Ɛzra 1:7 - Krio Fɔs Oli Baybul

⁷ Kiŋ Sayrɔs gi di Ju dɛn bak ɔl wetin Kiŋ Nɛbyukadnɛza bin dɔn pul kɔmɔt na PAPA GƆD in os na Jerusɛlɛm we i kɛr go put nain yon gɔd dɛn os.

Ɛzra 1:7 Referans Kwoze

2 Kronikuls 36:7

Nebyukadnɛza tek bak sɔm pan di besin dɛm fɔ PAPA GƆD in os ɛn put dɛm nain kiŋ os na Babilɔn.

Ɛzra 6:5

Ɔl di gold ɛn silva tiŋs dɛn we Kiŋ Nɛbyukadnɛza bin pul kɔmɔt na PAPA GƆD in os na Jerusɛlɛm ɛn briŋ kam na Babilɔn, fɔ go bak na Jerusɛlɛm na PAPA GƆD in os.”

Ɛzra 5:14

Kiŋ Sayrɔs bin tek ɔl di gold ɛn silva tiŋs dɛn we bin de na Kiŋ Nɛbyukadnɛza in os na Babilɔn, kɛr dɛn go bak na PAPA GƆD in os na Jerusɛlɛm, bikɔs na de Kiŋ Nɛbyukadnɛza bin pul dɛn. Kiŋ Sayrɔs an ova ɔl dɛn tiŋs yaso to Shɛshbaza fɔ kip, dat na di man we i mek gɔvna na Juda.

2 Kiŋ 24:13

Lɛkɛ aw PAPA GƆD bin dɔn se nɔmɔ, na so Nɛbyukadnɛza klia ɔl di dia tin dɛn we bin de na PAPA GƆD in os ɛn di kiŋ in os na Juda. I klia ɔl di gold we Kiŋ Sɔlɔmɔn bin put na PAPA GƆD in os.

2 Kronikuls 36:10

Insay di oli pat pan di ia kiŋ Nebyukadnɛza sɛn fɔ briŋ am kam Jerusɛlɛm wit di prɛshɔs besin dɛm we de na PAPA GƆD in os ɛn mek in brɔda Zɛdikaya kiŋ na Juda ɛn Jerusɛlɛm.

Daniɛl 5:23

Bɔt yu dɔn es yusɛf ɔp agens PAPA GƆD na ɛvin ɛn yu dɔn mek dɛn briŋ dɛn kɔp dɛn we bin de na PAPA GƆD in os kam na ya, ɛn yu ɛn yu wɛf ɛn switat dɛn tek dɛn drink wayn, ɛn yu dɔn prez di silva, gold, bras, ayɛn, wud ɛn ston gɔd dɛn, we nɔ de si ɔ yɛri ɛn nɔ no natin; bɔt una nɔ rɛspɛkt PAPA GƆD we nain an una layf dɛn de, ɛn we nain de kɔntrol ɔl wetin de apin to una.

Daniɛl 1:2

PAPA GƆD bin mek Nɛbyukadnɛza kapchɔ Jɛoiakim, Juda dɛn kiŋ, ɛn sɔm pan di oli tin dɛn we dɛn bin de yuz na PAPA GƆD in os. Nɛbyukadnɛza bin kɛr dɛn ɔl go nain gɔd in os na Shina, ɛn bin put di oli tin dɛn, na di ples we dɛn bin de kip dɛn gɔd in fayn fayn tin dɛn.

2 Kronikuls 36:18

Ɛn ɔl di besin dɛm na PAPA GƆD in os big ɛn smɔl di prɛshɔs ɛn dia tin dɛm na PAPA GƆD in os ɛn di prɛshɔs ɛn dia tin dɛm na di kiŋ ɛn di prins dɛn os dɛm ɔl dɛm wande i briŋ kam Babilɔn.

Jɛrimaya 51:44

Ɛn A go pɔnish Bɛl we de na Babilɔn, ɛn pul wetin de insay in mɔt we i bin dɔn swɛla. Di neshɔn dɛm nɔ go wɔship am igen; Babilɔn in wɔl dɔn fɔdɔm.