Ɛzra 1:1 - Krio Fɔs Oli Baybul

¹ Di fɔs ia we Kiŋ Sayrɔs bi kiŋ na Pashia, fɔ lɛ wetin PAPA GƆD bin mek Prɔfɛt Jɛrimaya bin tɔk bi, PAPA GƆD mek Kiŋ Sayrɔs mek lɔ, ɛn mek dɛn rayt am dɔŋ na pepa sɛn am go ɔlɔbɔt nain kindɔm.

Ɛzra 1:1 Referans Kwoze

Jɛrimaya 29:10

“Bikɔs na dis PAPA GƆD se: wɛn sɛvinti ia dɔn fɔ Babilɔn, a go kam to una ɛn go du wetin a prɔmis se a go du fɔ una ɛn briŋ una kam bak na dis ples.

Prɔvabs 21:1

Lɛkɛ aw i izi fɔ PAPA GƆD fɔ kɔntrol wata we de rɔn, na so i izi fɔ am fɔ kɔntrol wetin kiŋ de plan ɛn du, ɛn na usay i want am fɔ go i de kɛr am.

Ɛzra 7:27

Ɛzra prez PAPA GƆD. I se, “Prez PAPA GƆD, wi papa dɛn GƆD we mek di kiŋ mek PAPA GƆD in os na Jerusɛlɛm luk fayn!

Di Sam Dɛm 106:46

I mek ɔl udat bin dɔn kapchɔ dɛn sɔri fɔ dɛn.

Ɛzra 6:22

Di pipul dɛn bin sɛlibret di pasova fɛstival fɔ sɛvin de ɛn it bred we nɔ gɛt yist. Di wanol siti bin mek big big sɛlibreshɔn bikɔs PAPA GƆD chenj di Kiŋ na Asiria in atityud ɛn mek i ɛp dɛn pan di wok na PAPA GƆD, Izrɛl dɛn GƆD in os.

Daniɛl 2:1

Insay di sɛkɛn ia we kiŋ Nɛbyukadnɛza bin de na pawa, Nɛbyukadnɛza bin drim bɔku bɔku drim. In at bigin wɔri ɛn i nɔ bin de ebul slip.

Jɔn 1:23

Wɛn Jɔn de ansa dɛn, i tɔk wetin di prɔfɛt we nem Ayzaya bin dɔn tɔk. I se: “ ‘A de tɔk lawd wan, lɛkɛ we sɔmbɔdi de tɔk lawd wan na di dɛzat se: Una klia di rod we di Masta fɔ pas ɛn mek i tret!’”

Ɛzra 1:5

Dɛn PAPA GƆD tɔch di edman dɛn fɔ Juda ɛn Bɛnjamin fambul dɛn at, ɛn di man we de mek sakrifays fɔ pipul sin ɛn di Livayt dɛnsɛf yon at fɔ lɛ dɛn go go na Jerusɛlɛm fɔ go bil in os.

Ɛzra 4:3

Bɔt Zɛrubabɛl, Jɛshwa ɛn di big wan dɛn na di famili ansa dɛn se dɛn nɔ gɛt natin fɔ du pan di wok. Dɛn se dɛn nɔ gɛt nɔn say we dɛn go mitɔp. Dɛn tɛl dɛn se na dɛn nɔmɔ go bil os fɔ PAPA GƆD, Izrɛl dɛn GƆD, jɛs lɛkɛ aw nɔmɔ Kiŋ Sayrɔs na Pashia bin tɛl dɛn fɔ du.

Ɛzra 6:3

“Di fɔs ia we Kiŋ Sayrɔs bigin fɔ rul as Kiŋ, i mek wan lɔ we tɔk bɔt PAPA GƆD in os na Jerusɛlɛm. I se lɛ dɛn bil PAPA GƆD in os bak fɔ lɛ pipul dɛn go de ɔfa dɛn sakrifays de, ɛn lɛ dɛn bil am na di say we PAPA GƆD in os bin de fɔs. I fɔ bi naynti fut ay, naynti fut wayd.

Ɛzra 6:14

Di Ju bigman dɛn kɔntinyu fɔ du di wok lɛkɛ aw prɔfɛt Agay ɛn prɔfɛt Zɛkaraya, Ido in bɔypikin dɛn advays dɛn. Dɛn bil PAPA GƆD in os dɔn jɛs lɛkɛ aw Izrɛl dɛn PAPA GƆD bin se fɔ bil am ɛn aw Kiŋ Sayrɔs, Kiŋ Dariɔs ɛn Kiŋ Atazaksis, di kiŋ dɛn na Pashia bin se.

Ayzaya 44:28

we tɔk bɔt Sayrɔs se, ‘In na mi shɛpad, ɛn i go du ɔl wetin a plan’; I tɔk bɔt Jerusɛlɛm se, “Dɛn go bil am,’ ɛn bɔt di tɛmpul se, ‘Dɛn go le yu fawndeshɔn.’”

Jɛrimaya 1:1

Di wɔd dɛn we Jɛrimaya, we na Ilkaya, wan pan di man dɛn we de mek sakrifays fɔ pipul sin na Anatɔt, na di land ɔf Bɛnjamin in yon bɔypikin,

Izikɛl 38:5

Pashia, Kush ɛn Put ɔl de wit dɛm, dɛn ɔl gɛt big shild ɛn ɛlmɛt;

Daniɛl 6:25

Kiŋ Dariɔs bin rayt to ɔl di pipul dɛn, neshɔn ɛn di wan dɛn we de tɔk difrɛn difrɛn laŋwej we tap na di wɔl, se, “Lɛ pis ɛn kol at de beberebe wan to una ɔl.

Daniɛl 9:2

insay di fɔs ia we i bi kiŋ, mi Daniɛl, bin si insay di buk dɛn, ɔmɔs ia go gɛt fɔ pas bifo Jerusɛlɛm go kan to akɔdin to wetin PAPA GƆD bin tɛl Prɔfɛt Jɛrimaya, ɛn dat na sɛvinti ia.

Ayzaya 45:1

Na dis PAPA GƆD tɛl Sayrɔs we i dɔn anɔynt, we nain raytan a dɔn ol tayt, fɔ put neshɔn dɛn ɔnda in fut ɛn fɔ disgres kiŋ dɛn, fɔ opin domɔt dɛn fɔ am so dat get dɛn nɔ go lɔk:

Daniɛl 1:21

Daniɛl bin de wok wit di kiŋ te di fɔs ia we kiŋ Sayrɔs kam na pawa.