŋ dɛn we rul Izrɛl. Dɛn bin kɛr di pipul dɛn na Juda go ɛgzayl na Babilɔn fɔ seka we dɛn nɔ bin de waka tret wit PAPA GƆD.

1 Kronikuls 9:2

Di fɔs pipul dɛn fɔ tɔn bak go tap na dɛn prɔpati dɛn na dɛn siti na bin di Izrɛlayt dɛn, di man dɛn we de mek sakrifays fɔ pipul sin, di Livayt dɛm ɛn di man dɛn we de wok na di tɛmpul.

Ɛzra 2:70

So di man dɛn we de mek sakrifays, di Livayt dɛn ɛn sɔm ɔda pipul dɛn tap na Jerusɛlɛm ɛn di siti dɛn we de nia; dɔn di wan dɛn we de siŋ, di getman dɛn ɛn di wokman dɛn na PAPA GƆD in os go tap na dɛn yon siti.

Ayzaya 48:20

Una kɔmɔt na Babilɔn, una rɔnawe kɔmɔt na Chaldia, tɔk dis wit jɔy, anawns am ɔlsay, sɛn di wɔd go usay di wɔl tap; tɔk se, “PAPA GƆD dɔn bay in wokman Jekɔb bak.”

Jɛrimaya 50:19

A go mek Izrɛl go bak na dɛn land, ɛn i go it na Mawnt Kamɛl ɛn na Beshan, ɛn dɛn go gɛt ɔl wetin dɛn want na di il dɛm na Ifrem ɛn na Giliad.