Ɛzra 1:2 - Krio Fɔs Oli Baybul

² “Dis na wetin Kiŋ Sayrɔs na Pashia tɔk: ‘PAPA GƆD we na GƆD na ɛvin dɔn gi mi ɔl di kindɔm dɛn na di wɔl fɔ rul, ɛn i dɔn gi mi ɔda fɔ bil os fɔ am insay Jerusɛlɛm na Juda.

Ɛzra 1:2 Referans Kwoze

Ayzaya 44:26

we de pruv wetin in wokman se, ɛn de mek shɔ se wetin in mɛsenja dɛn se, bi; we tɔk bɔt Jerusɛlɛm se, ‘Pɔsin dɛn go tap de,’ ɛn bɔt di siti dɛn na Juda, se, ‘Dɛn go bil dɛn ɛn a go mek ɔl usay brok brok, bak’;

Daniɛl 5:23

Bɔt yu dɔn es yusɛf ɔp agens PAPA GƆD na ɛvin ɛn yu dɔn mek dɛn briŋ dɛn kɔp dɛn we bin de na PAPA GƆD in os kam na ya, ɛn yu ɛn yu wɛf ɛn switat dɛn tek dɛn drink wayn, ɛn yu dɔn prez di silva, gold, bras, ayɛn, wud ɛn ston gɔd dɛn, we nɔ de si ɔ yɛri ɛn nɔ no natin; bɔt una nɔ rɛspɛkt PAPA GƆD we nain an una layf dɛn de, ɛn we nain de kɔntrol ɔl wetin de apin to una.

Daniɛl 4:32

ɛn dɛn go drɛb yu kɔmɔt usay mɔtalman dɛn tap, ɛn yu go tap wit dɛn animal na di fil; ɛn dɛn go mek yu it gras lɛk kaw; yu go de so fɔ sɛvin ia, te yu lan se PAPA GƆD we ay pas ɔl, de rul mɔtalman in kindɔm ɛn i de gi udat i wan gi.”

Daniɛl 4:25

Di lɔ se, dɛn go drɛb yu kɔmɔt usay mɔtalman dɛn tap, ɛn yu go tap wit di bist dɛn na di fil; yu go it gras lɛk kaw, ɛn di ali mɔnin smɔl smɔl wata we de fɔdɔm frɔm di klawd go sok yu; ɛn yu go de so fɔ sɛvin ia, te yu no se PAPA GƆD we ay pas ɔl de rul mɔtalman dɛn kindɔm ɛn i de gi am to udat i wan gi.

Daniɛl 2:28

bɔt wan PAPA GƆD de na ɛvin we de sho mistri dɛn ɛn i dɔn mek kiŋ Nɛbyukadnɛza sabi wetin go bi bambay. Na dɛn tin dɛn ya yu bin si na yu drim ɛn yu vishɔn dɛn na yu ed wɛn yu bin ledɔm na yu bed:

Daniɛl 2:21

I de chenj di tɛm ɛn sizin dɛn; I de pul ɛn put kiŋ dɛn na pawa I de gi sɛns to di wan dɛn we gɛt sɛns ɛn sabi to di wan dɛn we ebul fɔ ɔndastand;

Jɛrimaya 10:11

Na dis yu go tɛl dɛm: “Dɛn gɔd dɛm we nɔto dɛn mek ɔp di klawd ɛn dɔŋ di grɔn, go alaki na grɔn ɛn ɔnda di klawd.”

Ayzaya 66:1

Na dis PAPA GƆD se: “Ɛvin na mi tron ɛn di ath na mi fut rɛst: uskayn os una go bil fɔ mi, ɛn uskayn ples a go tap?

2 Kronikuls 2:12

Uram tɛl am igen se,” Mek PAPA GƆD we na Izrɛl dɛn Gɔd we mek ɛvin ɛn dis wɔl, gɛt blɛsin, in we dɔn gi Kiŋ Devid in bɔypikin we gɛt sɛns, we ebul mekɔp in maynd, we go bil PAPA GƆD in os ɛn bil kiŋ os fɔ insɛf.

1 Kiŋ 8:27

“Bɔt fɔ tru tru se PAPA GƆD yu go kam tap dɔŋ na di wɔl? Di klawd sɛf te rich ɔp ɔp di skay nɔ ebul ol yu bifo a se dis lili abule we a dɔn bil!

Ɛzra 1:5

Dɛn PAPA GƆD tɔch di edman dɛn fɔ Juda ɛn Bɛnjamin fambul dɛn at, ɛn di man we de mek sakrifays fɔ pipul sin ɛn di Livayt dɛnsɛf yon at fɔ lɛ dɛn go go na Jerusɛlɛm fɔ go bil in os.

Ɛzra 3:7

Di pipul dɛn aya mesna ɛn kapinta dɛn fɔ bil PAPA GƆD in os; ɛn dɛn pe di pipul dɛn we kɔmɔt Taya ɛn Saydɔn wit it, wayn ɛn ɔliv ɔyl fɔ kɔt sida timba na Libanɔn. Dɛn travul wit di timba we dɛn kɔt na di si te rich Jopa, ɛn na Kiŋ Sayrɔs na Pashia bin gi dɛn di ɔda fɔ du dat.

Ɛzra 4:3

Bɔt Zɛrubabɛl, Jɛshwa ɛn di big wan dɛn na di famili ansa dɛn se dɛn nɔ gɛt natin fɔ du pan di wok. Dɛn se dɛn nɔ gɛt nɔn say we dɛn go mitɔp. Dɛn tɛl dɛn se na dɛn nɔmɔ go bil os fɔ PAPA GƆD, Izrɛl dɛn GƆD, jɛs lɛkɛ aw nɔmɔ Kiŋ Sayrɔs na Pashia bin tɛl dɛn fɔ du.

Di Sam Dɛm 136:26

Tɛl di PAPA GƆD na ɛvin tɛnki in lɔv de de sote go.

Ayzaya 41:2

Udat shek pɔsin kɔmɔt na di ist we viktri de mit am ɛni mas we i mas? I mek neshɔn dɛn sɔrɛnda bifo am so dat i de sɔprɛs kiŋ dɛn; i de mek dɛn lɛk dɔst wit in sɔd, ɛn lɛk chaf we briz de blo go, wit in bo ɛn aro.

Ayzaya 44:28

we tɔk bɔt Sayrɔs se, ‘In na mi shɛpad, ɛn i go du ɔl wetin a plan’; I tɔk bɔt Jerusɛlɛm se, “Dɛn go bil am,’ ɛn bɔt di tɛmpul se, ‘Dɛn go le yu fawndeshɔn.’”

Ayzaya 45:1

Na dis PAPA GƆD tɛl Sayrɔs we i dɔn anɔynt, we nain raytan a dɔn ol tayt, fɔ put neshɔn dɛn ɔnda in fut ɛn fɔ disgres kiŋ dɛn, fɔ opin domɔt dɛn fɔ am so dat get dɛn nɔ go lɔk:

Daniɛl 6:25

Kiŋ Dariɔs bin rayt to ɔl di pipul dɛn, neshɔn ɛn di wan dɛn we de tɔk difrɛn difrɛn laŋwej we tap na di wɔl, se, “Lɛ pis ɛn kol at de beberebe wan to una ɔl.

Jona 1:9

I tɛl dɛn se in na Ibru ɛn dat na PAPA GƆD we na di GƆD we mek ɛvin ɛn ath i de wɔship.

Ɛzra 5:15

Di Kiŋ gi am ɔda se i fɔ mek shɔ se i kɛr ɔl di tiŋs dɛn na PAPA GƆD in os na Jerusɛlɛm go bak ɛn mek shɔ se dɛn bil PAPA GƆD in os nain rayt ples.

Ɛzra 6:3

“Di fɔs ia we Kiŋ Sayrɔs bigin fɔ rul as Kiŋ, i mek wan lɔ we tɔk bɔt PAPA GƆD in os na Jerusɛlɛm. I se lɛ dɛn bil PAPA GƆD in os bak fɔ lɛ pipul dɛn go de ɔfa dɛn sakrifays de, ɛn lɛ dɛn bil am na di say we PAPA GƆD in os bin de fɔs. I fɔ bi naynti fut ay, naynti fut wayd.

Ɛzra 6:10

Ɔl dis na fɔ lɛ dɛn go mek sakrifays to di GƆD na ɛvin we go mek i gladi ɛn dɛn go pre fɔ mi ɛn mi bɔypikin dɛn to di GƆD na ɛvin.

Ɛzra 7:12

“Frɔm Kiŋ Atazaksis, di kiŋ fɔ dɛn ɔda kiŋ dɛn. To Ɛzra di man we de mek sakrifays fɔ pipul sin, ticha fɔ di GƆD na ɛvin in Lɔ. A de tɛl yu adu.

Nɛimaya 1:4

We a yɛri dis, a sidɔm ɛn kray. Infakt sɛf fɔ sɔntɛm mi at nɔ swit. A fast ɛn pre to PAPA GƆD.

Nɛimaya 1:5

A se, “E PAPA GƆD we de na ɛvin! Yu big ɛn du fɔ fred. Yu de kip yu wɔd na yu Kɔvinant to ɔl udat lɛk yu ɛn de du wetin yu want.

Di Sam Dɛm 85:2

Yu bin dɔn fɔgiv wi sin dɛn. Yu bin dɔn padin dɛn ɔl.

Prɔvabs 21:1

Lɛkɛ aw i izi fɔ PAPA GƆD fɔ kɔntrol wata we de rɔn, na so i izi fɔ am fɔ kɔntrol wetin kiŋ de plan ɛn du, ɛn na usay i want am fɔ go i de kɛr am.

Jɛrimaya 27:5

“Na mi we tek mi gret pawa ɛn mi an we a opin wayd wayd wan, mek dis wɔl, di mɔtalman ɛn di animal dɛm we de na wɔl, ɛn a gi am to udat a fil se rayt to mi, fɔ gi.

Jɛrimaya 29:10

“Bikɔs na dis PAPA GƆD se: wɛn sɛvinti ia dɔn fɔ Babilɔn, a go kam to una ɛn go du wetin a prɔmis se a go du fɔ una ɛn briŋ una kam bak na dis ples.

Daniɛl 1:21

Daniɛl bin de wok wit di kiŋ te di fɔs ia we kiŋ Sayrɔs kam na pawa.