Ɛzra 1:8 - Krio Fɔs Oli Baybul

⁸ Di Kiŋ an ova ɔltin gi Mithrɛdath we na bin di trɛzhɔra, dɔn Mithrɛdath ol wetin dɛn gi am ɛn rayt am dɔŋ na pepa so dat Shɛshbaza, di man we fɔ bi gɔvna na Juda go si am.

Ɛzra 1:8 Referans Kwoze

Ɛzra 5:14

Kiŋ Sayrɔs bin tek ɔl di gold ɛn silva tiŋs dɛn we bin de na Kiŋ Nɛbyukadnɛza in os na Babilɔn, kɛr dɛn go bak na PAPA GƆD in os na Jerusɛlɛm, bikɔs na de Kiŋ Nɛbyukadnɛza bin pul dɛn. Kiŋ Sayrɔs an ova ɔl dɛn tiŋs yaso to Shɛshbaza fɔ kip, dat na di man we i mek gɔvna na Juda.

Egay 1:14

PAPA GƆD mek Zɛrubabɛl we na gɔvna ɛn na Shialtiɛl in bɔypikin, Jɔshwa we na di bigman fɔ ɔl dɛn man we de mek sakrifays fɔ pipul sin ɛn Jɛozedak in bɔypikin, pik zil, jɔyn am wit di zil we di balans pipul dɛnsɛf gɛt, ɛn bigin wok fɔ bil PAPA GƆD we na dɛn PAPA GƆD Ɔlmayti, in os bak.

Egay 1:1

Insay di mɔnt we mek siks, afta we Dariɔs bin dɔn bi kiŋ fɔ tu ia, PAPA GƆD tɔk to Egay na di fɔs de na da mɔnt de. I sɛn Egay to Zerubabɛl we na bin Shialtiɛl in bɔypikin ɛn na gɔvna na Juda. I sɛn am bak to Jɔshwa we na bin di bigman fɔ ɔl dɛn man we de mek sakrifays fɔ pipul sin ɛn na Jɛozedak in bɔypikin.

Ɛzra 5:16

So Shɛshbaza insɛf go Jerusɛlɛm ɛn le di fawndeshɔn fɔ PAPA GƆD in os. Frɔm di tɛm we di pipul dɛn bigin di wok te di tɛm we dɛn de gi wi ansa, di wok nɔ dɔn yet.

Ɛzra 1:11

Ɔl ɛn ɔl na fayv tawzin, fo ɔndrɛd (5,400) gold ɛn silva tiŋs dɛn Shɛshbaza bin kɛr go na Jerusɛlɛm we i bin de go wit dɛn Ju we dɛn bin kech kɛr go na Babilɔn.

Jɛrimaya 51:44

Ɛn A go pɔnish Bɛl we de na Babilɔn, ɛn pul wetin de insay in mɔt we i bin dɔn swɛla. Di neshɔn dɛm nɔ go wɔship am igen; Babilɔn in wɔl dɔn fɔdɔm.

Ɛzra 2:2

Di edman dɛn na Zɛrubabɛl, Jɛshwa, Nɛimaya, Sɛraya, Rilaya, Mɔdikay, Bilshan, Mispa, Bigvay, Reum ɛn Baana. Dɛn wan yaso kɔmɔt Izrɛl.

Ɛzra 5:2

Zɛrubabɛl, dat na Shialtiɛl in bɔypikin ɛn Jɛshwa, dat na Jozadak in yon bɔypikin, bin lisin to wetin di prɔfɛt dɛn bin de se, so dɛn bigin fɔ bil PAPA GƆD in os bak na Jerusɛlɛm. PAPA GƆD in prɔfɛt dɛn bin de wit dɛn fɔ de ɛp dɛn.