Ɛzra 10:1 - Krio Fɔs Oli Baybul

¹ We Ɛzra lidɔm na grɔn bifo PAPA GƆD in os de pre to PAPA GƆD wit kray ɛn de kɔnfɛs dɛn sin, big big krawd frɔm di Izrɛlayt dɛn kam gɛda pan am - man, uman ɛn pikin, dɛn ɔl bin de kray bita bita wan.

Ɛzra 10:1 Referans Kwoze

Daniɛl 9:20

We a bin de tɔk ɛn pre, de beg PAPA GƆD fɔ mi ɛn mi pipul dɛm we na Izrɛl, dɛn sin, ɛn bin de put mi kes bifo PAPA GƆD we na mi Gɔd fɔseka mi Gɔd in oli il;

Di Sam Dɛm 119:136

Wata kin kɔmɔt na mi yay we a si aw pipul de disobe yu lɔ dɛn.

Lɛta Fɔ Rom 9:2

A sɔri bad bad fɔ mi pipul dɛn ɛn di pen we a de fil na mi at fɔ dɛn, nɔ go dɔn;

1 Kiŋ 8:30

“Duya ansa mi prea, ɛn di pipul dɛnsɛf yon prea wɛn dɛn kam na dis os fɔ pre. Usay yu de na yu os na ɛvin, ansa wi prea ɛn fɔgiv wi.

Lyuk 19:41

Wɛn Jizɔs rich klos Jerusɛlɛm, as i si di tɔŋ so, i bigin kray fɔ am.

Nɛimaya 8:9

Di gɔvna, Nɛimaya ɛn Ɛzra, we na di Ju Lɔ ticha ɛn na wan pan di man dɛn we kin mek sakrifays fɔ pipul sin ɛn di Livayt dɛn bin de ɛksplen tɛl di pipul mek dɛn nɔ fil bad. Dɛn bin wan kray we dɛn yɛri wetin di lɔ se. Dɛn tɛl di pipul dɛn se, “Tide na de we Oli to PAPA GƆD, wi GƆD. Una nɔ fɔ fil bad ɛn kray.”

Zɛkaraya 12:10

I se in go gi Devid in os ɛn ɔl udat de na Jerusɛlɛm, sɔri-at fɔ de pre fɔ pipul so dat wɛn dɛn luk di wan we dɛn chuk, dɛn go sɔri fɔ am lɛk aw mama de sɔri fɔ in waŋren pikin, ɛn kray bita kray pan am lɛk aw mama de kray pan in fɔs pikin.

Nɛimaya 10:28

Di balans pipul dɛn, dat na sɔm pan di man dɛn we de mek sakrifays fɔ pipul sin dɛn, sɔm Livayt dɛn, di getman dɛn, dɛn wan dɛn we de siŋ, dɛn wokman na PAPA GƆD in os ɛn ɔl udat bin sɛpret dɛnsɛf frɔm di fɔrina dɛn bikɔs ɔf wetin PAPA GƆD in lɔ se, dɛn wɛf ɛn bɔy ɛn gyal pikin dɛn, we ebul ɔndastand,

2 Kronikuls 20:9

“If bad tin apin to wi, lɛk wa, ɔ PAPA GƆD in jɔjmɛnt, ɔ we dɛn bad bad sik kin kech bɔku bɔku pipul, ɔ we aŋri de bad bad wan, wi go tinap bifo dis os ɛn bifo yu, bikɔs na ya yu de, ɛn kray to yu we trɔbul mit wit wi, ɛn yu go yɛri wi ɛn sev wi.

Ozie 14:2

Una pre to am ɛn kam bak to PAPA GƆD. Una tɛl am ɔl wetin una dɔn du ɛn beg am fɔ sɔri fɔ una ɛn ansa una prea dɔn una go prez am.

Jɛrimaya 13:17

Bɔt if una nɔ gri lisin, mi sol go kray sikrit wan fɔ di prawd we una de mek; mi yay dɛn go kray bita bita wan, ɛn de rɔn wata bikɔs dɛn dɔn kɛr PAPA GƆD in ship dɛn go mek slev.

Jɛrimaya 9:1

If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!

Di Sam Dɛm 32:5

A gri se a bin de mek rebɛl pan PAPA GƆD ɛn kɔnfɛs mi sin. A mekɔp mi maynd ɛn se “A mɔs kɔnfɛs mi sin to PAPA GƆD.” Wɛn a du am, yu fɔgiv mi ɛn nɔ pɔnish mi igen

1 Kiŋ 9:3

I se, “A dɔn yɛri yu prea ɛn ɔl wetin yu dɔn tɛl mi; a dɔn kɔnsikret di os we yu bil ɛn na de una go de wɔship mi. Mi at de de ɛn a go de wach am.

Apɔsul Dɛn Wok 21:5

Bɔt wɛn di tɛm rich fɔ kɔmɔt Taya, dɛn ɔl, man, wɛf, ɛn pikin go lɛf wi na rod wɛn wi de go. Wɛn wi rich na di sho, wi ɔl nil dɔŋ ɛn pre.

Apɔsul Dɛn Wok 10:30

Kɔnilyɔs ansa se, “I dɔn tek fo dez naw, bay dis tɛm, tri oklɔk santɛm, a bin de pre na mi os. Wantɛm, wan man we wɛr klos we de shayn kam tinap bifo mi.

2 Kronikuls 20:13

As ɔl dis de bi, ɔl di man dɛn na Juda tinap de bifo PAPA GƆD wit dɛn yɔŋ bebi dɛn ɛn dɛn wɛf ɛn pikin dɛm.

Ditarɔnɔmi 31:12

I tɛl dɛn se ɔlman we de na Izrɛl fɔ de de; man uman ɛn pikin, ivin di trenja dɛn we de wit dɛn fɔ de de, so dat dɛn ɔl go yɛri di lɔ ɛn no se dɛn fɔ rɛspɛkt PAPA GƆD we na dɛn PAPA GƆD, ɛn mek shɔ se dɛn du ɔl wetin di lɔ se dɛn fɔ de du,

Matyu 3:6

Dɛn kin tɛl Gɔd ɔl di bad tin dɛn we dɛn dɔn du, dɛn Jɔn kin baptayz dɛn na Riva Jɔdan.

Ɛzra 10:6

Afta dat, i kɔmɔt bifo PAPA GƆD in os ɛn go na Ilaɛlashib in bɔypikin Jɛoanan in os ɛn slip de da nɛt de. Ol nɛt i de kray fɔ Izrɛl we dɛn nɔ de waka tret wit PAPA GƆD. I nɔ it ɔ drink wata sɛf bikɔs i bin sɔri fɔ ɔl wetin dɛn dɔn du.

Nɛimaya 1:4

We a yɛri dis, a sidɔm ɛn kray. Infakt sɛf fɔ sɔntɛm mi at nɔ swit. A fast ɛn pre to PAPA GƆD.

Nɛimaya 1:6

Duya, yɛri mi prea. Nɔ lɔk yu yes ɛn yay pan mi. Ol de ɛn nɛt a de pre fɔ yu pipul di Izrɛlayt dɛn. Wi na yu pikin dɛn, wi sɔri fɔ ɔl di bad tin dɛn we wi dɔn du. Mi, mi fambul dɛn ɛn ɔlman dɔn kɔmit sin.

Jɔshwa 7:6

Jɔshwa ɛn di bigman dɛn na Izrɛl go bifo di Kɔvinant bɔks, chɛr dɛn klos, put dɔti na dɛn ed fɔ sho se tin dɔn apin we mek dɛn sɔri, ib dɛnsɛf na grɔn, butu dɛn ed ɛn lidɔm de te ivintɛm.

Jɔshwa 8:35

Wan layn nɔ de we Mozis bin rayt na di lɔ we Jɔshwa nɔ rid lɛ ɔl di man dɛn, di uman dɛn ɛn di pikin ɛn fɔrena dɛn ɔl yɛri.