Ɛksodɔs 9:23 - Krio Fɔs Oli Baybul

²³ So Mozis pɔynt in tik to di skay, ɛn PAPA GƆD sɛn di ren we i bin dɔn tɔk bɔt ɛn di ren fɔdɔm wit tɛnda, ɛn laytin. Na so PAPA GƆD tek sɛn dis kayn ren ya na Ijipt.

Ɛksodɔs 9:23 Referans Kwoze

Di Sam Dɛm 18:13

We PAPA GƆD, Ɔlmayti de tɔk, in vɔys tan lɛk we tɛnda de rol ɔp klawd, in vɔys kin mek ɛko.

Jɔshwa 10:11

Di Amorayt dɛn bin de rɔnawe pan di Izrɛlayt dɛn lɛk dɛn ed nɔ de. We dɛn bin de rɔndɔŋ di il na Bɛthɔrɔn, PAPA GƆD mek big big ston dɛn de kɔmɔt ɔp fɔdɔm pan dɛn ɛn kil dɛn te rich Azaka. Di wan dɛn we di ston dɛn kil bin plɛnti pas di wan dɛn we di Izrɛlayt dɛn bin kil.

Izikɛl 38:22

A go kɛriawt jɔjmɛnt insay an wit bad bad sik we de kil, ɛn blɔd we go de flo, ɛn a go sɛn lɛk ren, pan am, ɛn pan in bɔku krawd dɛn ɛn di bɔku difrɛn difrɛn pipul we de wit am, ebi ebi ren, wit elston, faya ɛn sɔlfa.

Ayzaya 30:30

Ɛn PAPA GƆD go mek pipul dɛn yɛri in kiŋ vɔys ɛn dɛn go si in an de kan dɔŋ fɔ blo wit bad bad vɛksteshɔn ɛn faya we de bɔn ɔltin, wit klawd we de sɛn tɛnda ɛn af af blɔk ays kan dɔŋ.

Rɛvɛleshɔn 8:7

Di fɔs enjɛl blo in trɔmpɛt. Na de smɔl smɔl tin dɛn lɛkɛ ays ren, wit faya ɛn blɔd bigin fɔdɔm pan di wɔl. Wɛn wi sheb di wɔl tri say, wan pat bɔn, ɔl di tik dɛn na di wan pat ɛn ɔl di grin gras ɔlɔbɔt bɔn.

Di Sam Dɛm 148:8

di laytin ɛn di ren we de fɔdɔm lɛk grabul-grabul, ɛn di klawd, dɛn traŋa briz ɛn ɔl wetin de biev lɛk aw PAPA GƆD want,

Di Sam Dɛm 77:18

Yu tɛnda in sawnd bin de pan di ebi briz we de tɔn rawnd wit spid; ɛn we yu laytin layt di wanol wɔl; ɛn ath trimbul ɛn shek.

Di Sam Dɛm 29:3

Una kin yɛri we PAPA GƆD de tɔk, we di wata de splash na di si; dis wɔndaful PAPA GƆD in vɔys tan lɛk tɛnda yu kin yɛri PAPA GƆD in vɔys insay di dip dip si.

Rɛvɛleshɔn 16:21

Big big ays ren bigin fɔdɔm pan mɔtalman frɔm ɛvin. Wan wan pan di ays ren bin we lɛkɛ wan ɔndrɛd pawn so. Di pipul dɛn bigin kɔs Gɔd bikɔs i mek dɛn big big ays ren ya fɔdɔm pan dɛn, we mek dɛn sɔfa bad bad wan.

Ɛksodɔs 20:18

Naw, wɛn di pipul dɛn yɛri di tɛnda ɛn di trɔmpɛt ɛn si di laytin ɛn di smok na di mawnten, dɛn fred ɛn bigin trimbul, so dɛn muf kɔmɔt usay dɛn bin de go fawe lilibit.

Ɛksodɔs 19:16

Wɛn do klin di tɔd de, big big tɛnda krak ɛn laytin flash, nain wantɛm tik, tik klawd apia na di mawnten, ɛn lawd, lawd trɔmpɛt blo. As ɔl dis de bi, ɔlman trimbul wit fred.

Rɛvɛleshɔn 16:18

Laytin bigin kɔt, lawd nɔys bigin mek, tɛnda bigin krak, ɛn di grɔn bigin trimbul. Sins we Gɔd mek mɔtalman di grɔn nɔba trimbul bad wan so; na di tɛm dat we i trimbul bad pas ɔl!

Jɛnɛsis 19:24

Da sem tɛm de nain PAPA GƆD mek big, big faya ɛn sɔlfa kɔmɔt na ɛvin ɛn bɔn Sɔdɔm ɛn Gomɔra.

Ɛksodɔs 9:18

Go tumara bay dis tɛm a go sɛn big big tinada blo, dɔn di ren we go fɔdɔm go fiba grabul-grabul. Dis kayn ren ya nɔ wande fɔdɔm na Ijipt.

Ɛksodɔs 9:24

As di ren de fɔdɔm na so i laytin de flash. Wande dis kayn ren nɔ fɔdɔm na Ijipt.

Job 37:13

Na ayda fɔ pɔnish pipul, ɔ fɔ wata in land, ɔ fɔ sho pipul aw i lɛk dɛn, mek i de mek i bi.

Di Sam Dɛm 147:17

We i rɛdi na ren we fiba grabul-grabul de fɔdɔm i kin so kɔl dat nɔbɔdi nɔ ebul bia am