Ɛksodɔs 8:9 - Krio Fɔs Oli Baybul

⁹ Mozis ansa di kiŋ se, in go pre fɔ am bɔt nain fɔ tɔk ustɛm i want am fɔ pre fɔ am, in ɔfisa dɛn ɛn in pipul dɛn so dat ɔl dɛn akpɔlɔ dɛn go kɔmɔt na una os dɛn. I tɛl am se na dɛn wan dɛn we de na di riva go lɛf.

Ɛksodɔs 8:9 Referans Kwoze

Ayzaya 10:15

Di aks fɔ fil se in bɛtɛ pas di wan we de yuz am, ɔ di sɔ fɔ mek insɛf big pas di wan we de wok wit am? Lɛk se na di ratlan fɔ gɛt pawa pas di wan we ol am ɔ lɛk se na di waka tik fɔ es di wan we nɔto bod!

1 Kiŋ 18:25

Ilayja tɛl Beal in prɔfɛt dɛn se, lɛ dɛn fɔs pik dɛn yon kaw sins dɛn bɔku. I se lɛ dɛn pre to dɛn gɔd bɔt dɛn nɔ fɔ layt nɔn faya.

Di Jɔj Dɛm 7:2

PAPA GƆD tɛl Gidiɔn se nid nɔ de fɔ kɛr ɔl dɛn pipul dɛn de fɔ go fɛt di Midianayt dɛn, bikɔs we dɛn go win, dɛn go se na dɛn yon pawa ɛn trɛnk dɛn tek win; dɛn nɔ go prez in PAPA GƆD fɔ dat.

Ɛksodɔs 8:8

Di kiŋ sɛn kɔl Mozis ɛn Erɔn ɛn tɛl dɛn fɔ pre to PAPA GƆD fɔ am le PAPA GƆD pul dɛn akpɔlɔ dɛn kɔmɔt pan in ɛn in pipul dɛn dɔn i go mek di pipul dɛn go ɔfa sakrifays to am.”

Ɛksodɔs 8:10

Di kiŋ ansa am wantɛm se lɛ i pre fɔ am di nɛks de.” Mozis tɛl di kiŋ se, i go bi lɛkɛ aw i se, ɛn i go no fɔ tru tru se nɔn ɔda PAPA GƆD nɔ de lɛkɛ di PAPA GƆD we di Ibru dɛn de wɔship.

Ɛksodɔs 7:25

Di wata we PAPA GƆD tɔn to blɔd de lɛkɛ dat fɔ sɛvin de.

Ɛksodɔs 8:11

I se di kiŋ o in ɔfisa dɛn o, ɛn in pipul dɛn nɔ go si di akpɔlɔ dɛn igen pas di wan dɛn we go de na riva Nayl.

Di Nɔmba Dɛm 14:20

PAPA GƆD ansa se, “A dɔn fɔgiv dɛn bikɔs yu dɔn beg,