Ɛksodɔs 9:15 - Krio Fɔs Oli Baybul

¹⁵ Tɛl di kiŋ se, a bin fɔ dɔn put sik pan in ɛn in pipul dɛn we bin fɔ mek dɛn day kɔmɔt na di wɔl.

Ɛksodɔs 9:15 Referans Kwoze

Ɛksodɔs 3:20

A go pafɔm wɔnda na Ijipt we go mek dɛn go lɛf una fɔ go.

Prɔvabs 2:22

bɔt as fɔ di bad wan dɛn, PAPA GƆD go pul dɛn kɔmɔt na di land, ɛn dɛn wan we nɔ bɛtɛ i go rut dɛn lɛkɛ plant.

1 Kiŋ 13:34

Na ɔl dɛn bad bad tin ya we Jɛroboam du mek i fɔdɔm we mek in ɛn in fambul dɛn sɔfa ɛn day.

Ɛksodɔs 14:28

Di wata tɔn bak. I kɔba di chariɔt dɛn wit di man dɛn we bin de rayd ɔs ɛn ɔl di kiŋ in sojaman dɛn we bin de rɔnata di Izrɛlayt dɛn ɛn dɛn lɛf na di wata. Wan pan dɛnsɛf nɔ bin lɛf.

Ɛksodɔs 9:16

Bɔt a nɔ mek dɛn day bikɔs a gɛt mi rizin. A want sho dɛn mi pawa so pipul dɛn ɔlsay na di wɔl go yɛri bɔt mi.

Ɛksodɔs 9:6

Di nɛks de, jɛs lɛk wetin PAPA GƆD bin dɔn se, ɔl di Ijipshian dɛn animal dɛn day, bɔt wan pan di Izrɛlayt dɛn yon nɔ day.

Ɛksodɔs 9:3

a go mek in animal dɛn, in ɔs, dɔŋki, kamɛl, in man ɛn uman kaw, ship ɛn got dɛn gɛt bad bad sik we go mek dɛn day.

Ɛksodɔs 9:14

Dis tɛm if i nɔ gri a go du sɔntin we go mek in, in ɔfisa dɛn ɛn in pipul dɛn ɔl no se nɔbɔdi nɔ de we tan lɛk mi na di wanol wɔl.

2 Kiŋ 17:36

I se na PAPA GƆD we pul dɛn kɔmɔt na Ijipt wit in mayti pawa dɛn. I se nain dɛn fɔ wɔship. I se nain dɛn fɔ baw to ɛn ɔfa sakrifays to,

2 Samiɛl 7:23

Us ɔda pipul tan lɛk di Izrɛlayt dɛn to yu? Na udat dɛn yu bay bak fɔ bi yu yon pipul? Na dɛn de mek ɔlman de fred ɛn rɛspɛkt yu naw we yu ple bɔku wɔnda ɛn pul dɛn neshɔn dɛn ɛn dɛn gɔd dɛn na dɛn an wɛn yu bin dɔn pul dɛn na Ijipt.

2 Kiŋ 19:35

Da vɛri nɛt de PAPA GƆD in enjɛl go na di Asirian dɛn kamp ɛn kil wan ɔndrɛd ɛn eti-fayv tawzin man dɛn. Wɛn pipul dɛn wek na mɔnin, na soso dedebɔdi dɛn dɛn si.