Ɛzra 1:3 - Krio Fɔs Oli Baybul

³ Mek PAPA GƆD de wit una we nain pipul dɛn; una fɔ go na Jerusɛlɛm fɔ go bil PAPA GƆD in os, PAPA GƆD we na Izrɛl dɛn GƆD we de na Jerusɛlɛm.

Ɛzra 1:3 Referans Kwoze

Daniɛl 6:26

A de mek wan lɔ se, ɔlman we de ɔlsay we de ɔnda mi, di kiŋ in kɔntrol, fɔ wɔship Daniɛl in PAPA GƆD, bikɔs na PAPA GƆD we gɛt layf, ɛn i de sote go; In kindɔm nɔ go ɛva fɔdɔm ɛn in pawa go de te ɔltin dɔn.

Jɛrimaya 10:10

Bɔt na PAPA GƆD na di tru tru Gɔd; in na di Gɔd we de alayv ɛn di kiŋ we de sote go. We i vɛks, di wanol wɔl de shek, ɛn di neshɔn dɛm nɔ ebul bia in vɛksteshɔn.

Apɔsul Dɛn Wok 10:36

Una no di mɛsej we Gɔd bin sɛn to di Ju pipul dɛn na Izrɛl, i tɛl dɛn di Gud Nyuz se na Jizɔs Krays we na ɔlman Masta, go mek dɛn kam to Gɔd fɔ mek dɛn ɔl gɛt kol at.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Ayzaya 45:5

Na mi na PAPA GƆD, ɛn nɔn ɔda wan nɔ de, apat frɔm mi, nɔn ɔda Gɔd nɔ de; A de gyad yu, ɔlwe yu nɔ sabi mi,

Jɔshwa 1:9

PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

Ditarɔnɔmi 32:31

Bikɔs di wan we dɛn abop pan nɔ gɛt pawa lɛk di wan we wi abop pan, ivin wi ɛnimi dɛnsɛf de tɔk am.

Daniɛl 2:47

Di kiŋ tɛl Daniɛl se, “Fɔ tru tru, yu PAPA GƆD na im na di edman pan ɔl dɛn gɔd, ɛn na di big wan pan ɔl dɛn kiŋ, ɛn na im ebul fɔ pul mistri na do, bikɔs yu dɔn ebul pul dis mistri na do.”

Di Sam Dɛm 83:18

Lɛ dɛn ɔl no se, yu na PAPA GƆD di PAPA GƆD Ɔlmayti lɛ dɛn no se na yu waŋren na PAPA GƆD fɔ di wɔl.

1 Kronikuls 28:20

Nain Devid tɛl Sɔlɔmɔn we nain bɔypikin se, “tinap lɛk man, tek kɔrej ɛn du am. Nɔ fred natin ɛn nɔ pwɛl at; bikɔs PAPA GƆD we na mi yon Gɔd de wit yu. I nɔ go fel yu, i nɔ go kɔmɔt biɛn yu, sote ɔl di wok we de fɔ du na PAPA GƆD in os, go dɔn.

1 Kiŋ 8:23

“PAPA GƆD, we na Izrɛl dɛn Gɔd, nɔn Gɔd nɔ de na ɛvin ɔ ath we tan lɛk yu - na yu waŋren kin kip yu Kɔvinant ɛn sho lɔv to yu savant dɛn we de waka tret wit yu;

1 Kiŋ 18:39

Wɛn ɔl di pipul dɛn si wetin bi, dɛn fɔdɔm flat na grɔn ɛn tɔk se, “Na PAPA GƆD na PAPA GƆD! Na PAPA GƆD, na PAPA GƆD!”

Ɛzra 1:4

Ɔl dɛn pipul dɛn we tap usay dɛn Ju pipul dɛn we dɛn bin kech briŋ kam na ya fɔ kɔntribyut; dɛn fɔ gi gold, silva, provishɔn fɔ di patrol, animal ɛn prɛzɛnt dɛn fɔ PAPA GƆD in os na Jerusɛlɛm.’”

Ɛzra 5:3

Da tɛm de, Gɔvna Tatɛnay we na gɔvna fɔ di wɛst pat na Riva Yufretis ɛn Shɛta-bozɛnay ɛn di ɔda ɔfisa dɛn rich na Jɛrusɛlɛm ɛn aks udat gi dɛn pamishɔn fɔ bil PAPA GƆD in os,

Ayzaya 37:16

“E PAPA GƆD, Izrɛl in GƆD, yu de ay wan midul dɛn Chɛryubim. Na yu wangren na GƆD pantap ɔl dɛn kindɔm na wɔl, na yu mek ɛvin ɛn ath.

Ɛzra 4:3

Bɔt Zɛrubabɛl, Jɛshwa ɛn di big wan dɛn na di famili ansa dɛn se dɛn nɔ gɛt natin fɔ du pan di wok. Dɛn se dɛn nɔ gɛt nɔn say we dɛn go mitɔp. Dɛn tɛl dɛn se na dɛn nɔmɔ go bil os fɔ PAPA GƆD, Izrɛl dɛn GƆD, jɛs lɛkɛ aw nɔmɔ Kiŋ Sayrɔs na Pashia bin tɛl dɛn fɔ du.

Ɛzra 5:13

Dɛn se di fɔs ia we Sayrɔs bi Kiŋ na Babilɔn, Kiŋ Sayrɔs gi ɔda fɔ lɛ dɛn bil PAPA GƆD in os bak.

Ɛzra 6:7

Una nɔ intafia pan di wok we dɛn de du na PAPA GƆD in os. Lɛ di Ju gɔvna ɛn dɛn lida dɛn bil PAPA GƆD in os bak usay i bin de fɔs.

Di Sam Dɛm 132:13

PAPA GƆD dɔn pik Zayɔn, na de i want fɔ tap.

Ayzaya 44:28

we tɔk bɔt Sayrɔs se, ‘In na mi shɛpad, ɛn i go du ɔl wetin a plan’; I tɔk bɔt Jerusɛlɛm se, “Dɛn go bil am,’ ɛn bɔt di tɛmpul se, ‘Dɛn go le yu fawndeshɔn.’”